زُوجـﻲــﭐلـكـبـُيـر��#ﭑلـحًـلـقـﺔ_10 رندة قلبت اعيونها �و كلمنا العشاء اللي كان رز بالخلطة و انواع سلطة و كبه و سامبوسا �قعمزنا في الصالة نشربوا في شاهي و انهدرزو ، نين خش شاب اسمر اشوي لصالة : السلام عليكم �كلهم : عليكم السلام �و صبوا قعدو ايسلموا عليه نين وصل لايهم و انا قاعدة جنبه ، سلم عليه �ايهم : هاذي مراتي وصال ، وصال هذا عماد راجل اختي��مد يده وسلم ، سلمت عليه �عماد ابتسم : انستي يا وصال ومبروك �انا : •اللّـہ̣̥ يانسك و يبارك فْيَگ �و قعمز جنب رندة �قعدو ايهدرزو نين حسيت بيد ايهم لفت علي خصري ، جمدت و قلبي دق بسرعة ، لفيت عليه و نلقاها ايهدرز و امكشر �شكلها عادة عنده التكشيرة ؟ �سرحت فيه ، هو بس حلو ، و حلاه سحرني ، قصدي مش عارفة شن ايصيرلي و مجرد ما انشوفه نسرح فيه �نضت م̷ـــِْن سرحاني لما شفته يبتسم و غمزاته بانن ، التفت بهت فيا بنظرة ورد يبهت فيهم و ايهدرز م̷ـــِْن دون ما يبتسم �هو توا ابتسملي صح ؟؟ انا فطنت لروحي و بهتت قدامي و نلقي هندا ترقص في حواجبها و زرتها الضحكة �انحرجت تمنيت الارض تنشق و تبلعني ، بس الحمدلله مافيش حد غيرها انتبه ، لا بس حتي هو انتبه �عليك تزليط !! رندة برفعة حاجب : شكلك هادية يا وصال ؟؟ انا بهتت فيها : اها يعني مش واجد �جميلة : يعني مشاغبة ؟؟ انا ; مش واجد وسط يعني �هادي : باللهي اقسمي م̷ـــِْن الهدؤ اللي عندك علي ناس نعرفهم اني��رندة : شوري الكلام ؟��انا حطيت يدي علي فمي و تثاوبت و نسمع همسه في وذني : نعسانة ؟��انا التفتت بسرعة ونلقاه وجه قريب من وجهي ، ارتبكت : اها �ايهم بعد و صبي ومسك يدي : ، تصبحوا علي خير �كلهم : و انتم م̷ـــِْن اهله �و مشي وانا وراه �زعمك شن حا ايصير بعد ه̷̷َـَْـُذآ ؟؟ قصدي ما تفهمونش غلط تفكيري مش منحرف بس جد شن حا ايصير ، بدبت انخاف ، مرة يتجاهلني و مرة ايكون الطف م̷ـــِْن اللطيف ، و مرات يا باي عليه �وصلنا لجناح ، خشينا �ايهم سيب يدي ومشي شور واحد م̷ـــِْن البيبان ، مسك المنيله امتاعه : بكرا وتي روحك علي العشرة عشان نطلعوا �و فتح الباب وخش �صدقوني مختل مش طبيعي �عنده انفصام في الشخصية �جد نحكي ؟؟ قلبت اعيوني ، رغم انه طرف الا شكله حصله والمعاملة بالويل امعاه ، مشيت شور دراي فتحتها وخشيت �سكرت الباب و خديت نفس دبشي اللي امبدري و مشيت للحمام ➡ 😘
#التكميلة �قلبت اعيوني ، رغم انه طرف الا شكله حصله والمعاملة بالويل امعاه ، مشيت شور دراي فتحتها وخشيت �سكرت الباب و خديت نفس دبشي اللي امبدري و مشيت للحمام �طلعت بعد غيرت ، علقت الدبش في الدولاب و مشيت شور السرير ، قعمزت وفتحت موبايلي ، جيت نبي نتصل ، خفت انضايقه ، فا قررت اندز رسالة ( تصبح علي خير يا بابا ❤ ، ردبالك م̷ـــِْن روحك ) �وجيت نبي انسكر الموبايل ونلمح تغطية نت قوية �عليك حظ �حطيت الموبايل علي الكوميدينة و راسي المخدة تغطيت وغمضت اعيوني و في بالي زحمة افكار ، و اسئلة واااجد �ليش زوجني بابا هكي ؟؟ و عليش ايهم يتعامل امعيا هكي ، قصدي مش هكي حياة المتزوجين يعني مش كل واحد في دار ولا لا ؟؟ و كيف حا اتكون حياتي بعدين امعاك يا ايهم ، السؤال المبهم ؟؟ #يتبع
#منقولة_من صفحة_kholoud_novels_على الانستا
#تفاعلوا
#As_ab
