تعلمت الحب بعيون عمياء

الجزء الثامن والاربعون -انت مين ؟

وبعد ان هدءوا من نوبة الضحك هذه نطق فهد : هو انا ممكن اجى معاكم

لتنظر له حور وقد مرت لحظات من الصمت حتى قالت: اكيد طبعا يا سيد فهد دا احنا ضيوف فى بيتك يعنى

ثم التفتت وقالت : ادامكم ساعتين يا شباب وتكونوا جاهزين عند العربيات ثم نظرت لهم مرة ثانية وهى تهمس :انتم عايزين ترله مش عربيات ثم ابتسمت واشارت لهم بيدها : باااااااى هروح اشوف البنات علشان نجهزهم وبعد ان قفزت على درجتين من السلم التفتت

حور : ديجة بقولك جهزى نفسك علشان تيجى معانا

خديجة : انا كمان طيب ليه

حور : ديجة على ما اذكر اخر مرة خرجتى فيها كان مع قافلة قريش ارحمينى يا قلبى ثم اطلقت تلك الضحكة التى تذيب هذا الجليد واكملت صعود

عند الفتيات بالاعلى كانوا جميعا مجتمعين فى جناح ريمى يضحكون ويهللون وعند دخول حور صمت الجميع

حور : ايه يا غجر سكتم ليه شوفتم بعبع

ليليان : اه يا محظوظة طبعا نازلة مع مزز عائلة الايهم وعائلة الاشقر وعائلة رخا وعائلة الايوبى ياااااا لهوووى دى انا بس هيجيلى سكته قلبية من التخيل ياااااااربى

ماهى : حور يا حبيبتى الواد ادهم عينك عليه اوعى اوعى بنت تبص عليه انتى فاهمة علشان ماهى اختك حبيبتك

ايهان وهى تسحب حور من يدها على جنب: بصى يا حورى احيات ابوكى يا شيخة

حور : لا طبعا بعد احيات ابوكى دى هعملك الى انتى عايزاه اوامرى يا اى

ايهان : باسل انتى عارفة الواد طول بعرض وحلاوة وحاجة كده يا لهوووى هتجوز على نفسى انا موافقة خدية انجاجية واوعى اوعى يفلت منك

حور : وانتى يا ريمى ها قولى توصيتك

ريمى بهدوء : لا خالص انا واثقة فى نفس وواثقة من جسورى

حور : ايوة بقى كده تمام

ريمى : بس بردة الامر ما يسلمش

حور : يعنى عايزة ايه

ريمى : احكمى انتى يعنى لو بص لوحده بعنية الرمادى دى اعمل انا ايه فانا بقول بلاش يروح معاكى ومش مهم بدلة خالص

حور وهى ترفع ابهامها لها : انتى كده اوكية فعلا واضح انك واثقة من نفسك فعلا

ثم التفت ليليان : وانتى يا لى لى مش عايزة توصينى على حد

ليليان : لا يا حبيبتى بس خالى بالك من نفسك ومن اسر اخوكى

حور : لا ونبى ارحمنى يارب انا ماشية .....خرجت حور من غرفة ريمى وهى تحادث نفسها لترتطم بصدر صلب

ايه الى جاب الحيطة دى هنا ثم رفعت عيناها لتجد فهد يرفع حاجبة وهى تقريبا فى حضنة

انسحبت سريعا وحاولت ان تكون طبيعية : مش تفتح يا اخ