#زوجي_الكبير
#الحلقة_45
شلون أنساك يا اللي أخذت عافيتي 💔
طب عيني في عينه .. بلعت ريقي وانا انشوف في نظراته الهادية و اللي كانت تملع بحاجة ما فهمتهاش بكل
قرب مني ومن دون تفكير وخرت وانا مش حاسه بأن في دروج ورائي و فجآة فقدت توازني و زلقت رجلي غمضت اعيوني بقوة وخوف
ومعاش حسيت الا بي يدين التفن ع خصري بقوة و حضن دافي احتواني
ايهم بخوف : وصال بهتي فيا انتي اكويسة ؟؟ فتحت اعيوني وانا نتنفس بسرعة و اطب عيني في عينه و كان اقريب هلبه مني مافيش اي مسافة .. قربه خلي قلبي ايدق بقوة بلعت ريقي و حطيت ايديا علي صدره و قعدت نبعد فيه من دون ما نحكي امعاه مانبيش لا ننطق اسمه لا نسمعه صوتي لاشي
زدت بلعت ريقي بصدمة لما لقيته ايقرب فيا اكتر منه و ما بعدش معاش حسيت الا بخده علي خدي .. الشي اللي بز خدي بقوة من لحيته الكتيفه .. ولا اراديا طلع صوتي : اه لو سمحت بعد
و فجآة رعش جسمي من همسه : وصال
عرفت ان بيحكي شي ماكنش عندي استعداد اني انشوفه مابالك نسمع صوته واسمي منه .. ماكنتش نبي يستمر هالوضع صح انحبه وقلبي الغبي مازال ايحبه رغم اللي داره... انحبه بس صعب ننسى الوجع اللي وجعه ليا ... هو حرفيا قتلني وانا حيه بفعلته هاذي
لقيت روحي لا اراديا طالع صوتي : انا نبي الطلاق
انصدمت بروحي بعد قلت هالكلمة اللي مش خاطره عليا بكل
و حسيت بيه اجمد في مكانه حتي نفسه معاش قعد ياخد فيه
استغليت الوضع و قدرت انبعد بسهولة و انوقف بعيد عنه بمسافة مش كبيرة لان كان ورائي الساس و امقابلاتني الدروج
طول لما بعدت رفع اعيونه ليا ... بعدت اعيوني و قعدت انبهت في كل شي عداه هو : الكلمة هاذي معاش اتقوليها فاهمه
و بسرعة رديت اعيوني له بصدمة من كلامه و صوته اللي كان حاد
معاش لقيت روحي الا امعصبه و صوتي علا : نعم كيف يعني معاش انقولها لا وفاهمه آخره .. أتصدق عاد حا انقولها يا ايهم و بصوت عالي عشان تسمعني اكويس بكل آخره نبي نطلق يا ايهم ، نبي الطلاق ال ط لا ق سمعتني ولا لا معاش بنقعد امعاك معاش نبيك انت اللي فهمتني توا
و قعدت نتنفس بقوة
شد ايهم علي يده بقوة و اعيونه انحمرن و قرب مني
بلعت ريقي بخوف حاولت ما انبيناش و جيت بنوخر و ايوقفني الساس اللي كان ورائي .. التفتت عليه بعدها قدامي و نلقى ايهم قدامي بضبط و ما في شي يفصلني عنه
ايهم نزل روحه اشوي لين قعد وجه امقابل وجهي و دنى من وذني
لما نزل روحه ل وذني غمضت اعيوني بقوة و انا انشم في ريحة عطره اللي غرقتني ... حاولت نكتم نفسي بس يغلبني قلبي و الشوق و انرد من جديد انشمها كيف المدمن لما ايحاول ايبطل المخدرات بس ما يقدرش
حسيت وانا امغمضه اعيوني بي انفاسه تضرب في رقبتي و قلبي ايدق ابقوة ... معاش عرفت في شن انركز ولا شن اندير وهو ب هالقرب بالمختصر قربه كان ضايع
ايهم بهمس و شفايفه يلمسن في جلد وذني : عاودي شن قلتي ما سمعتش اكويس ؟؟ بلعت ريقي و انا نرعش حاولت نتماسك و فتحت اعيوني بقوة و بجدية : قلت أن
ايهم قرب وحط جبينه علي جبيني و بهدؤ وهو يمسح ب صبعه علي خدي : هممممم شن قلتي ؟
انا تهت في اعيونه و نبرة صوته و يده اللي تمسح علي خدي تفاصيله هذين ايخلن فيا انتوه ما نعرفش شن اندير .. ضاع الكلام مني حسيت صوتي راح و انا بس سرحانه في ملامحه ، رغم أن كان مرهق بس كان مازال ايهم الجذاب و مازالت وسامته طاغيه مازالن اعيونه مغريات بشكل ايوجع
