زوجي الكبير

35

#زوجـي_الكـبـيـر
#ﭑلـحًـلـقـﺔ_35
"‏الأيام السيئة تحاول
أن تثبت نفسها من جديد" 🌚💔 طلعت و نلقي ماما بسمة موقفه و جنبها اياد اللي امعصب و اتهدي فيه
بهتت فيه و اطب عيني في عينه
النظرة اللي كانت في اعيونه وجعت قلبي و كانت اول مرة انشوفها و ياريتني ما شفتها
بلعت ريقي و نزلت من الدروج نبي انقرب منه ، بس جمدت لما شفته جاي شوري بسرعة و ماما بسمة وراه
وقفت انبهت و قلبي ايدق و الف فكرة في بالي
وقف قدامي و قبل حتي ما ياخد نفس معاش لقيت الا وجهي لف لجيهة التانية
رفعت يدي و حطيتها علي خدي و الصدمة شلتني
كيف ما شلت ماما بسمة اللي حطت يدها علي فمها
رفعت اعيوني له و نلقاه يتنفس بقوة و هو ايبهت فيا همست بلا وعي : اياد
اياد حط يده قدامي ؛ ما تحكيش مانبيش نسمع صوتك بكل ، صدمتيني فيكي يا آية صدمتيني كيف اديري فيا هكي انتي ، انتي اديري هكي
توقعتها من اي حد بس اقرب انسانة ليا و اللي كنت نثق فيها ثقة عمية اديري فيا هكي ، انتي
بهتت فيه وانا مصدومة شن اللي درته وقبل ما ننطق معاش حسيت الا ب براء وقفت قدامي و عهود وقفت جنبي و حضنتني
براء بتعصيب ؛ كيف اتمد يدك عليها يا اياد شن تحساب روحك
بسمة : براء وسعي بالك بس.. و بهتت في اياد بتعصيب : اياد قول شن اللي صار و عليش درت هكي
اياد و اعيونه عليا : تريحتي توا لما التغي الفرح تريحتي توا سيبتني بسببك انتي ، انتي دمرتيني
حسيت كيف السيف خش لوسط قلبي من كلمته
براء غطت عليا : ما تحكيش بالغاز و تتهم اختي هكي و خلي عينك في عيني وقولي شن درات هياااا قول لو اصلا في حاجة
اياد ضحك بهزو : اختك المصون اتصلت ب توليب و قلتلها اني انخون فيها امعاها و اني مانبيهاش و حا انسيبها يوم الفرح و الازفت من هكي ان علاقتنا
انا و اختك المصون وصلت ل .. و سكت و بهت اعيونه فيا بنظرة اشمئزاز : وصلت اني نرقد امعاها استغفر الله
كمل كلمته و تطلع شهقات من ماما بسمة و عهود و براء فوق الصدمة اللي جتهن
اياد بتعصيب :انتي حقيرة و سافلة و مش متربية بكل طحتي من عيني، تعرفي باهي اللي امك ماتت و ماشفتك بكل ولا شافت هاليوم اللي جبتي فيه لها العار
انا حسيت كلمته هادي في صميم قلبي والساني انشل
اياد: بينتلك اني انحب توليب ومانبيكش رغم اني عارف بانك اتحبيني
رفعت راسي له بصدمة من كلامه "هو عارف "
اياد: بس ما توقعتكش هكي عشان اللي تبيها ادمري حياة الناس ، تحسابي ان ممكن انحبك لا طبعا مستحيل مستعد انحب اي شخص بس انتي لا
انا ما انحبكش يا اية افهمي مانبيكش مافيش في قلبي لكي غير الشفقه ، مش حا نكرهك ولا حا نحقد عليك بلعكس شفقان عليك تحبي واحد مستحيل
ايحبك مش شايفك اساسا مسكينة
بهتت فيه بهدؤ مش عارفة من وين جاني بعد كل هالجروح و الصدمات : ما ننكرش اني انحبك
بهتن فيا براء و عهود و بسمة اللي كانن منصدمات و مش قدرات يحكن مع كلام اياد كله
رفع اياد اعيونه ليا
كملت كلامي بهدؤ : ما ننكرش اني انحبك و اني انموت فيك مش عارفة كيف عرفت انت بس ما ايهمش توا بس انا ما درتش هكي صح قاعدة انموت
الف مرة في اليوم و انا انشوف فيك تمشي لغيري بس مش انا يا اياد اللي ادير هكي و تأذي شخص ما بالك لو كان الشخص هدا انا انحبه و من مبدأ الحب عندي
ان الشخص اللي انحبه ايكون سعيد حتي لو كانت سعادته مع غيري عادي المهم ايكون سعيد ، مش عارفة من وين جابت توليب هالكلام و ليش دارت
هكي و كذبت بس انا و اللهي العظيم و تربت ماما اللي في قبرها ما درتش شي ،وتوا حاب اتصدق صدق ولو مش حاب عادي بس تذكر ان الظلم واعر و
الظلم ظلمات يوم القيامة..و بنبرة قوية مش عارفة كيف طلعت مني : و حا يسألني ربي يا اياد و لو كان بينك و بين الجنة ذنبي مستحيل انسامحك
و التفتت بهدؤ شور الدروج نمشي و انا انفكر في كل اللي صار
و ان كان يعرف اني انحبه
وصلت عند باب المطبخ و نلقي خواتي الاتنين مواقفات و ادموعهن علي خدهن
ابتسمت لهن و هلبت هن و خشيت جوا
نشكر ربي ان كانوا عدد اللي واعيين اشوي و كلهن عزايز اكبار
مشيت لداري و انا مبتسمة
خشيت لها و سكرت ع روحي و طول قعمزت علي الارض و اتكيت علي الباب و ينزلن ادموعي
و انذكر في شكله و كلامه ، حطيت يدي علي فمي و صوت شهقاتي يطلع : حسبي الله ونعم الوكيل ، حسبي الله ونعم الوكيل ، حسبي الله ونعم الوكيل
ضميت رجليا لصدري و لفيت ايديا و سندت راسي عليهن و انا نبكي ونتمتم : ربي ينتقم منكم اذيتوني حسبي الله ونعم الوكيل 💔 ... #وصال