تعلمت الحب بعيون عمياء

الجزء الاربعين - دعوة

فهد : اهدى يا ريمى كل شئ وله حل ليقطع حديثهم وحديث غيرهم صرخة مدوية فى المكان .

تحرك جميع من فى الحديقة بسرعة البرق الى داخل الفيلا وكان اولهم فهد الذى شاهد خروج حور من غرفة ما بالدور الارضى وهى تبكى فاعترض طريقها

فهد : انسة لولى فى ايه انتى كويسة

ودون ان ترفع وجهها له : ايوه كويسة شكرا وصعدت درجات السلم واختفت عن الانظار

اتجه فهد لتلك الغرفة التى خرجت منها حور فوجد ايهان تركع على ركبتيها امام جاسر وهى تحاول ان تهدا من روعة وغضبة مع حزنة

ايهان : اهدى بس يا جاسر محصلش حاجة

جاسر : اهدى ازاى يا اى انتى مشوفتيهاش كانت عاملة ازاى انا غبى غبى بس والله فرحتى هى الى خلتنى مفكرش

ايهان : عارفه والله ان مش قصدك عموما انت عارف لولى ثوانى وهتلاقيها بتتنطط وترقص ولا كان فى حاجة حصلت انا هطلع لها

جاسر بلهفة : ايوة يا ايهان ونبى اطلعى وطمنينى عليها

ايهان وهى تقف على قدميها وتقبل جبينة بحب اخوى : متقلقش يا جسورة 

خرجت ايهان متجهه لغرف حور وخلفها فهد الذى لم تشعر به

طرقت باب الغرفة وسمحت لها حور بالدخول دخلت واغلقت الباب خلفها

ايهان : حبيبتى اهدى محصلش حاجة انتى عارفة ان جاسر مش قصده حاجة وحشة

حور ببكاء : عارفة عارفة والله ان مش قصده حاجة انا مش زعلانة منه انا زعلانه  من نفسى ان الامور توصل للدرجة دى انا تعبانة يا اى تعبانة

ايهان : معلش يا حبيبتى الصبر شوية وبعدين انتى مش متخيلة جاسر عامل تحت ازاى دى هيتجنن عليكى

حور وهى تمسح دموعها : عارفة يا اى جاسر مش هينام الليلة دى الا لما يطمن عليه وعلشان كده انا هنزل له

فتحت حور الباب لتجد فهد ينظر لها نظرات غريبة لم تستطيع قرائتها وهى لا تنكر انها سرحت  لوهله فى عيناه وافاقت على صوت حمحمة ايهان

حور بانتباه : سيد فهد فى حاجة

فهد : امم اصلى طلعت اشوفك فين

حور : ليه فى حاجة

فهد : جاسر بيسال عليكى

حور : تمام انا نزله له اه وعلى فكرة الغرفة دى واشارت للغرفة التى خرجت منها والى جنبها دول بتوعى انا والبنات والغرفة الى فيها جاسر تحت بتاعتة وباقى الغرف تحت امركم عن اذنك

وانصرفت وتالتها ايهان وتركوا فهد بمفرده

فتح باب غرفتها وظل واقف عند الباب غرفة رقيقة الوانها هادئة تبعث الراحة فى النفس كان عطرها يملا ارجاء الغرفة وكانت هناك صورة لها فى يوم التخرج بملابس تخرجها وهى تحتضن ايهان وماهى وفتاه اخرى لم يعرفها وهناك صورة اخرى لها وشعرها يتطاير خلفها وهى تضحك من اعماق قلبها كانها شمس اشرقت بعد الغيوم ظل يتأمل الصورة للحظات ثم ابتسم وتحرك خارج الغرفة