#زوجي_الكبير
#ﭑلـحًـلـقـﺔ_30
التسرع هو أكبر غلطة ممكن يرتكبها الإنسان
في حق نفسه قبل غيره
غلطة ادمر كل شي
كيف لما تبني حوش وياخد مـڼـڱ وقت طويل
و ادمره في ثواني معدودة 💔
بهتت في السواق وابتسمت : استني هنا يا اوليدي
السواق هز راسه
نزلت و سكرت الباب خشت للعمارة ، فتحت الاسانسير وركبت
ضغطت علي الدور اللي فِيَھ شقتهم
و الابتسامة مافرقتش وجها
اتكت علي عكزها اللي مرفقها لكبر سنها
طلعت م̷ـــِْن الاسانسير ، مشت خطوات نين وقفت قدام الباب
رفعت يدها ودقت
مرن ثواني و ما انفتحش الباب
ردت دقت مرة اتنين مافيش رد : وينهم ، زعمك طالعين
رفعت شنطتها وطلعت م̷ـــِْنها المفتاح
خشاته في القفل و فتحت الباب بشوويا
دفته وخشت و سكراته وراها
بهتت في الصالة اللي كانت فاضيه
وتلمح موبايل طايح
عقدت حواجبها وقربت رفعاته : هذا موبايل ايهم
بهتت فِيَھ و قلباته علي ظهره
عقدت حواجبها م̷ـــِْن الصورة اللي في شاشة
ركزت فيها و #انصدمت
بلعت ريقها و قعدت اتنادي : ايهم و وصال
و بهتت حولها ومشت للممر
فتحت الديار مالقتش حد
نين وصلت لاخر دار
فتحته و فجاة طاح الموبايل م̷ـــِْن يدها و شهقت م̷ـــِْن المنظر اللي شفاته
وصال بدمها و علامات غامقه من الضرب علي جسمها طايحه علي السرير …
#آية
حطيت يدي علي فمي و نثاوب
و يندق الباب و ينفتح
بهتت ونلقاها عهود خاشه و لابسه عبابتها
انا بهتت في الساعة كانت 8:00pm : روحتوا
سكرت الباب و قربت قعمزت امقابلي علي السرير م̷ـــِْن دون ما اترد
انا عقدت حواجبي : كنك ؟
عهود : لامتي ؟
انا : شنوووو؟
عهود : بتقعدي هكي ؟
انا : مافهمتش ؟
عهود : دافنه روحك وسط القراية م̷ـــِْن قبل ماكنتيش هك كنتي تطلعي اتهدرزي توا تطلعي دقيقتين و تردي هنا و لا اتقعمزي و تسكتي
كلهم لاحظوا هالشي عليك يا وية ، نا عارفة اللي اتمري بيه بس يعني هالشي ايخليهم ايحسوا ان في شي صاير امعاك
ولتوا ما طلعتيش شريتي فستان و انتي اللي اخت العر
انا قطاعتها : مش اخته نا يا عهود
امه اسمها بسمة و نا ماما •اللّـہ̣̥ يرحمها اسمها رحيله بوه •اللّـہ̣̥ يرحمه اسمه سعيد و بابا اسمه عبدالسلام
نحنا مش خوت
عهود سكتت وهي اتبهت فيا
انا بهتت في الكتابات اللي قدامي
مرت لحظة صمت
خديت نفس ورفعت راسي : انَـỲǑŲـْتي عارفة ان عندي امتحانات و خلاص معاش مازال و لآزٍمٍ نقرا بنجيب تقدير عالي يرفع راسهم
عشان الصرف اللي يصرفوا فِيَھ عليا و مش امقصرين هدا اقل شي انديره لهم عشان هكي ما لقيتش وقت نطلع نشري
عهود هزت راسها : طيب بكرا تطلعي امعنا
انا سايرتها :حاضر
عهود صبت ضربتني علي راسي بشويا وطلعت
ابتسمت بهدؤ ورديت انبهت في الكتابات قدامي
و وراء هالابتسامة
كان الف جرح و الف وجع 💔 …
#دارين
سكرت الكتابات و نا حاسه روحي مليت
و يندق باب الدار رفعت راسي : خش
انفتح وكان ليث مبتسم
انا بهتت وهو يخش و ايسكر في باب دار و جا قعمز اقابلي : •اللّـہ̣̥ ايدوم كنك مبتسم
ليث : جيت بنسلم عليك طالع علي الفجر للشاليه غادي
انا ابتسمت وقربت حضنته : ان شاء •اللّـہ̣̥ توصل بسلامة اخيرا وجعتلنا راسنا غيث غيث
ليث : ياريت عندك توأم راهووو جربتي شعور لما ايبعد راهووو واعر
انا : لٱ مانبيش شكرا
ليث : باهي امي قالت تعالي تعشي
انا : لٱ مش جعانة كولوا انتوا
ليث : تي صبي توا اتردي تقري راهووو قعدتي عظام
انا ضحكت : والله ماعندي نية لْـۆ جعت توا ناكل
ليث تنهد وصبي : علي راحتك
و حرك شعري و التفت طلع
حطيت الكتابات في شنطتي
و جيت نبي نرد لي السرير
واطب عيني علي الصندوق الموﭬ اللي جنب الدولاب
بهتت فِيَھ وقربت فتحته
و ابتسمت ونا انشوف اللي فِيَھ
واااه ليا زمان عليهن
بهتت في الدار و خديت اللوح م̷ـــِْن الصندوق و مشيت لجيهة الروشن و بديت انركب في اللوح
و حطيت لوحة الرسم عليها وجنبه مكان الالوان
سكرت الصندوق و مشيت قعمزت علي الكرسي امتاعه اللي كان عالي اشوي
خديت القلم و بديت نرسم
مش عارفة شن اللي كان في بالي ونا نرسم بس عقلي كان ايفكر في شي عجزت نعرفه ؟؟ #يتبع ⬅
#منقولة_من_صفحة_khoulud_novels_عل_الانستا
#اتفاعلوا 💙
#As_ab
