#زوجي_الكبير
#الحلقة_50
#وصال
فتحت اعيوني علي صوت ايهم
بهتت فيه وطول ابتسم
ايهم و هو يلعب في شعري : اخيرا يا كسلانه
انا تثاوبت : بنرقد ايهم
ايهم و هو ايشيل فيا : لا طبعا هيا بلا كسل يا خميرة النوم
لفيت ايديا حولين ارقبته بسرعة عشان ما انطحيش : عليش تبيني انوض ؟؟ ايهم : عندنا شغل حا انديروه مع بعضنا
انا : شنوووو ؟؟ ايهم : هيا بس وتي روحك بسرعة نستنى فيك تحت
وطلع
تنهدت
وخشيت للحمام وقفت قدام المرآية و انبهت في روحي .. اعيوني امحلقات من قلة النوم وجهي مرهق
خشيت تحت الدوش بعد حولت دبشي .. غسلت و طلعت جففت شعري و لبست
سروال امريكي و قميص ابيض .. و وشاح وردي و كويش ابيض
بهتت في دبشي اللي لابسته واللي كان امعاي في بنغازي
ماكنتش نتوقع ايصير امعاي هذا كله .. كنت نتوقع بداية حلوة
كنت حاطة حاجات تانية لاي خروجة لاي مكان بس .. بس صار العكس
مسحت دمعة ساخنة نزلت علي خدي بس الحق حسيتها علي قلبي و حرقاته .. خديت نفس و ابتسمت : خلاص يا وصال انتي قررتي بداية جديدة لازم ننسوا
و خديت شنطة و طلعت .. نزلت تحت و #انصدمت ماكنش في غير ايهم في الصالة
بهتت حوليا : وينهم ؟؟؟ ايهم صبى : توا انقولك
انا عقدت حواجبي : بس
ايهم ضرب جبيني بشويا : بلا كثرة اسئلة و هيا
مسك يدي و طلعنا ركبنا السيارة .. تنهدت و انا ميته من الفضول بنعرف وين بنمشوا .. قعدت سرحانة انبهت من الروشن
حاجات هلبة كنت انفكر فيهن .. خوف مجتاحني مهما حاولت انبين اني قوية .. نضعف و ننكسر من داخلي : وصلنا
التفتت و بهتت في ايهم .. و رديت بهتت قدامي و نلقى ان جينا
لمستشفي .. عقدت حواجبي و فجآة شهقت : بابا
و لفيت علي ايهم : بابا يا ايهم فيه حاجة بابا
و نزلن ادموعي و معاش قدرت انكمل
قرب ايهم بسرعة و حضني : لا يا قلبي والله ما شور بوك .. هو امسافر و علاجه ماشي اكويس جايين عشان موضوع تاني
بعدت و جيت بنسال و ينزل ايهم
و ايجيني من جهتي فتح الباب وقرب مسح ادموعي : ما تساليش لاني مش حا انجاوب .. وابتسم : هيا
انا جيت نبي نحكي .. نبي نعرف لازم نعرف
ايهم قطاعني و هو ايساعد فيا عشان ننزل : ما تساليش توا تعرفي اصبري بس
و مسك يدي و بيده تانيه سكر الباب و طلع مفاتيح السيارة من جيبه زر البطمة و اسكرت توماتيكي و مشي و خشينا للمستشفي
و مشينا طول شور الاسانسير .. ركبنا و ضغط ايهم علي بطمة الدور السادس
بلعت ريقي و انا متوترة ... لحدت ما وصلنا .. طلعنا من الاسانسير و مشي ايهم للاستقبال الصغير لموجود فيه
ايهم : السلام عليكم
و ترفع الممرضة راسها و طول ابتسمت : استاذ ايهم يا اهلا .. كيف حالك ؟، ايهم ابتسم : الحمدلله و حضرتك
الممرضة : الحمدلله يا اوليدي .. اكيد جاي لدكتورة جود
ايهم هز راسه
الممرضة : هي تستنى فيك تفضل امعاي
و طلعت و طلعنا وراها وانا لعند توا كيف الاطرش في الزفة
و صلنا و فتحتلنا الممرضة الباب : تفضلوا
خشينا و خشيت الممرضة ورانا
بهتت و نلقى دكتورة و كانت شابة امقعمزة وراء المكتب علي كرسي و طووول صبت بعد خشينا و طلعت من وراء المكتب
جود وهي تبتسم : ايهم
ايهم ابتسم و سيب يدي و مشي شورها و حضنها : جود الدبة
جود كشرت و ضرباته علي ظهره : مافي دب بعدك
