داخل منزل حور يدور الاتصال الاتى :
عاصم: ايوه يا صوفى اخبارك ايه
صوفى : تمام يا سيد عاصم
عاصم : حور وصلت ولا لسه
صوفى : طيارتها هتوصل بعد طيارة سيد اسر بساعة
عاصم : امممم تمام الطقم الطبى وصل
صوفى : ايوه يا سيد عاصم من بدرى وكل حاجة جاهزة
عاصم : تمام لما يوصل اسر وكل حاجة تستقر بلغينى او اقولك خالى اسر يكلمنى
صوفى : حاضر يا سيد عاصم
عاصم : سلام يا صوفى
صوفى : سلام سيد عاصم
فى مطار ازمير الدولى :
وصلت الطائرة الخاصة وعلى متنها اسر وايتن وباقى الطقم الطبى المسئول عن رعايتها بالتنسيق مع طقم اطباء متخصصين فى علاج الادمان والطب النفسى داخل مصحة معينة تحركت السيارات فى اتجاهها للمصحة
اسر موجهة حديثة للطبيب المعالج والمتابع لحالة ايتن : دكتور انت واثق فى المصحة دى
دكتور اوليفر: متقلقش يا سيد اسر المصحة دى من اشهر المصحات فى الحالات المشابهة لحالة اختك وكمان سمعتها نضيفة جدا مش محتاج اقولك ان غالبية المشاهير على كل المستويات والاصعدة بيتعلجوا فيها او بيجوا فيها للاستجمام فمتقلقش اسرار المرضى هى اول الاولويات و لما بنرشح لحد المصحة دى احنا عارفين بنرشح ايه وحضرتك هتشوف بنفسك
اسر : تمام كل حاجة جهزة لاستقبالها
دكتور اوليفر : كل حاجة تمام وعموما علشان انت كمان متقلقش هم عندهم فكرة كاملة عن الحالة وعلشان كده هيحولوا دايما تكون عدد ساعات استيقاظها قليلة فمش هتحس بالم انسحاب المخدرات من جسمها وهيمر عليها الموضوع شبة حلم بس مؤلم شوية
هز اسر راسة بتفهم : عموما انا هكون مرافق لها فى نفس الغرفة
الدكتور : بس يا سيد اسر الموضوع
اسر : من غير اى نقاش فى الموضوع ده ايتن انا مش هسيبها لحظة كلامى واضح
الدكتور : مش عارف يا سيد اسر فى الحالات دى بيبقى من الافضل ان المريض يبعد عن اى مؤثرات خارجية لازم يواجهة امورة لوحده
اسر : الكلام ده ميهمنيش لو علاجها لوحدها هياخد اسبوع وبوجودى هياخد شهر مش هسيبها يعنى مش هسيبها
الدكتور بابتسامة : تمام يا سيد اسر احنا هنوضح لهم رغبتنا ونشوف الرد هيكون ايه
اسر : لا انت فهمت كلامى غلط احنا هنديلهم اوامر وهم هينفذوا انا مش باخد رايهم
دكتور اوليفر : تمام يا سيد اسر وبعد لحظات وصلت السيارات لمقر المصحة كان هناك سيارتين دفع رباعى تحمل الحرس الخاص وسيارة اسعاف بها ايتن وباقى الطقم الطبى وسيارة خاصة بها اسر والطبيب والسائق فتحت بوابات المصحة
أنت تقرأ
تعلمت الحب بعيون عمياء
Mystery / Thrillerالانتقام سلاح ذو حدين يصبك كما يصيب عدوك فهل سيتدارك خطئة قبل فوات الاوان ام ان العواقف ستكون وخيمة
