تعلمت الحب بعيون عمياء

الجزء الثانى والثلاثون - نفس ضائعة

ظل فهد فى حالة الشرود التى اصبحت ملازمة له فكلما تذكر ايتن تلك الشيطانة الصغيرة كما اطلق عليها فى نفسه لا يسعة سوى ان يبتسم اذا تذكر ابتسامتها وتدمع عيناه اذا تذكر دموعها ويخفق قلبه اذا تذكر قبلتها وترتفع حرارتة عندما يتذكر كيف كانت تهمس باسمه 

 طرق باب المكتب ليخرج من شرودة وياذن للطارق بالدخول ورغم عودة فهد لارض الواقع الا انه لم يخفى على تؤام روحة حالة الشرود التى كان يقبع فيها 

باسل : كنت شارد فى ايه يا فهد

فهد : ولا شارد ولا حاجة انا معاك 

باسل بابتسامة جانبية : بجااااااد دى انا بخبط بقالى نص ساعة 

فهد : نص ساعة لا طبعا مش معقول 

باسل : لا معقول لان دى الى حصل وانا مرضتش ادخل الا لما تاذن لى علشان ااكد ظنونى 

فهد : امممم الى هى 

باسل : عين تحرى يدور عليها يا فهد وكفاية كبر بقى 

فهد : عيب عليك يا حضرة الظابط دى حتى وحشة فى حقنا 

باسل : يعنى هتتستلم وتضحى بيها كده 

فهد : اضحى بيها ليه هى لو كان عمها الى اخدها فهو عذبها على الفاضى لان الملفات الى كنت بسابها ادامها كلها فيييييييك مزورة يا حضرة الظابط 

ولو حبيب القلب هو الى خطفها ودى الى انا متوقعة فيبلها ويشرب مايتها هى لا بقت تنفع له ولا لغيره وبكره يرميها زى الكلبة وبكده فى تلك الحالتين هى الى خسرت كل حاجة 

وانا اخدت كل حاجة يبقى اتعب نفسى ليه وادور عليها الى كنت عايزة اخدته وبابشع الطرق حقى وحق اختى وابوية وامى اخدته مش مطلوب منى حاجة تانية صح كده بيتهيالى دلوقتى ممكن تسبونى اعيش حياتى زى ما احب ولا لسه فى حق تانى محتاجين تاخدوه وعايزين الشيطان ياخده ليكم ما الى ايده اتعاصت بالدم مرة عادى جدا لما تغرق فى الدم على طول 

باسل : فهد انت هتصدق نفسك ولا ايه دى انا اول لما عرفت ريمى وطلبت منى انى اكلمك واحذرك من انك تعمل فيها حاجة كلمتك على طول 

وانت الى اتماديت وصممت انك تكمل الى ابتديت فية انت حملت نفسك فوق طاقتها وبعدين محدش فينا قالك متاخدتش بتارك بس خده من الى يستاهل 

فهد : هههههههههه لا والله وهم لما حبوا ينتقموا منى وجهونى والا وجهوا الضربة لاختى الصغيرة وجهوها لطفلة لسه ماشفتش من الدنيا خير او شر

 فوق يا باسل عالم المثاليات خلاص خلص وعموما يا باسل علشان انت وهم ترتاحوا انا مش هدور على حد وزى ما قلت لك انت وهم توتة توتة خلصت الحدوتة

 باسل : لا يا فهد الحدوتة لسه بقيتها هتحكيها توتة 

عموما يا ابن خالتى ابشرك اسم ايتن خلاص اتحفر فى قلبك الله يعينك على الى جاى