#زوجي_الكبير
#الحلقة_الاولى
الحياة مغامرة صح!!كلنا انملوا ِمـْن الحياة الهادية والروتين الممل ؟
هذا كان تفكيري انا👈🏻وصال
البنت يلي عمرها 16 سنة وأنجبرت على الزواج
جريمة صح!! اتواقعوا خوتي جبروتي لا طبعاً
انا وحيدة
ياريت كان عندي خوت بلكي حد فيهم وقف امعيا
وين امي!!ماتت..ولدتني وتوفت جسمها ضعيف ماقدرتش اتحمل
رباني بابا كافح وتعب وشقي بس عشاني!! نين قبل سنة ونص تغير امعيا مرة وحدةة
معاش قعدنا انبصرو ولا انهدرزو معاش جمعتنا سفرة وحدة بكل
يهزب فيا وايتعامل امعيا ببرود
عذرته ممكن ِمـْن الشغل والقضايا لان بابا يشتغل محامي
بس هالمعاملة طولت
وكانت امضايقتني كل ما نبي انجي نحكي معاه يتجنبني
سيبته عل راحته
وانا حاسه روحي بتطلع ِمـْن معاملته
بابا ماكنش هكي ديمة يضحكلي
ماعمراش يوم حسسني اني عبئ او ان متضايق مني ولا لامني على موت ماما
بس كل هالمعاملة تغيرت..ولتوا مش عارفة عليش؟؟اللي صدمني اجباره
هو ماعمراش جبرني عل حااجة
ديمة اللي نبيها اتصير
لا و مش حاجة عادية
جبرني عل الزواج
الزواج عمره ما كان لعبة لازم ايكون برضى الطرفين
هـذا اللي نعرفه انا؟؟بس الصدمة مش هنا
الصدمة هو زوجي العزيز..ما اتبهتوش فيا هكي✋🏻الصدمة اثرت علياا
ِمـْن اللي حتعرفوه توا واللي هو
ان عمره 30 سنة😳
صدمتوا صح!!يعني حا نتزوج ومش برضاي لا وفوق هذا اكبر مني
بضعفين
عمره قريب من عمر بابا الفرق بينهم 4سنووات
نضت من علي سرحاني علي صوت الكوافيرة:ما شاء اللهـ طالعة
تهبلي
ردينة ابتسمت وهي امولعتلي فاسوخ
بهتت في روحي في المرآة شعري مرفوع فوق والطرحة الكبيرة البيضة
نازلة تحت وفستنا ابيض طويل توب ومن فوق ومن تحت امبوج..كعب ابيض..ميك اب خفيف..وعقد ودنادين واسوره والخاتم ِمـْن ذهب الابيض
حسيت بيد مسكت يدي التفتت نلقاها بنت جيرانا (ردينة)
كيف اختي بضبط هي وهلها صبوا امعانا وااجد
وهي اللي جت امعيا للكوافيرة
اعمام صبايا اعمام ..عمات مافيش بابا وحيد جدي و حني ماتوا ِمـْن اسنين
خوال خلات عندي بس علاقتنا انقطعت بعد وفاة ماما
ولا شفتهم ولا شافوني وجيتهم هذي جيت اضيوف
عطتني الباقة امتاع الورد
واعيونها عليا خديتها وطلعت قدامي
اتساعدني ننزل الدروج
نزلت لبستني الكاب وفتحتلي الباب مدت الشنطة لخوها
وساعدتني طلعنا ركبنا وهي مع خوها قدام
ماشيين شور القاعة
مش عارفة شن حسيت هذك اللحظة خوف على توتر على ضيق
الدنيا كلها التمت عندي
انحول نمسك في دموعي منبيش نبكي
نين وصلنا القاعة
نزلت وخشيت على اسماء اللهــ الحسنى
مر الوقت عليا وانا مقعمزة والبنات يرقصن والناس اللي اتجي اتبارك
وانوزع في ابتسامات بالغصب لعند ما قالوا هل العريس جوو
خشوا وكانن اغلبيتهن عزايز اكبار
وامعاهم دبش
شتن ورقصن نين لبستني حنه
اها حنه كنكم انصدمتوا كيفي😱
معقولة لتوا عايشة هدا اول شب خطر في بالي 😨👉🏻لبستني الدبلة والصبايا ازغرتن
بعدها خدوهم قعمزوهم وحطولهم عشاء
ردينة:كنك ي بنت الناس؟؟ انا:ردينة فوتيني
ردينة :وصال عارفة رقيلك بس ما اتقوليش بلكي فيها خير لكي
انا:انتي عارفة كم عمره
ردينة:باهي هو مش شايب
انا:بالنسبة ليا انا على حافة القبر
ردينة زرتها الضحكة:اشش خلاص وبعدين قالوا ان هو
واتجي عميمة حسنية:تبي حاجة ي وصال؟
انا ابتسمت :لا اعميمة شكراً تعبتك امعياا وااجد حتى خالاتي اللي توا امصبيات قدام الناس ما ايديرن اللي درتيه
حسنية عيب اتقولي راكي كيف بنتي انتيي ونا اللي مربيتك
انا ابتسمت
عدت عميمة حسنية
ردينة:استني مؤيد يرن
انا:الحب بسرعة ما رايف
ردينة:هههههه حيوانة توا انجيكك
ومشت
وقعدت امقعمزة
نين جا وقت نطلع للعريس
حسيت قلبي وقف اطرافي اجمدن ..جد نبي نبكي
نزلتني اعميمة حسنية ام ردينة وامعاها خالاتي دايرات رواحهن قدام
الناس
ونزلت وانا نمشي والبنات ايشتن وايعيطن ورائينا
