تعلمت الحب بعيون عمياء

الجزء السادس عشر - سبق السيف العزل

ريمى : ايتن انا عمرى فى حياتى ماعتذرت لحد ومع ذلك انا جيت اعتذر لك واقولك انى مستعديه اسمع منك الى كنت عايزة تقوليه وتشرحية

ايتن بضحكة صاخبة : سورى يا ريمى هانم ( سبق السيف العزل)

ريمى : مش فاهمة تقصدى اية 

 ايتن : اقصد ان فات الوقت وضاعت فرصتك انك تفهمى او تعرفى حاجة كانت ادامك فرصة ذهبية بجد كنت هحكى لك على كل حاجة بس انتى الى اخترتى ....انا اخترتك اخت ليه وانتى اختارتينى ...............ولا بلاش الكلام مافيش منه فايدة شرفتى يا ريمى هانم

التفت ريمى لتخرج من الغرفة وهى تحاول منع دموعها من النزول الا ان هناك دمعة خائنة سقطت من عينيها وقبل ان تعلو شهقاتها خرجت مسرعة من غرفة ايتن والتى انهارت بعد غلق الباب مباشرتا فهى لم تعتاد فى حياتها على جرح احد 

ولكنها وبالفعل كانت سعيدة بريمى واحبتها من قلبها وكانت تتمنى ان تصبح صديقة واخت حقيقية لها

عند خروج ريمى من غرفة ايتن وكانت الدموع تملا عيناها لدرجة انها لم تكن ترى امامها فارتطمت بادهم

ريمى : سورى يا ادهم ماخدتش بالى 

 ادهم وهو ينظر فى عينان ريمى : مالك يا ريمى

لترتمى ريمى بين احضانة وهى تبكى وتنتحب بقهر كبير : ايتن ايتن يا ادهم

ادهم بخضة : مالها تعبانة ولا فيها حاجة

ريمى : لا الحمد لله هى بخير بس بس

ادهم : بس اية انطقى

ريمى : رفضت تسمعنى او تتكلم معاية وتقريبا طردتنى من الاوضة بتاعتها

ادهم وهو يبتسم : بس كده طيب اهدى بصى يا ريمى انتى غلطتى وانت عارفة ده كويس وكمان عارفة ان غلطك كبير اوى لان غلطك كان ممكن تضيع حياه بنى ادمة

بس بما انك عرفتى غلطتك انا اوعدك انى هحاول ادخل واصلح العلاقة بينكم بس ياريت الخطأ ده ميتكررش تانى وترجعى ريمى ام قلب حنين

ريمى وهى ترفع راسها من حضن ادهم : اوعدك يا ادهم هخالى بالى بس بجد هتتدخل بينى وبين ايتن وتصلح علاقتنا

ادهم : اوعدك بس انتى كمان توعدينى 

 ريمى وهى تنظر له بعيون مستفسرة : باية

ادهم : انى مشوفش الدموع دى مرة تانية

ريمى وهى تبتسم : اوعدك

 ادهم وهو يطبع قبلة اخوية على جبين ريمى : طيب ياله يا حبيبتى روحى اغسلى وشك 

هزت ريمى راسها علامة الموافقة وهى تقول :انت هتروح تكلم ايتن دلوقتى

ادهم : لا طبعا هى دلوقتى لسه زعلانة وكمان تعبانة لازم نديها فرصة ترتاح نفسيا وجسديا