#زوجي_الكبير
#الحلقة_42
يوم آخر ل إخفاء شعور ما 💔
ماما بسمه وهي اتكمل في كلامها : ما تاكليش من برا و دفي روحك بنغازي امصقعه و شنو اخرة و مش اي حد اتصاحبيه يا ويه الناس اشكال و انواع ردبالك
انا ابتسمت علي اهتمامها : حاضر
و فجآة نسمعوا صوت بابا العالي : كيف شنو اتقول انت ؟
و التفتنا كلنا عليه
بابا : باهي باه تمام توا جايين
و سكر
قربت ماما بسمه منه : كنك شن صاير ؟؟ بابا كان وجه متغير بكل و بهت فينا كلنا و بلع ريقه : هااااا لابس في مشكلة صارت في الشغل و ضروري نمشي
و فجآة نسمعوا صوت نداء علي طيارتي
بابا : هيا يا آية يا بنتي اربحي
ماما بسمة اتبهت في بابا و حسيتها مش امصدقه كلامه كيف نا و عهود كان واضح ان في شي صاير و المشكلة ان قلبي كان نغزني و انا قلبي ما ينغزني الا لما اتصير حاجة لا مش حاجة مصيبة
لفت عليا ماما بسمة : احم صح يا وية هيا اسقدي يا بنتي
و قربت حضنتني و بعدها حضني بابا
عهود و ادموع في اعيونها قربت حضنتني ابقوة : ردبالك من روحك كيف ما وصيتك
انا و قلبي ايدق : ان شاء الله
و بعدنا و خديت شنطتي امتاع الكتفين اما باقي ادبشي تفتش وكان في الطيارة وخرت بالمعكوس وانا اعيوني عليهم و ادموع تجمعن فيهن
و انشيرلهم .. بلعت ريقي و عطيتهم بظهري و كملت طريق لعند البوابة .. كنت عارفة انهم ايبهتوا فيا من لوراء عشان يطمنوا .. لعب قلبي ب عقلي ثواني علي امل ان نتراجع ع قراري بس كرامتي
كانت فوق كل شي .. فتحت الباب و تضربني ريح قوية .. كملت طريقي للحافلة اللي بيبانها انفتحن توماتيكي ركبت و ركبوا باقي الناس و تحركت بينا لعند الطيارة
نزلت منها بعد كم شخص بهتت في الطيارة و الناس اللي نزلت بعدي و كانوا بمختلف الاعمار .. اللي ينزل و ركب و خش جوا و اللي مازال يركب
تنهدت و ركبت و كانن المضيفات في استقبالنا .. سلمت التذكرة لوحدة فيهن و خشيت امعاها جوا لطيارة .. دلتني علي مكاني
المضيفة : تفضلي هدا مكانك قعمزت بهدؤ .. بعد حطيت شنطتي فوق في امتاع الشنط ابتسمتلي و عدت
مكاني كان جنب الروشن .. رغم اني انخاف و ما انحبش انقعمز فيه الا ان هالمره قعمزت و قلبي مش حاس باي خوف .. علي ما اعتقد من كثرة اللي صارلي صابني تبلد او برود
و ايقاطع تفكيري صوت الكابتن اللي ملأ الطيارة كلها يعلن ع ان نربطوا الاحزمة عشان الاقلاع
ربطت الحزام امتاعي وقلبي ايدق ابقوة
لحظات و تحركت الطيارة و أقلعت في السماء
خديت نفس عميق وغمضت اعيوني في داخلي قررت اني انسكر علي الماضي و كل شي ايخصه معاش ايهمني تعبت منه .. وتوا
حا نبدأ حياة جديدة كل شي فيها جديد .. جديد وبس
باي اطرابلس أهلا بنغازي 💙 ... #9:40ص
#دارين
نزلت من دروج العمارة و طلعت و طول حطيت السماعات
كملت مشي لسوبرماركت اللي كان اقريب منا
خشيت و مسكت كاروسه و قعدت نمشي في الممرات و في يدي الليسته امتاع ماما
و فجآة رن موبايلي طلعته وكان رقم
عقدت حواجبي " الرقم هدا لقيت منه مكالمات امس " و ضغطت علي بطمة السماعة عشان انرد و قعدت ساكته
وايصدمني الصوت اللي نسمعه 😱 : كنك ساكته احكي ؟؟ انا #بصدمة : هادي
هادي ضحك : حلو صوتك وانتي مصدومة المهم قوليلي شن ها الليسته الطويلة اللي في يدك من جايكم عشان هدا كله
انا بلعت ريقي مصدومة من كلامه و التفتت حوليا : انت وينك كيف عرفت ؟ : انا هنا
و التفتت قدامي و نلقاه جاي شوري
و الموبايل علي وذنه : المهم قوليلي عليش هدا كله ؟
انا : هاااا
هادي رفع حاجبه من سرحاني فيه : هااا هااا
انا ارتبكت و بهتت في كل مكان الا هو و بلعت ريقي : هو اصلا يعني في ضيوف بيجوا فا ماما دزتني انجيب هدا .. واشرت علي اللي في الكروسه
هادي هز راسه : اهممممم .. عليش بيجوا
انا كشرت وهزيت اكتوفي : مش عارفة هالبردين عليش بيجوا و علي الغداء .. يعني ضيوف ويعزموا في ارواحهم افف لا وياريت حتي اقارب الا صاحبة ماما لا وعازمه روحها هي و بناتها اخخخ وخلاص .. لو كل واحد يقعد في حوشه احسن
ويضحك هادي بصوت عالي و قرب و نزل لمستواي : تؤتؤ .. وبهمس بصوت رجولي : انا انسان اجتماعي جدا ولازم مراتي اتكون كيفي
والتفت خاد الكروسة و قعدت يمشي بيها
انا بهتت فيه وقلبي ايدق بقوة وهو يمشي وفي يده الليسته اللي مش عارفة .. امتي خداها مني ؟؟ و انا مازلت واقفه مكاني : م مر مراتك . ك كيف .. و فجاة انتبهت ان بعد بالكروسه : هي تعال هنا وين ماشي بيها ؟
وجيت بنلحقه و انشوف بابا خاش لسوبر ماركت اجمدت مكاني
والتفتت بسرعة لممر .. علي جنب وصبيت وراء الرفوف اللي عليها الحاجات .. بلعت ريقي : بابا .. عليك بخت بختي انا ..و فجاة تذكرت و شهقت : الليسته امعاه هادي يا الحيوان .. شن بندير توا ؟؟ ... #وصال
فتحت اعيوني بشويا و انا حاسه بدفاء غريب حوليا .. بلعت ريقي و رمشت نين توضحت الرؤيه
بهتت حوليا و #ننصدم
#يتبع
#منقولة من صفحة_Kholoud_novels_عل_الانستا
#اتفاعلوا
#As_ab