ومش عارفة ليش حاسة انها جنازتي مش زفتي
اعميمة حسنية :ردبالك من روحك يا وصال واسمعي كلام راجلك باهي
انا هزيت راسي وادموعي نزلن بلا ارادة
خاطري نمسكها وانقوللها ي عميمة بالله عليك مانبيش نمشي
مازلت اصغيرة ونقرا في المدرسة
مزلت طفلة تنسلب مني برائتي وحياتي هكي
سلمت عل ردينة
وعطيت ظهري لخالاتي
ما انحبش النفاق من يومي
ولبستني ردينة الكاب:ردبالك من روحك وما اتخفيش تمام
انا هزيت راسي وطلعت
مشيت وانا انشوف في السيارة السودة اللي تستنا فياا وبابا اقريب منها
وقدامه حد امعطيني بظهره
مش عارفة شكله
نزلت من الدروج لمحني بابا
رغم انه جبرني بس ما نقدرش نطلع نمشي نبدا حياة جديدة
من دون ما ناخذ ارضاه
قربت منه ونا خايفةة يعطيني بظهره يكسفني ما يرضاش ايسلم علياا
وقبل ما ايصير اللي في بالي
عزقت روحي عليه واضبطته وانا نبكي:بابا اسفةة لو ضايقتك..غير نبيك اتكون راضي علياا
م ردش عليا حسيت بيه باسني ع شعري ومسح ع ظهري
بعدني وهوا مبتسم
الابتسامة يلي فقدتها من سنة ونص
بابا:مش حنقولك ونعطيك وصيات واجد هن تلات كلمات
تصرفي كيف م ربيتك
انا شهقت ودموعي مازالن ينزلن
مسحهن بابا بيده
وركبني ف الكرسي الوراني..حسيت بحد جنبي وقلبي قبضني عرفته هوا
كان مازال عندي امل انه كابوس..شي بشع م ينوصفش الشعور انك مجبور ع شي ومش ع اي شي (الزواج) من شخص اكبر منك لانفس التفكير ولا حتى الطبغ شخص لا شفته ولا شافك فجأة لقيت روحك ع اسمه
وبأي صفة
(زوجته)!
صفة تربطك بيه
ب شكل يكون كل الي يخصك يخصه
وخصوصا اني قاصر يعني هوا ولي امري ف كل شي
فرق العمر الي بينا 14سنة
شوية صح !
ابتسمت بهزو من بروحي وانفكر وعيني ع الروشن
فطنت السيارة وقفت قدام عمارة
نزل وانا نزلت نتأمل في العمارة شكلها من برا سمحة:هيا انزلي
انا التلفتت ونلقاه ماد يده
بلعت ريقي ومسكت في يده وحسيتها دافية عكس يدي المصقعة
نزلت وسمعته يحكي مع اللي جابنا وبين عليه سواقه:تعال بكرا في الصبح8:30:يأمر بابا
خشينا وهو الساكو
والسواق عدا
ركبنا الاسانسير نين وصلنا الدور السابع
فتح الباب وطلعنا ونا وراه
سكرر الباب بعد طلعتي ومشى قدام
كانن شقتين امقابل بعضهن
فتح باب الشقة
وعطاني الطريق نخش
خشيت وانا قلبي يدق بقوة وحاسة روحي خايفة يارب شن بيصير توا ؟ حاولت انهدي روحي حسيت روحي صقعت اكتر ونفسي ثقل
وقفت قدام الصالة الي لازم تنزل درجة عشان تخش عليها
سكر الباب وخوفي زاد اكتر
مشي وهلبني
نين نوقف قدام الممر :دارك تالت وحدة عاليمين وم فيش داعي تنظمي دبشك وحاجاتك خودي كل حاجة لكي عشان بكرا مسافرين
ومشي نين سمعت تسكيرة الباب متاع داره
اول م قال كلامه وتسكر الباب تنفست اه اخيرا كنت حانموت
خشيت ونلقا الشناطي قدام الدولاب الي ف الساس جوا
خشيت وسكرت الباب وراي وحولت الكاب ونا متكية عالباب
وانبهت ف الدار
لونها مشماشي هادي
سرير ابيض كبير مزدوج
امقابلة الدولاب
ومن جنب الباب ع مسافة
الزيانة امراية ف الساس وطاولة بلا رجلين ف الساس وفاضية عليها مفرش وجنب الكوميدينة من جيهة لمقابلة لباب
نشيت شوره ونلقاه الحمام
الكدب ع ربي حرام الدار خياال
احلا حتى من داري
تنهدت ووقفت قظام لمراية فكيت الطرحة والتسريحة لانها كانت بسيطة
وخليت شعري مطلوق فكيت الطوق والدنادين والاسوارة وخاتم الدبلة
فتحت سحاب الفستان الي من الجنب وحطيته ع السرير وفتحت وحدة من الشناطي.. طلعت توتة تيشيرت احمر استريتش اسود
بما ان الصيف وتوا عطلة صيفية اللي بعد الرمضان خشيت للحمام وغسلت ومسحت الميك اب ولبستهن وطلعت وانا تعبانة
طبقت الفستان وحطيته ع وحدة من الشناطي مع الطرحة
زقيت ع السرير..وخشيت تحت لغطا
ورقدت طول
وعقلي مازال مشغول
و وانا انفكر كيف حتكون حياتي الجديدة
يتبع....
#منقولة_من_صفحة_kholoud_novels_على_الانستا
#As_ab
