#زُوجـﻲــﭐلـكـبـُيـر
#ﭑلـحًـلـقـﺔ_31
أنتْ أشبه بالولادة قسراً
كَلكْ ألمْ لاَ ينْتَهي
و أثرْ لاَ يزولْ
زينب : شن بديري يا أمي؟؟ شوق : خلي نين تطلع بنتك من الدار و أطمنا عليها وكله ساهل لها اكتر من 6 ساعات جوا
يستر الله
سكتت زينب ومرن لحظات نين طلعت من الدار و هي مصدومة
شوق : شن صار يا وداد؟
وداد وهي اتحط في شنطتها علي الكنبه واتقعمز: اللي صار مصيبة يا حني كيف ايهم ايدير هكي في البنت
شوق: احكي حاجه مفهومه
وداد تنهدت :صارلها نزيف اجروح جسمها الاثار كسر يدها غير ان كان عنيف بكل و الكارثة الاكبر ان اول مرة لهم مع بعضهم يعني ايصير هكي
شوق بلعت ريقها; قصدك اول مرة يلمسها
وداد : اها و البنية اصغيرة يعني لازم ايراعيها بسبب اللي صار و اغتصابه لها، و خلها تخسر عذريتها بطريقة بشعه احتمال كبير
اتسببلها في المستقبل حالة كإبة وخوف من هالنوع من العلاقات و ايصير عندها رهبة من الاحتكاك و تقعد عايشه في خوف طول حياتها
زينب: ينعلي
شوق حكت بصوت هادي: باهي وشن درتي انتي
وداد ; الحمدلله كنت جايبه الشنطة الطبية امتاعي امعاي.. و خدت نفس : عالجتلها اجروحها و وقفت النزيف علقتلها كيس دم و تعذية
جبرت يدها حا تقعد راقدة لوقت طويل بما اني عطيتها مسكن قوي و حا نكتبلها علي فيتامينات و مسكينات تانية
شوق هزت راسها: ماشي اكتبيهم
وداد هزت راسها و طلعت بنينة و دفتر اصغير
زينب : يامي ما قلتيش شن بديري
شوق بهتت فيها بهدؤ : مانبيش حد يعرف اللي صار ولا اي حد
زينب : ان شاء الله
وداد : اكيد ياحني اوثقي فيا
شوق وهي اتبهت في وداد ; و نبيك اتجيبي تحاليلها الصح هدين مش لها يعني و اللي صار هو الدليل الاكيد و السبب في لخبطة التحاليل
من تحت لتحت نبيك تعرفي كيف صارت لخبطة التحاليل هدين كيف اتصير في مستشفي كيف هادي الا خاصة ياريتها حتي عامة
زينب : بلكي غلط عادي يامي
شوق : لا قلبي ايقولي في واحد متقصد البنية
ومدت التحاليل لوداد
وداد خدتهن وصبت : حاضر يا حني و توا انكلم السواق ياخد الورقة ايجيب الادوية وتوا انجي في الصبح نفحصها
زينب ; باه ردبالك من روحك وداد ; ان شاء الله
ومشت
لحظات و سمعوا صوت تسكيرة الباب
زينب ; يا امي شن بديري توا
شوق ; حكيت مع اوس و قتله ايدبر طريقة يلقالي فيها ايهم
زينب : و الصورة يا امي انتي عارفة ان فوتشوب كاتر حرام نظلموها
شوق : حا نتاكد علي مهلي مش حا نظلمها لو في حد اصلا ظلمها فا هو ايهم وبس
زينب تنهدت وسكتت ... #طرابلس
#الصبح
#آية
وصلني بابا للمدرسة نزلت ركبت الدروج و نا ميته نعس
الحمدلله أن اليوم الخميس، الواحد تعب من القرآية
خشيت للمبني امتاعنا
وصلت للفصل و نلقي دارين راسها علي الدرج
ضحكت و قعمزت جنبها : شكلي مش ابروحي النعسانه
دارين التفت عليا وهي تثاوب : اسسس حسبي الله عليهم نحنا هك ومش لاحقين يبقي وصال لما اتجي الاحد اطرشق
ضحكت : باهي اتصلتي بيها؟
دارين : لا بعد قالي هادي سلفها الكلام اللي قلته لك قلت الاحد حا انقبلها وجه لوجه و نمسح بيها الوطا عشان ما اتردش ومن التغطية الجربة و من كثر
ماني امرايفه عليها
انا تنهدت : حتي نا ما اتصلتش بيها
دارين : خلاص الاحد انشوفوها بإذن الله
انا : ان شاء الله
دارين عدلت تقعميزتها : نبي انقولك حاجة
