#زوجي_الكبير �#الحلقة_41�_تريد الموت ، ارمي نفسك بالبحر ستري أنك تصارع لتعيش ، أنت لا تريد أن تموت بل تريد قتل ما تركه الناس في داخلك 💔 ~ �#وصال �فتحت اعيوني علي ضي الشمس اللي مالي الدار .. رفعت روحي و قعمزت علي السرير وانا ننعس �حكيت اعيوني وبهتت علي الساعة وكانت 6:15ص و نسمع صوت بطني من الجوع .. نزلت من السرير بشويا مانبيش اتجيني دوخه �فتحت الباب و طلعت وقفت عند بداية الدروج ومسكت فيه مانبيش انطيح وصلت تحت و كان الجو هدؤ : صباح الخير ماما يأمر شي ؟؟ انفجعت وحطيت يد علي قلبي و يد علي بطني المنفتخه اشوي وبصوت مبحوح بكل : اه يا قلبي فجعتيني �الشغالة : اسف ماما �انا بلعت ريقي وهديت اشوي و بهمس عشان صوتي : احم انا هو انا جعانه �الشغالة ابتسمت : اشوي و يكون الفطور جاهز ماما �ومشت الشغالة �خديت نفس و التفت علي دروج و صوت حد نازل �بهتت و كانت وداد �بهتت فيا و ابتسمت : صباح الورد �انا هزيت راسي وبهمس : صباح الخير �وداد بإستغراب : شن امنوضك .. و بخوف وهي اتقرب بسرعة : في حاجة اتوجع فيك ؟؟ انا بسرعة و بصوت مبحوح : لالا انا اكويسة .. وبخجل : بس جعانه �هي ابتسمت : شي طبيعي .. انتي معاش قعدتي تاكلي لواحد .. انتي توا تاكلي لاتنين �و اتجي الشغالة : الفجور جاهز ماما �وداد مسكت يدي السليمه : ياله خلينا نفطروا �ومشت وانا وراها �وصلنا و قعمزنا �و كانت وداد امقابيلي �صبت وداد وخدت التبسي اللي قدامي وحطت فيه .. دحي و طماطم خيار و جبن و توست و رداته قدامي و صبتلي عصير �وداد بابتسامه : ياله كولي توا �انا هزيت راسي �وداد تنهدت و ابتسمت وقعدت تاكل �رفعت يدي السليمه و جيت بنبدا ناكل �ونسمعوا صوت سيارات �بهتت في وداد باستغراب و كانت اتبهت فيا بنفس النظرة �وداد بصوت عالي : ايا ايا �و اتجي الشغالة �وداد : من اللي جا ؟؟ الشغالة : ماما شوق �وداد ابتسمت باستغراب : اجديدة .. و بهتت فيا : كولي انتي وانا توا انعدي نستقبلها �وصبت وداد �تنهدت وجيت بنبدا ناكل .. بس حسيت وضعي بايخ ناكل وهي توا كيف جت مهما كان هي صبت امعيا و دارت اللي ما دارا اقرب الناس ليا �صبت و طلعت من المكان اللي نفطرو فيه و مشيت لصالة امتاع الاستقبال �بهتت و كنت لابسه سروال توته توب اسود و عليه كنزة صوفيه سوده و فيها حرف w كبير بالابيض و كبيرة عليا و اكتافها وسعات و تحتها بدي اسود ارقبه و شعري مطلوق و لابسه بوت قهوي منزلي �و صلت لبداية الصالة عند ممر الاستقبال : وصال �
و نسمع صوت مألوف .. استغربت و رفعت اعيوني و يتلاقن اعيونا و كانت #اكبر_صدمة_في_حياتي
هي شوفته .. دق قلبي بقوة و انا انبهت في اعيونه .. كل الاصوات اختفن و كل الناس
معاش انشوف الا فيه
و ردن قدامي كل الاحداث اللي صارن ... بلعت ريقي و انا انوخر و كل الرؤية تغبشت و نفسي قعد صعب
و فجآة معاش دريت ع شي غير الظلام .. ولاشي غير الظلام .. الظلام وبس
الشي الوحيد اللي ممكن حسيت بيه في هداك اللحظة حضن دافئ احتوانى و انفاس دافيه علي رقبتي و لاشي تاني ... #آية
و قفت في صالة المطار امتاع الانتظار بعد خلصت الاجراءات انا وبابا و ماما بسمه و عهود
و نسمع صوت نداء امتاع طيارتي
صبيت و صبوا امعيا
ماما بسمه و ادموعها ينزلن : ردبالك من روحك يا ويه و اذكري ان حوشك هنا كل ما بتردي الباب بيقعد مفتوح لان حوشك لك
ابتسمت و انا انقاوم في الدموع : ان شاء الله
عهود بعبره : بنرايف عليك يا حيوانه
و اضبطتني
انا بدلتها : وحتي انا واللهي
بابا قرب بعد عهود حضني و باس راسي : ردبالك من روحك و من اقرايتك و عمتك بتستقبلك غادي و وقت تبيني كلميني .. وبرفعة حاحب : رغم اني عارف انك مش حا تتصلي غير بعهود
انا ضحكت وامعيا عهود و ماما بسمه
و ايرن موبايل بابا
عقد حواجبه بعد و رد عليه
ماما بسمه : اشقي بقرايتك و توا نقعدوا انجوك غادي ردبالك من روحك لو غيرتي رايك اتصلي بيا و بنقعدو عندك و انردوك هنا
عهود بترجي و هي حاضنتني من الجنب : اها باهي فكري في الموضوع
ماما بسمه وهي اتكمل في كلامها : ما تاكليش من برا و دفي روحك بنغازي امصقعه و شنو اخرة و مش اي حد اتصاحبيه يا ويه الناس اشكال و انواع ردبالك
انا ابتسمت علي اهتمامها : حاضر
و فجآة نسمعوا
#يتبع
#منقولة من صفحة_Kholoud_novels_عل_الانستا
#اتفاعلوا
#As_ab
