تعلمت الحب بعيون عمياء

الجزء السادس والعشرون - اهلا بيكى فى جحيم الايهم

اشرقت شمس يوم جديد تحمل فى طياتها الكثير والكثير استيقظت ايتن وهى تشعر بشعور غريب فمن الطبيعى بعد ما حدث فى اليوم السابق ان تشعر ببعض الراحة ولكن كان هناك ثقل يجعلها غير قادرة على التنفس بشكل طبيعى 

استعاذت بالله من الشيطان ودقت جرس استدعاء راسيل فحضرت لها ساعدتها على القيام بروتينها اليوم وصلت فرضها ودعت ربها وتجهزت للنزول لتناول الافطار مع فهد وسامنتا

فى مكان اخر وفى غرفة فهد الذى لم يذوق طعم النوم من بعد وصول الرسالة له سمع طرقات على الباب اذن للطارق بالدخول

سامنتا وهى تتحدث برسمية على غير العادة : صباح الخير سيد فهد حضرتك طلبتنى

فهد دون النظر لها : اهااا عملتى الى قلت لك عليه

سامنتا : ايوه حضرتك

فهد : هيبدا المفعول من امته

سامنتا : المفروض انه بدء من امبارح

فهد : بعد اد ايه يكون فى قمة عمله

سامنتا : بالكتير 10 ايام

هز فهد راسة واشار لها بطرف يده ان تنصرف لم يمر لحظات ودق جرس الهاتف الخاص به وجده باسل فتح الخط

فهد : اوووووف فى ايه يا باسل مليون مكالمة فى اليوم عايز ايه

باسل : انت فين يا فهد ومش بترد علينا ليه

فهد بعصبية : وارد عليكم ليه هو انا عيل تاية بدوروا عليه دى انتم كنتم بتلعبوا معاية لعبه السلالم الموسيقية واحد يقفل التانى يتصل ايه يعنى فاكرنى كده هضطر ارد عليكم

باسل : اهدى شوية يا فهد علشان نعرف نتكلم ونتفاهم

فهد : نتكلم فى ايه ونتفاهم على ايه قلت مسافر ايه اول مره اسافر خايفين لحسن الحرامية يخطفونى

باسل بغضب : بس انت مش مسافر يا فهد انت مخرجتش من موسكو اصلا

فهد بضحكة سخرية : اممم وايه كمان سيادة المفتش كرومبو

باسل : ونبى من غير تريقة يا فهد احنا بس عايزين نطمن

فهد : تتطمنوا على ايه عليه بتتصلوا وتليفونى بيرن وساعات بكنسل عليكم والشغل ماشى زى الساعة وخبرى مجالكوش وقالوا لكم انى غورت فى داهية وموت يبقى انا زى القرد عايزين بقى تطمنوا على ايه

باسل : ايتن فين يا فهد

فهد : يووووة يادى ايتن الى سحرت لكم ايتن ماتت غارت فى داهية رمتها لكلاب السكك يهمكم فى حاجة

باسل : ايه الاسلوب دى يا فهد عموما انا كنت عايز ابلغك ان ريمى عرفت كل حاجة وهى مسامحة ايتن ومش عيزاك تمسها باى اذى

فهد : نعم يا خوية ريمى عرفت كل حاجة وعرفت منين بقى

باسل : انا الى حكيت لها لما كنا مش عارفين نوصل لك او نوصل لايتن