انا عقدت حواجبي : شنوووو
دارين جت تبي تحكي و ايخش الاستاذ و بعده طول الياس
اللي طبت عيني عليه عطاني ابتسامة جبرتني اني نبتسمله
دارين : توا انقولك بعدين
انا رديت اعيوني لدارين : تم
طلعنا لكتابات و بدا الاستاذ ايراجع ... فتحت اعيونها و هي اتحس بجسمها كله ايوجع فيها
و بسرعة غمضت اعيونها من الضي القوي
ردت فتحتهن بشويا علي صوت فتح الباب
بهتت و تلقاها مرآة كبيرة في العمر
شوق طوووول ابتسمت لما شفتها : نضتي؟؟ وصال بهتت فيها اشوي.. لحظات وكل شي صار رد لعقلها ضرب ايهم كلامه اللي دمرها الاهم انتهاكه لجسمها بابشع الطرق
شهقت وصااال بقوة و ادموعها نزلن
قربت شوق بسرعة منها قعمزت جنبها تمسح علي شعرها : وسعي بالك يا بنتي
ماسمعتش وصال اي شي من كلام شوق لها كل اللي في بالها و اللي اتشوف فيه قدام اعيونها تراجيتها لايهم و ضربه، الوحش اللي امس
شافته قدامها مستحيل ايكون انسان و ايكون نفسه ايهم اللي حباته من كل قلبها
شوق : وسعي بالك و الله ناخدلك حقك منه
وصال وهي تبكي : نا حبيته هو.. هو مافيش حد غيره و الله الصورة كدب ماصارش بكل والله مستحيل انشوف غيره ولا انحبه غيره هو اللي
حسسني بالامان حسسني ان مستحيل حد يأذيني دامه امعيا، مادرتش احساب ان ممكن الأذية اتجي منه هو دمرني كسرني باللي داره
و شهقت وهي تبكي بقوة
قربت شوق اضبطتها وادموعها علي الحافه وهي اتهدي في وصال
اللي جرح قلبها كان اقوي من جروح جسمها جرح صعب ينبرا 💔 ... #آية
قعمزنا تحت الشجرة و اتكينا عليها و في يدي سنتره و في يد دارين عصير
انا: شنووو بتقولي
دارين خدت نفس: انا اسفة يا وية
بهتت فيها ونا عاقده حواجبي: علاش
دارين : علي الكلام اللي قلته لك بخصوص الياس قصدي يعني القول ساهل بس الفعل صعب
انا خديت نفس : كلامك مش غلط نا هكي نلعب بي الياس نحكي امعاه وهو باني احلام اني انحبه ونا ما انشوفش فيه اكتر من صديق او اخ و
متعلقه في اياد يعني صح نلعب بيه انا
دارين بعدت من جنبي و التفتت عشان تقعد امقابيلي و فجآة وجها انقلب وسكتت
انا عقدت حواحبي : كنك
دارين بلعت رقيها وبهتت فيا و اعيونها بعدن عني وبهتت ورائي
التفتت باستغراب
وننصدم ونا انشوف الياس قدامي بلعت ريقي و بهمس : ال الي الياس
بهت فيا بهدؤ
ونا متاكدة وراء هالهدؤ الف عاصفه
و التفت عدا
قلبي قبضني و صبيت بسرعة وراه.. مسكت يده : الياس اسمعني بس
الياس بعد يده عني و حطها قدامي ( بمعني ما اتقربيش): ما ننصحكش اتجربي الياس المعصب بعدي عني و ما اتخلينش انشوف وجهك نهائي
و عدا
انا انصدمت من نبرة صوته اللي كانت حاده وهو يضغط علي اسنونه و بلعت ريقي بخوف و نا انشوف فيه ايبعد
مع ذالك رجليا تحركن برواحهن يبن يلحقنه من جديد و حسيت بيد مسكتني
التفتت وكانت
دارين: ما تلحقيش هو توا امعصب بكل و مش شايف شي قدامه احمدي ربك مافي حد هنا شاف الموقف
انا : بس
دارين: سيبيه توا امعصب شايفه كيف البركان ممكن ينفجر و ايدير اي شي خليه هالفترةبس
انا تنهدت و رديت بهتت قدامي انبهت في ظهره وهو ايبعد عني
ياربي حتي الانسان الوحيد اللي فهمني و اللي ننسي امعاه اوجاعي خسرته 💔
#يتبع
#منقولة_من_صفحة_Kholoud_novels_عل_الانستا
#اتفاعلوا
#As_ab
