#زوجي_الكبير
#الحلقة_39
يُسخر الله للطيّبين أشباههم
كشرت في وجه و ما رديتش و حطيت السماعة ع وذني: الو
و ايصدمني الصوت : لو كان في حد جنبك ديري روحك تحكي مع بنت
انا بصدمة بانت في صوتي : هادي
هادي بإبتسامة: معناها انتي ابروحك
ارتكبت و بهتت في جيهة الممر اللي ايودي لغرف النوم : انت ك .. كيف اتصلت و شن عرفك لرقم الارضي امتاعنا و بعدين هو قالي وحدة و
هادي قطاعني: بشويا قطعتيني أسئلة.. مرآة خوي هي اللي حكت مع خوك و بعدين انا هادي ............. رقم حوشكم الارضي مش حاجة صعبة عندي
انا قلبت اعيوني " مغرور " : باهي نعم شن تبي ؟؟ هادي : انا اسف اني عصبت عليك و خليتك تطلعي هك من المزرعة اكيد سببتلك مشاكل مع بوك يعني و المكان ما تعرفيش
انا بهدؤ : لا عادي اصلا رديت قدام المزرعة وقفت قدامها واتصلت بي بابا و جاني بسرعة لان كان اقريب
هادي " وانا اللي طلعت متشحور علي الفاضي و نا قالب الغابة كلها جري اندور عليك " : امممم باهي اعتذاري مقبول
انا لا إراديا لقيت روحي نحكي بنفتره: لالا
هادي برفعة حاجب : بلكي تطلعي من السماعة تضربيني
انا قلبت اعيوني : لو عليا عادي
هادي بصوت عالي : نعم نعم
انا بعدت السماعة اشوي من صوته و تنهدت و رديت حطيتها ع وذني و بهدؤ : هادي شن تبي ؟
هادي سكت اشوي بعدها حكى بصوت جدي و هادي: نعتذر يا دارين
سكتت و ما عرفتش كيف انرد و قلبي ايدق بقوة من ذكره لاسمي
هادي كمل : عارف انك متضايقة من كلامي بس جد كانت لحظة غضب
انا : و ؟؟؟ " عارف روحي مستفزه بس يستاهل وجعلي قلبي "
هادي بصوت هايم: و و انحبك
انا شهقت بصدمة : هاااااااااااا
هادي بضحكة رجولية طغت علي قلبي : انحبك و بنجي نطلبك من هلك بعد تكمل أم الشحورة السوده اللي عايشينها و نحلوا هالقضية اللي قدامنا و نحنا درنا كيف المحقق كونان .. فا قولي ل عمتي اللي هي مامتك ايسلم عليك هادي اللي هو بيكون ان شاء الله ، ان شاء الله صهرك المستقبلي و قالك زوجتي المستقبلية اللي هي بنتك الحالية محجوزة يا اعميمه ما تعطيهاش.. حفظتي ولا انرد انسمع عليك
بلعت ريقي و نا مصدومة و قلبي يدلف بقوة .. ونلمح بابا طالع من الممر .. بسرعة حطيت السماعة و خشيت نجري للمطبخ
وقفت في نص المطبخ و قلبي مازال ايدق بقوة
و كلامه ينعاد في بالي " فا قولي ل عمتي اللي هي مامتك " فا قولي ل عمتي اللي هي مامتك
ايسلم عليك هادي اللي هو بيكون ان شاء الله
ان شاء الله صهرك المستقبلي
ايسلم عليك هادي اللي هو بيكون ان شاء الله
ان شاء الله صهرك المستقبلي
و قالك زوجتي المستقبلية اللي هي بنتك الحالية
و قالك زوجتي المستقبلية اللي هي بنتك الحالية
محجوزة يا اعميمه ما تعطيهاش
محجوزة يا اعميمه ما تعطيهاش
حفظتي ولا انرد انسمع عليك
حفظتي ولا انرد انسمع عليك
حفظتي ولا انرد انسمع عليك "
و فجآة ضحكت بصوت عالي
و نسمع : من الممسوس اللي يضحك في المطبخ
حطيت ايديا ع فمي و بلعت ريقي : هااا هادي انا يا بابا قريت شي ضحكني ع نت : باهي دوم لبنتي الضحكة ديري قهوة و تعالي ضحكيني نا بالمرة
عضيت شفتي " و طحنا في مصيبة توا " و خديت نفس و طليت عليه من باب المطبخ بإبتسامة : من اعيوني
ابتسم بابا و رد بهت في التلفزيون
رديت للمطبخ .. مشيت لدولاب طلعت البكرج و قعدت اندير في قهوة و نا مش فاطنة اني مازلت نبتسم " مجنون وربي " .... جميلة : كنك تبتسم ابروحك ؟؟ هادي رفع اعيونه وهو مازال مبتسم : هااااااا لاشي ... و صبى : يلا تصبحو علي خير
و طلع وهو مازال مبتسم و قلبه ايدق " وأخيرا قلتها و نا متأكد ان قلبها بيكون ليا "
ضحك و من دون ما يفطن لي العيون اللي عليه و كمل طريقة لداره ... #آية
سكرت شنطتي بعد رتبت كل ادبشي
و قعمزت علي السرير و نا عقلي ايردلي في تفاصيل مكالمتي مع عمتي " لحظات و ينفتح الخط
انا بسرعة و بلا تفكير : عمتي هناء انا بنجيك معاش بنقعد هنا ... و خنقتني العبرة آخر كلامي
انا متأكدة ان ما فهمت شي مني
هناء بهدؤ من الطرف التاني : اساسا انا بنجيبك عندي مستحيل تقعدي غادي بعد اللي داره أياد
انا #انصدمت ابدا ما توقعت هالرد
و فجآة ايهز موبايلي اللي ع وذني بهتت ونلقاها رسالة ماعدلتش و الصدمة مازلت واخدتني
هناء: توا نحجزلك و نتصل بي بوك و نقنعه و نبعتلك مسج بالحجز و لما توصلي توا نتفاهموا توا مضطرا انسكر
و يسكر الخط
نزلت الموبايل و نا مصدومة
كيف ..... كيف يا ربي عرفت "
و ايدق الباب و يقطع سرحاني و اتخش عهود مبتسمه و امعاها سفره
انا ابتسمت و تربعت ع السرير : الله بعدك كنت جعانه
عهود سكرت الباب و قعمزت قدامي و حطتها بينا
و كانت مكرونة و كفته و بوريك و شربه و مشروب ، خديت الكشيك و قعدت نأكل نا و عهود و تهدرزلي بس الحق ماكنتش امعاها
شغلتني حياتي و قراري ان عمتي قريبة ليا واختلقت كذبة عشان اتجيبني لها .. بس بعد ساعتين من مكالمتي لقت حجز و نظمت لي اموري كلها
#يتبع..
#منقولة_من_صفحة_Kholoud_novels_عل_الانستا
#اتفاعلوا
#As_ab
