تعلمت الحب بعيون عمياء

الجزء الثلاثون - وعاد قلبنا

نظر له فهد بشك : سرحت فى ايه يا ادهم انت زى ما تكون افتكرت حاجة لو تعرف حاجة اتكلم 

ادهم بارتباك وحزن فى نفس الوقت : لا يا فهد معرفش اى حاجة عن الموضوع ده 

ريمى : يعنى فى حد وصل لحد اوضتك وحط الهدية دى وخرج من غير ما حد يحس بيه 

فهد : سهلة ليليان يا ليليان 

اتت ليليان وهى تضع راسها فى الارض ولم ترفع عيناها فى عين فهد 

ليليان : افندم سيد فهد ظل فهد ينظر لها لفترة حتى انها شعرت باختراق عيناه لها 

فهد : هاتى الاب توب بتاعى من على المكتب 

رفعت ليليان عيناها لفهد كما لو كانت تريد ان تتأكد من طلبة لها وتحاول ان تستشف فى عيناه السماح نظر لها فهد نظرة غضب جعلتها تخفض راسها مرة ثانية

 وتحركت لتنفيذ طلبه وعادت بعد لحظات مدت يدها بالاب لفهد الذى اخذه وهو ينظر لها فرفعت عيناها له وهى تترقرق بالدموع ابتسم لها فهد ابتسامة صغيرة ففتحت عيناها تريد ان تتأكد مما رات فزادت ابتسامته اتساعا وهو يؤمى لها براسة بنعم فابتسمت له واؤمت له براسها علامة الشكر له وتركتهم وعادت داخل القصر

 فتح فهد الاب واعاد تسجيل الكاميرات من ليلة راس السنة واول ما اراد ان يرى فتح كاميرات غرفة ايتن التى كانت تجلس على كرسيها وتتحدث مع ليليان وفجاة انقطع التياروالغريب فى لحظة انقطاع التيار لاحظ فهد ان باقى القصر مضاء الا الدور الذى يوجد به غرفته 

ريمى : ها عرفت مين الى حط الهدية 

فهد بابتسامة ماكرة : الى حط الهدية شخص ذكى جدا 

باسل : مين

 فهد : معرفش الى حط الهدية قطع النور عن الدور الى فية الاوضة بتاعتى وبتاعة ايتن ثم نظر لادهم وهو يقول بابتسامة وبتاعة ادهم بلع ادهم ريقة بتوتر وحاول ابعاد نظراتة عن عيون فهد 

ادهم : اية بتبصلى كده ليه 

فهد : انا جيت ناحيتك ولا كلمتك ولا انت على راسك بطحة مثلا 

ريمى : تقصد اية يا فهد

 فهد : الى حط الهدية كان متعمد انه يقطع النور فى الدور ده ودى معناه 

اولا: انى هعرفة 

ثانيا : فى حد ساعده لان قطع النور اخد 5 دقايق بظبط 

ثالثا : هو عارف ان فى كاميرات يعنى الشخص دى من جوه القصر يا ترى هو مين 

ريمى : اولا انا متاكده انها وحده مش واحد 

فهد : ليه متاكده 

ريمى : لان ما فيش واحد يجيب هدية لوحد ويكتب له عليها تو جز فور ايفر ولا ايه عموما كده لازم تحقيق فى الموضوع ده ومش لازم يعدى بسلام المهم ايتن فين يا فهد