#زوجي_الكبير
#الحلقة_الحادية_عشر
نضت في الصبح عل دق الباب
فتحت اعيوني وقعمزت على السرير:نعم
وايجيني صوته الصباحي من برا ببحته المميزة وطحت انا للمرة المية
❤️:هيا نوضي الساعة9:00am البسي عشان نطلعوا:حاضر
وصبيت خديت منشفي وخشيت للحمام،فتحت الدوش وعبيت الحوض
اميه دافية وحطيت فيه زيوت وروائح،سلحت الدبلة وسلحت ادبشي و
خشيت فيه
اه اه عليك شعور
خيرك؟؟مافيها شي لو الواحد دلع نفسه😁
قعدت في الحوض حوالي نص ساعة،بعدها خديت شامبو بالفانليا و
غسلت بيه شعري وخديت شامبو للجسم حتى هو بالفانليا وغسلت بيه
جسمي
حولت السداده عشان تطلع الميه اللي في الحوض وفتحت الدوش،غسلت شعري وجسمي بالميه وسكرته
لبست الديشمبر ولفيت شعري بالمنشفة وقفت قدام المراة ومسحتها
من البخار،وخديت الفرشاة والمعجون،غسلت اسنوني وطلعت
مشيت شور الدولاب فتحته وخديت مجفف علقتهوجففت شعري،بعدها سكرته ورديته مكانه وطلعت سروال اسود من القدام جلد ومن لورا قماش وسورية لفوق الركبة اكريمية وفيها اخطوط بالطول لونهن اسود و
وشاح اكريمي و
رفعت شعري كعكة ولبست ادبشي،خديت المصلية ولبستها وصليت وبعدها لبست الوشاح
واسبيدروا اسود وشنطة سودة حطيت فيها الموبايل ورشيت عطر
بهتت في روحي نظره اخيرة
طرف💕🙈ابتسمت برضى وطلعت نلقى ايهم امقعمز على الصالون وفي يده الريموت:احم احم
التفت عليا وطفى التلفزيون وحط الريموت على الطاولة وصبى وهو
ايبهت فيا
او الاحرى يتفحص فيا بنظراته
تنهد
وفي قلبي حسيته مش راضي على لبسي بس عادي كل البنات يلبسن
هكي جت عليا!!مشى شور الباب ومشيت وراه نين وقف والتفت عليا
وكانه اذكر حاجة
ايهم:ترا مدي يدك؟؟استغربت ومديت اديدا الاتنين،لاني مافهمتش اي يد اللي يحكي عليها
بهت فيهن وغمض اعيونه زين وفتحهن وبهت فيا واقريب ياكلني بعيونه
وبنبرة حادة خلت جسمي كله ايقشعر:وين الدبلة ي مدام؟؟انا دق
قلبي اول ما قال مدام
مع انه عمري اصغير عل كلمة مدام
بس ياله الدنيا فيها العجايب والغرايب
بس ما انقوللكمش كلمة مدام طالعة من شفايفه
كيف ال مش عارفة بس حلوة ويمكن احلا شي هي💘
نضت من سرحاني وهو اياشر قدامي
انا:همممم
ايهم:لا سلامتك بس ليا ساعة اناديلك وحظرتك ناسية الدبلة وكان مش
همك اللي واقف قدامك واللي هو راجلك
ورفع حاجبه في نهاية كلامه
اشش وصال يا مطرشقة بلاش سرحان مش وقتك
تنهدت:سوري واللهي بس نسيتها بلا قصد توا انعدي نلبها
والتفتت نبي انعدي وحسيته مسك يدي وجذبني لعنده لعند ما خبطت
في صدره ولف يده على خصري وهمسلي في وذني:اخر مرة تنسيها
حطيها في يدك وردبالك تسلحيها
انا حسيت حرارتي ارتفعت
اوكي توا قلولي بس انركز في عضلاته؟؟ولا كلامه
وبعدين ايلومني لما نسرح
يعني يبيني نقعد طبيعية وهو قدامي،يتخي يطلب في المعجزات
هزيت راسي بمعنى(اها)
رديت خشيت لدار وانحاول نذكر وينها؟؟ما لقيتهاش لا على الزيانة ولا الكوميدينة،خشيت للحمام ونلقاها على الطاولة اللي جوا قربت لبستها
وطلعت وقفت لبست باعتي،حتى هي نسيتها
وطلعت بهت فيا ومد يده
مافهمتش؟؟نين سحبني وشبكا في يده
ليش انحس ان اصابعه انخلقن ان ايكون بين اصابعي ؟؟اوكي اوكي
عارفة روحي مبتذلة توا نسكت🙊💔طلعنا ونزلنا تحت والغريب ان
مافيش حد قاعد
طلعنا من الحوش،سوري القصر
وركبنا سيارته وانا هذا كله ومتحشمة انقوله
باللهي يا خوي راني جعانة ومافطرتش
انفتحت البوابة وطلعنا قعد يمشي وانا نثاوب لان امس كله وانا غير انفكر في جواب الاسئلة
الغبية؟؟نين وقف
ايهم:اشوي وتو انجي
هزيت راسي وطلع
دقايق ورد ركب ومدلي بان كيك بشكولاته وقهوة
ويا محلا القهوة هي عشقي طبعاً بعد النوم💓
انا من الناس اللي يعشقوا القهوة ويشربوا فيها باستمرار بس طبعاً
يوم زواجي ولعند اليوم ما شربتهاش يمكن هذا سبب خمولي لاني
متعوده عليها
ابتسمت وخديتهن:شكراً
ايهم:العفو
وحط قهوته في حامل الاكواب امتاعه وولع سيارته وقعد ايسوق للمكان اللي مش عارفته لتوا؟؟وانا بس ناكل وكثر خيري اساساً💜😌كملت
بان كيك وقعدت نشرب في القهوة نين وصلنا لمكان رفعت راسي ونلقاه
#انصدمت جد😱😨#يتبع
منقولة_من صفحة_kholoud_novels_على الانستا
#As_ab
قولولي توقعاتكم ورايكم في الحلقة
وشن بيصير في وصال وايهم💞💞💜💘
