#زُوجـﻲــﭐلـكـبـُيـر��#ﭑلـحًـلـقـﺔ_6��رندة : المهم تسلم عليكم رتاج !��حسيت وجهم قلبن بعد قالت الاسم �جميلة : سلمك يا قلبي .. والتفتت علي هندا : يا هندا خودي وصال لجناحها اتريح م̷ـــِْن تعب الطريق �هندا : اها هيا يا وصال �انا : ماشي �و مشت وانا امعاها ، طلعنا م̷ـــِْن الصالة تحت نظرات رندة الغريبة ، معرفتش شن قصة نظراتها ليا ؟؟ وصلنا للجناح ، خشينا و تطلع الشغالة �هندا : فضيتي الشناطي ؟��الشغالة : ايوه ماما �هندا : باهي امشي �طلعت الشغالة �هندا ابتسمت : هذا اجناحك يا وصال انتي وايهم ، غيرنا الديكور و العفش و درته علي ذوقي انا و جميلة ان شاء •اللّـہ̣̥ يعجبك �انا ابتسمت : شكرا ، اكيد بيعجبني �هندا : ماشي انتي توا اتريحي وعلي الغدا توا اتوعيك الشغالة �انا : ماشي �هندا ابتسمت و التفتت وطلعت وسكرت الباب��انا التفتت بهتت ، وكان جناح بس نظامه كيف الشقة �اول ما اتخش صالة لونها اكريمي و صالون أحمر تلفزون بلزما و فِيَھ برندة ، ستاير حمر �م̷ـــِْن اليسار في الزاوية ، مطبخ ابيض بالاحمر �م̷ـــِْن جنبه علي مسافة بابين بعيدات عن بعضهن �و م̷ـــِْن اليمين بابين بعيدات عن بعضهن��وحدة منهن كان مفتوح وهو اللي طلعت منه الشغالة �خشيتله �وكانت دار نوم لونها موف .. سقف كيف امتاع الصالة ابيض مزخرف بثريه �دولاب لاصق في الساس بابه سحاب �امرايه علي اليمين في الساس بطاولتها �م̷ـــِْن اليسار برندة ، ستاير موف �و كنبه علي شكل حرف اللام موف �سرير ابيض مفرش ابيض �تنهدت و حطيت الهدايا علي الزيانة �و التفتت فتحت الدولاب ، انطلع حاجة نلبسها �نين لقيت برموده رصاصي ، تي شرت كته طايح و مطلع الكتف ابيض �فتحت الباب اللي علي اليمين م̷ـــِْن عند الزاوية و كان الحمام موف بالابيض �درت شوار �وطلعت بعد جففت شعري بالمجفف اللي جوا �ولبست دبشي �حطيت المنشف علي كرسي الزيانة �وطول خشيت لسرير ، شفت موبايلي اللي حطيته علي الكوميدينة ، فتحته نبي نتصل بي بابا �حطيته علي وذني نستنا فيه ايرد �رن لعند مافصل و ماردش �جربت مرة اتنين ونفس الشي ، حسيت قلبي مقبوض " بلكي صارتله حاجة ، مافيش حد امعاه اساسا " �نطيت م̷ـــِْن السرير و قعدت نمشي وانجي في الدار و الموبايل علي وذني متصله �رن الرنة الثالثة واترد : الو ردينة !��ردينة : بسم الله كنك يا وصال ، في حاجة انتي اكويسة ؟؟ انا : ردينة ، انرن علي بابا ما ايردش ، شوفيه ، قصدي دزي حد م̷ـــِْن خوتك ايشوفه في الشقة �ردينة :....................................... 😳 �#يتبع ⬅
#منقولة_من_صفحة_kholoud_novels_على_الانستا
#تفاعلوا
#As_ab