انا #انصدمت " حد ايفهمني شن اللي ايصير "
بعد ايهم و بهتت فيا جود و قربت : انتي وصال صح
انا عقدت حواجبي و متاكدة ان ملامح وجهي ايبينن اني مش مستلطفتها نهائي و هذا الأحسن
بهتت في ايهم و حاسه قلبي واجعني و كان واضح من اعيوني كومة الأسئلة " ليش جينا هنا ؟ و من هاذي ؟ " و السؤال الاهم وان شاء الله يقعد لاحظة :" ليش حضنتها ؟؟ "
ايهم قرب : اممم وصال هاذي جود
رفعت حاجبي بلا ارادة مني
ضحكت جود : انا حا انجاوبك عن الاسئلة اعذرينا ايهم جاهل في لغة العيون
انا طول بهتت فيها
جود وهي اتمد في يدها : انا جود اخت ايهم
انا عقدت حواجبي #بصدمة
جود كملت كلامها : في الرضاعة
طووول راحة نزلت علي قلبي .. و حسيت روحي انحرجت .. بس بالله ترا حد ايحط روحه مكاني
طول مديت يدي ليدها الممدوده و سلمت عليها : معلش ماكنتش نحساب ان ايهم عنده اخت تانية
جود كشرت : صار هكي يا ايهم يعني ماحد قاللها ما تبونيش اختكم لا انا زعلت
ايهم ضحك و لف يده حولي : ازعلي عادي
انا لفيت عليه بصدمة " زوجي قليل الذوق "
ايهم بهت فيا وضحك : كنك شن انديرلها ؟؟ جود قلبت اعيونها : فوتيه هو ديمه هكي
و التفتت راده لكرسيها : تفضلوا قعمزو .. دنيا هذوم ضيوف خاصين حا نتعبك بس بالله جيبيلنا حاجة نشربوها
دنيا ابتسمت : ان شاء الله دكتورة
و طلعت
لفت جود عليا و بهتت فيا و لفت علي ايهم وهي اترقص في حواجبها : واللة طلع عندك ذوق
انا وجهي طول انحمر
ايهم ببرود قرب مسك يدي : بطلي احراجات لها
جود : خلاص اهو سكتت هه
و لفت عليا : كم عمرك يا وصال ؟؟ انا :عمري .. و فجآة سكتت
جود :خيرك
بهتت فيها و ابتسمت مجاملة ولا شعوريا سحبت يدي من ايهم : عمري 17 سنة
عيد ميلادي هلب في هالاحادث 💔
طبست انبهت في الارض
ليش حاسه اني مش طايقه المكان ولا اللي فيه فجآة
جود بتوتر حسيته في صوتها : اممم طب طلعت نتيجتك امتاع الفصل الاول اساسا انتي اول ولا تاني ثانوي
شديت علي يدي و بهتت فيها بجمود : اول ثانوي و و انا اصلا ما امتحنتش
انحس في قلبي ايوجع فيا بجد 💔
اخخخخ نبي نتخطى الموضوع نبي نبدأ من جديد قلبي مازال يبيه رغم اللي صار و اللي صار مش ساهل اللي صار كان كارثة لبنت في عمري بس مع ذالك كنت نتذكر ف ان بابا كيف كان يحل في
مشكله هو و ماما بالهدؤ و الحكمة و ماكنش في صوت عالي و افراق كانوا بقربهم و حبهم الكبير ل بعضهم ايحلوا في مشاكلهم
مهما كان حجمها
نبي اندير كيفهم بس بس كل شي كل شي ايذكر فيا باللي صار
كل شي .. المزرعة اللي نحنا فيها و جوده جنبي .. انحاول اني نتجاهل في الموضوع و ما نحكيش فيه حتي مع روحي و نتخطاه
بس مش قادرة .. كل ما انغمض اعيوني نتذكر في اللي صار .. كنت نهرب من كل شي بالنوم .. بس توا بعد قعد حوليا النوم انا اللي نهرب منه اللي قعد ايجيبلي في كوابيس و صور بشعة مانبيش
نتذكرها
يا ترا يا ايهم حا نقدرنتخطى الموضوع فعلا .. ولا حا نكذب علي روحي واندير روحي متخطيته بس حا يقعد بصمة في قلبي صعب
نتجازوها .. حا تقعد بصمة اتعيق في حياتنا الزوجية .. بصمة دمار لنا
يا خوفي هالبصمة تمحي كل الحب اللي في قلبي يا خوفي اتغيرني و اتقسيني
#يتبع 👉
#لايك+كومنت ❤
#منقولة من صفحة_Kholoud_novels_عل_الانستا
#اتفاعلوا
#As_ab
