تعلمت الحب بعيون عمياء

الجزء الحادى والعشرون- اختفاء

فى قصر موسكو يعود فهد من الخارج يمر اليوم بسرعة لا يحدث فية اى جديد حتى يسدل الليل استارة وكان فهد قد منع صعود اى شخص عند ايتن بحجة انها كانت مستيقظة حتى الساعات الاولى من النهار

 وطلب منهم تركها تستريح وهذا ما اقلق خديجة فكسرت اؤامرة وصعدت عند ايتن اثناء عدم وجوده وبالفعل وجدتها تغط فى نوم عميق اطمأنت عليها وتركتها وهبطت للاهتمام بشئون القصر

وعندما عاد فهد امر بتجهيز الطعام لايتن ولكنه رفض صعود اى شخص لها وصعد هو لها بالطعام وتركة الى جوارها بغرفتها وهو يبتسم لها بخبث

عند منتصف الليل خرج فهد من جناحة وتاكد من نوم الجميع ثم دخل لغرفة ايتن حملها بين ذراعية وتوجه بها خارج غرفتها

انتهت الليلة واعلنت شمس يوم جديد عن الكثير من المفاجات التى يحملها اليوم والايام القادمة

فى الصباح هبط الجميع لتناول الافطار معا وقبل ان يقترب احد من طبقة باستثناء فهد الذى كان ياكل بشهية مفتوحة وملحوظة

ليجد كل من فهد وريمى وباسل وادهم خديجة اقتحمت عليهم جلستهم مسرعة وهى تقول :الحق يا فهد

ليرفع فهد وجهه من على طبقة

فهد بابتسامة : صباح النور يا ديجة خير

خديجة : ايتن

ادهم باستفسار وباسل بخوف : مالها يا ديجة

خديجة : مش موجودة

ريمى : يعنى اية مش موجودة

خديجة : يعنى ملهاش اثر خالص

ادهم : يمكن فى الحمام او فى التراس

خديجة بعصبية : بقولك ملهاش اثر فى القصر كله حتى كرسيها مش موجود

باسل : ازاى ده انت عندك علم يا فهد عن الموضوع  د

فهد بابتسامة رقيقة وهى ينحنى تحت الترابيزة : بسس بسس بسس

ثم يرفع كتفية :غريبة مش بترد

ديجة : مين دى الى مش بترد

فهد : القطة... مش بتقولى ان تقريبا فى قطة اسمها ايتن هربت او حاجة زى كده بدور لك عليها بس هى مش بترد

لينظر له الجميع بدهشة خديجة تضع يدها فى خصرها

وادهم يرفع حاجبة علامة(حقا)

وباسل يتنهد بغضب

وريمى تنظر له نظرات مستفسرة

فهد بابتسامة جذابة : اية مالكم بتبصولى كده ليه خلاص انا اسف انى حاولت اساعد دوروا عليها لوحدكم

الجميع فى صوت واحد : فههههههههههههههههههههههههههد

ليلتفت لهم نصف التفاتة وعلى شفتاه ابتسامة جانبية : بيتهيالى انى سبق وقلت الموضوع ده بره عنكم محدش سمع كلامى اوك براحتكم