طلعت من تفكيري ع صوته : وين رحتي ؟؟ التفتت انبهت في كل شي عداه نبي نمحي اي تأثير ايحاول ايدير فيه عليا ... غمضت اعيوني و خديت نفس عميق و رديت
فتحتهن و بهتت تحت في الأرض ، و من دون تركيز اني نطقت اسمه : ايهم
و جيت نبي انكمل بسرعة و
ايهم بإبتسامة : اعيونه و قلبه و روحه
رفعت اعيوني له #بصدمة
بلعت ريقي و اجمدت في مكاني من الفكرة اللي جت في بالي فجآة ع أفعال ايهم
معاش لقيت روحي الا دافته بقوة من عليا
وخر ايهم
انا من دون ما نعطيه اي فرصه للكلام و بتعصيب : ما تلعبش امعيا اللعبة الحقيرة هاذي يا ايهم و طلاق حا نطلق برضاك ولا حتي بدونه
و التفتت مشيت لداري و انا امعصبه فتحت الباب و خشيت و نا مش شايفه شي قدامي غير الفكرة السودة اللي في عقلي و اللي وجعتني التفتت ع الباب و سكرته بقوه و اتكيت براسي عليه و ايديا مازالن علي الباب ... تنفست بقوة وانا مش حاسه بدموعي اللي نزلن ب الوجع اللي ينهش في قلبي بلا رحمة
شهقت بقوة و ادموعي ينزلن و بعدت ع الباب و التفتت ع الدار و #ننصدم ... #دارين
تنهدت بقوة بعد قعمزت ع السرير : اخخخخخخخخخ يا اعظامي ابو العزايم ع اللي اختراعها
و طحت لورا متمددة: اخخخخخخخ .. و فجآة اذكرت ... طلعت الموبايل من جيبي كتبت الرقم و اتصلت حطيته ع وذني نستنى في الرد : الو
انا عقدت حواجبي من الصوت و بهتت في الساعة و نلقاها 8:07م : راقدة يا ست الحسن نوضي مرقد جدي
آية بصوت نعسان : اخخخخخ كنك ؟؟ ابتسمت : شي نسأل ع اخبارك قوليلي شن جوك شن أخبار أول يوم في بنغازي سمحه ولالا ؟؟ آية تنهدت و تربعت : ما نحكيلك مرمطة من اول يوم
انا ضحكت : يا ساتر شن صار ؟
آية تنهدت : يا حنه تأخرت عليا اعميمة في المطار لان عندها شغل ولا فوق هذا كله بعد جت خداتني ع اساس بنمشوا ل شقتها بس جاها اتصال و نحنا في الطريق و اضطرينا نمشوا ل مكان شغلها و حطتني في مكتبها و اه يا دارين لعند توا ما جت ... وكشرت : و كل ما نطلع نسأل المزغوده السكرتيره اللي برا اتقولي مازال عندها شغل و بعدها اختفت المزغوده و قاعدة نستنى في المكتب
انا #انصدمت : معقولة توقعتك راقدة في حوش عمتك بعد وصلتي
آية بوجع وهي تمسح ع ظهرها: اخخخخخخ لا يا ستي كنت راقدة ع الكنبة الجربه هاذي وجعتلي ظهري منها لله يا شيخه
ضحكت : تؤ تؤ تؤ و انتي مالك بس يا حبيبتي ب تدعي كده و روحك معلقه في مناخيرك بس
آية كشرت : لا حضرتك اللي جايتك عليا اليوم اتقول حالمه بيا سارقه حبيبك
انا شهقت : يا خبر اسود ... انتي مالكش اشوي واصله ل بنغازي مسرع اصياعتي ابروحك
آية ضحكت و صبت من الكنبه وهي اتفصع و اتميل و مش فاطنة ل شي : هيهي ع طول ياختي و حياتك م الطيارة ع الكباريه باخد الدروس أول بأول
انا : لا لالا ايه دا دلوئتي بقيتي خطر ع الدولة
آية وهي تلعب في شعرها اللي طالع من الوشاح : وانا مالي يا ختشي هما اللي جابوا الخطر ل نفسهم يا عنيا اه
و تبرم آية وراها و هي مندمجه و #تنصدم
انا ضحكت بقوة : عن جدك لا عندك الحق معلش سامحينا نحنا اللي دزينالهم الخطر
وسكتت نستنى في الرد بس مافيش اي صوت : الو ... يا بت يا مفعوصه.. يا شكيرا وين عديتي .. و بإستغراب : آية الو
و فجآة نسمع الخط اسكر
عقدت حواجبي و جيت بنعاود عليها دق الباب رفعت راسي بنشوف من ؟؟ و فجآة تضوي شاشة الموبايل .. بهتت فيها و #ننصدم
#يتبع
#منقولة من صفحة_Kholoud_novels_عل_الانستا
#اتفاعلوا
#As_ab
