تعلمت الحب بعيون عمياء

الجزء الرابع - كارثة بالقصر

يظهر ادهم من خلف الوسادة بعد ان احتضنها وهو يبتسم ويقول : يااااااااااه يا فهودة والله يا اخى انت كمان كنت وحشنى اوى ويقوم بتقبيل الوسادة .

فهد : هو انت يا زفت وبتبوس اية جتك القرف يا شيخ .....
ادهم : يعنى هو انا لاقيت حاجة تانية تتباس ومبوستش دى انا جالى جفاف عاطفى يا شيخ
يعنى سجاير وخمرة تشرب وعادى لكن الواحد يطرى على قلبه بحتة طرية حلوة كده مالوزة لا لا لا
لية يا عم الشيخ وهو يقلد صوت فهد الا الزنا يا ادهم انت اتجننت ولا اية ياااااااااالهوى الطم يقولوا الولية اتجننت فهمنى انت مخلوق من اية عجينتك دى عجينة بنى ادميين ولا عجينة اية بالظبط هو انت يا بنى مش رجل والا اية فى سنتك السودة دى قول لابن عمك يا حبيبى لو محتاج علاج نشوف الموضوع دة مهو انتى اخوية ولازم اخاف عليك بردة .....
دار كل هذا الحوار وفهد مغمض العينين ويضع راسة على حافة السرير وهو على نفس وضعة
فهد : خلصت ندب خلاص ولا لسه ادهم : خلصت بس اصلى كنت عايز اطمن يعنى عليك الاجهزة شغالة ولا اية .

فتح فهد عيونة ببطئ شديد فهو يعانى من صداع فظيع منذ استيقاظة ثم نظر لادهم نظره مبهمة لم يستطيع ادهم ترجمتها وبدا يعتدل فى جلستة وينزل قدماه من على السرير ببطئ اخفض نظرة لثوانى على الارض وفى لمح البصر وبحركة اسرع من خفة الفهد كان منقض على ادهم يضع راسة تحت ذراعة وهو محاوط رقبتة وبدا يضغط عليها وهو يتحدث من بين اسنانة
كنت بتسال الاجهزة شغالة ولا لا صح وهنا فتح الباب ليظهر باسل خلفة وهو ينظر لهم نظرة استفسار من هذا المشهد فهد يطوق عنق ادهم وادهم يصرخ من الالم ويستغيث بباسل .

باسل : فى اية صوتكم مسمع القصر كله والقصور الى جنبنا .

فهد بابتسامة شيطانية : البيه بيسالنى هو انا ليه بحلل السجاير والخمرة لكن الستات لا
اصلة شاكك ان عندى عطل فى الاجهزة .

لم يتمكن باسل من اخفاء ابتسامتة ثم تحولت الابتسامة لحالة ضحك هستيرى وكانة قرأ ما نوى فهد على فعله
ليكمل فهد حديثة فانا قررت اجرب عليه الاجهزة شغالة ولا لا
وفى هذه اللحظة فقد باسل كل السيطرة التى كان يحاول اظهارها ليقع على الارض من كثرة الضحك
كما ارخى فهد يده من على رقبة ادهم وجلس بجوارة ساحبا ادهم معهم على الارض وجاء صوت ادهم يقلد فية صوت انثى تستغيث وهو يقول : لالالالالالا يالهووووى يا خراشى لا كل الا كده يا سى فهد دى شرف البنت زى عود الكبريت .
فينهار ثلاثتهم فى حالة ضحك هستيرى متذكرين ايامهم وهم صغار عندما كان يقلد ادهم اصوات البنات وحركاتهم وخاصة البنات التى كانت تسعى لجذب انتباه فهد فهو وسيم منذ الصغر وملامحة الجذابة ملفتة للنظر ورغم ومسامتهم جميعا الا ان فهد كان له نصيب الاسد من تهافت الفتيات عليه بسبب كاريزمتة الخاصة تلك الهالة التى يحاوط بها نفسه منذ الصغر
فكان كل من يعرفه يتنبأ له انه سيكون شخصية ذات شأن .