تعلمت الحب بعيون عمياء

الجزء الثامن والثلاثون -اصبحتى نبضى

اليخاندروا : دى مش مجاملة دى حقيقة فعلا احنا سعداء بمعرفتكم ثم حول نظره لصوفى

 وقال برقة : شكرا جدا سيده صوفى الاكل كان اكتر من رائع

صوفى بخجل واضح : شكر سيد اليخاندروا شرفتنا

حور وهى تحرك عيناها بين صوفى واليخاندروا : اممم احم احم نحن هنا

جاسر : تعرفى انك رخمة ورزلة

حور : عارفة ايه الجديد

جاسر : مش كنتى استنيتى شوية دى الفرجة تجنن

حور : ياله يا محروم

جاسر : مين دى الى محروم يا بنتى انتى مشوفتنيش من كام شهر بس كنت مدوخ نص بنات البلد

ثم اكمل بحزن بس دلوقتى خلاص

لتهبط حور لمستواه وتضع يداها على قدميه وتقول : متأكد ان هم كانوا النص بس دا انا واثقة انهم كانوا كلهم بس دى من حظى انا اومال كنت هقبلك ازاى

نظر جاسر لها بابتسامة هادئة ومد يده ليضعها على يدها لكنها كانت الاسرع فى ابعاد يدها

حور : صحيح مقولتليش رايك فى الجنينة بتاعتى

جاسر : تحفة بجد تجنن

حور : تحب اعملك جنينتك كده

جاسر : هو دى ممكن

حور : ومش ممكن ليه هى معجزة

جاسر : لا بس هتاخد وقت

حوار: مش اكتر من 4 ايام

جاسر : بتهزرى

حور : تحب تجرب

جاسر : اجرب

حوار : ثوانى اخرجت من جيبها الهاتف الخاص بها ضغطت عده ازرار حتى اتى رد الطرف الاخر

عم حسان : الوو يا ست حور

حور بابتسامة رقيقة : ازيك يا عم حسان

عم حسان : بخير يا ست الكل طول ما انتى بخير

حور : تسلم يا رجل يا طيب بقولك فاضى انهارده

عم حسان : ولو مش فاضى افضالك

حور : تسلملى يارب طيب فى جنينة فى الفيلا الى ادامى عيزاك تخليهالى جنه تاخد منك كام يوم

عم حسان : علشان عيون البحر 6 ايام

حور : تسلم لعيون البحر بس هم 4 ماشى

عم حسان : ماشى يا ست الكل ساعة وهنكون عندك

حور : فى انتظارك يا رجل يا طيب

انهت حور الحوار ونظرت لجاسر : اممم تمام كده علشان تعرف انى مسيطرة

جاسر : لا واضح مسيطرة مسيطرة يعنى مش اى كلام