#زُوجـﻲــﭐلـكـبـُيـر��#ﭑلـحًـلـقـﺔ_ نضت علي صوت اذان الفجر ، تقلبت في فراشي بعدها قعمزت و قعدت انبهت حوليا الدار ظلمه مش امظويها غير ضي الوناسه �تنهدت و قعدت اشوي في السرير نين انصحصح و نين كمل اذان الفجر وصبيت سلحت الدبلة والخاتم و حطيتهن فوق الكومود �خشيت للحمام توضيت و طلعت لبست المصليه وقعدت انصلي �كملت قعمزت علي السرير و خديت قرأن وقعدت نقرا فيه �نين اذان الصبح �سكرت القرأن و رديت صليت الصبح وبعدها قعمزت في سريري و قعدت نقرا في الاذكار �بهتت في الساعة اللي جنبي وكانت 5:39 الصبح �انحس براحة لما انصلي الفجر في وقته 🌸 �سلحت المصليه و حطيتها علي الكرسي جنب الصلايه و رديت لسرير تمددت و تغطيت و حضنت وحدة م̷ـــِْن المخدات و فجأة ايمر علي بالي اللي صار امعيا �اعتدلت في السرير ونا نذكر " ياربي هذا حلم ولا صار صح بس لْـۆ كان صح ، لا مستحيل اساسا ايكون صح ، ايهم مستحيل ايديرها ، قصدي لْـۆ كان �يبي انعيشوا حياة زوجيه طبيعيه راه ماخلناش في ديار مفترقه ، اكيد حلم " تنهدت ورديت تمددت و نا انفكر لعند نا خداني النوم 💤 … �نضت علي صوت المنبه في الصبح �طفيته م̷ـــِْن الموبايل �وصبيت خديت المنشف وخشيت للحمام درت شوار و طلعت ، ولعت ضي الدار عشان انحق اكويس و جففت شعري ، و درت لوشن للجسم بريحه الفراولة �و طلعت ادبشي م̷ـــِْن الدولاب لبسته �و لبست الوشاح �اسبيدرو �وفجأة انوقف متجمدة في مكاني : ينعن جد الغباء ، استغفر الله ياربي ، ما شرتش لا أدوات لا شنطة لا �كنت نحكي ونا نبرم في الدار و نلمح اشكاره جنب الستاير علي الكنبه��قربت قعمزت علي الكنبه فتحتها و نلقا فيها شنطة �سوده جلد �و دفاتر حلوه و اقلام بنينات و محيات بريات مساطر �و بهتت و نلقي علاقه لونها حمر علي شكل دب �ابتسمت وبسرعة ما كشرت " ايهم اللي جابهن مافيش غيره اصلا ، يعني الحلم ، لا مستحيل هو حلم هلوسه بس مستحيل ايصير اساسا " �و بهتت في الحاجات اللي قدامي ، خديت العلقه وركبتها في الشنطة اللي كان حجمها اكويس �و حطيت فيها اربع دفاتر و حطيت الادوات في الدزدان اللي كان لونه فستقي في الاسود و فيه مربعات حمر و اسمايل يضحك �مشيت للكومود طلعت الكتابات و حطيت علي حسب الجدوال �خديت البطاقة و علقتها علي زي امتاعي و لبست ساعتي و الدبله و الخاتم �لبست الشنطة امتاع الظهر وبهتت في روحي في المرأية �الزي المدرسي اللي عبارة عن سوريه زرقاء هادي و زي طويل فوقها كيف الجلابيه الكت واصله لعند رجليا لونها ازرق داكن مايل للكحلي
�اسبيدرو ابيض و وشاح كحلي في الابيض ،شنطة سوده �ساعة بيضه و هاذي كانت انا 😍 �خديت موبايلي بهتت ونلقاها 6:48 الصبح " حي اقريب تقعد 7:00 " �طلعت م̷ـــِْن الدار و نلقي ايهم قدامي وشكله كان جاي ايدق �بهت فيا بهدؤ : صباح الخير �انا: صباح النور �ايهم : وتيتي ؟؟ انا : اها �ايهم : باهي هيا �انا هزيت راسي و طلع ونا وراه �نزلنا ☟تٌَحَـتْ☟ وكانوا ملتمين ، قربنا نا وايهم : صباح الخير �قلنها بصوت واحد �ردو كلهم : صباح النور �هندا : ربي ايوفقك في يومك الاول وصال �انا ابتسمت : ان شاء الله �هادي : اي حد ايجي شورك مراة خوي رنة بس توا انجيب الكتيبه وانجي �ضحكوا كلهم �جميلة : ربي ايوفقك وصال �انا : ان شاء •اللّـہ̣̥ ايهم : هيا وصال �اوس : قعدو افطرو ؟؟ انا : لا خلاص تاخرنا �و مشينا شور الباب �جميلة بصوت عالي : باهي بش تاكلي شي في المدرسة ما تقعديش هكي وصال �انا رديت عليها بصوت عالي : باه �وطلعنا ركبنا سيارته ، وقعدت كالعادة انبهت م̷ـــِْن الروشن نين وصلنا ، درس ايهم : بش اترني عليا اول ما تطلعي ؟؟ انا : ان شاء •اللّـہ̣̥ وجيت نبي ننزل �ومسك يدي �التفتت عليه �وايمدلي ورقتين خمسين �انا انصدمت وجيت نبي نحكي �ايهم : انتي مراتي ومسؤلة مني توا خوديهن وهيا بسرعة توا 7 وخمسة اشري فطور وماتقعديش هكي بلا اوكال و امشي لفصلك �انا خديتهن وحاسه خدودي حمر ونزلت �ركبت م̷ـــِْن الدروج ونا متوتره وقلبي ايدق �قعدت انبهت و في طالبه وطالبات وااجد �اللي اموقفين و اللي عند الفصول او مدرجات و الكافتيريا �قعدت نمشي ونبي نسال بس مش عارفة كيف �لما تقعد خايف علي مرتبك تقعد غير اتودر �كنت نمشي و نتلفت و فجأة �نخبط في بنت ، بهتت فيها : معلش �ابتسمتلي : لاعادي وخيتي �انا ابتسمت و جيت نبي انكمل :لحظة �التفتت ونلقاها نفس البنت �وقفت قدامي : انتي جديدة ؟؟ انا : اها �البُـنًتٍ تنهدت براحة و بهتت في بطاقتي : نحنا نفس السنة و حتي انا الًيَوُمًِ يومي الآۆلْ ومش عارفة مكان الصف او اي شي �انا ضحكت : نفس الحال �البُـنًتٍ ابتسمت ومدت يدها : علي كلا انا آية �انا رديتلها الابتسامة و صافحت يدها : تشرفنا و انا وصال �آية : بيك زاد الشرف �انا : شكرا �آية كشرت : لا شكرا لاشي فكينا م̷ـــِْن جو الرسميات شكلك بنت اصل وطيبة ولطيفه هكي انا تريحتلك خلينا انكونوا اعز الصحبات
�انا ابتسمت لاني حسيت شعورنا متبادل معنا بسرعة صار : ان شاء •اللّـہ̣̥ آية مسكت يدي : خلينا توا نسالوا هالعرب علي وين ايكون صفنا الكريم �انا ضحكت وهزيت راسي �سالنا اول بنت شفنها و ورتنا مكان الفصل �آية : هيا خلينا انخشوا �انا بتوتر : ه هي �آية بهتت فيا بعقدت حواجب : ما تتوتريش خليك واثقة م̷ـــِْن نفسك وكلامك عشان الكل ايهابك ويحترمك �انا ابتسمت لكلامها : تمام��فتحت آية الباب : السلام عليكم �وخشيت نا بعدها : السلام عليكم �وايرد الفصل ڱڵـه بما فيهم الاستاذ : عليكم السلام �الاستاذ : طالبات جدد انتن ؟ �آية مسكت يدي : اها جدد �الاستاذ : باهي تفضلن عرفت بروحكن �آية بهتت في الفصل شور الطلاب : اهلا �انا آية…… .. عمري 17 سنة �تشرفت بمعرفتكم �كملت كلامها وشدت علي يدي عشان نبدا : اهلا �انا وصال �عمري 16 �تشرفت بمعرفتكم �و بدات دوشت الطلاب �الاستاذ بصوت عالي : سكوت �الفصل ڱڵـه هداء �الاستاذ : اخترن مكان اتقعمزن فِيَھ ؟؟ رفعت راسي وبديت انبهت و فجأة تسحبني آية لصف الثالث كرسيين جنب بعضهن ، قعمزت وبهتت فيا �طول قعمزت جنبها �الاستاذ : اهلا بيكن في مدرستنا يا آية و وصال انا حمدي استاذ اللغة العربيه و نحنا توا ناخدو في اول درس في النحو ، طلعن كتبكن و دفاتر عشان حا انعود الشرح �بش تفهمن واتسجلن امعيا �آية : حاضر �انا : ان شاء الله �و قعد الاستاذ يشرح و نحنا انسجلوا امعاه في الدفتر ، ولحظت ان طريقة اقرايتهم تختلف مش كيف الابلات �اللي ايملن او ايلخصن في الكتاب �كيف طريقة طالبة الجامعة الطريقة اللي يستخدم فيها امعنا ، و حسيت الطريقة هادي افضل ، عشان تقعد منتبه وما ايفوتك شي �كملن أول حصتين و بدوا البنات و الشباب يطلعوا �انا عقدت حواجبي : آية �آية : نعموشي �انا : كنهم يطلعوا ؟؟ آية : استراحة �انا : قصدك توا وقتها ؟��آية : اها كل بعد حصتين ماقريتيش في دفتر المدرسة �انا : اها هو المديرة شرحت و بعدها قالتلي كل شي تبيه تلقيه في الدفتر وراهو ما اكتابتك بس سيبته ما قريتاش �آية وهي تصبي وهي لابسه شنطتها : باهي هيا �انا هزيت راسي وصبيت لبست شنطتي بعد مالميت حاجاتي �و طلعنا �وقعدنا نمشوا شور الكافيتريا �انا : باهي احكيلي عليك ؟؟ آية خدت نفس : انا اسمي آية……………… عمري 17 سنة م̷ـــِْن سكان مدينة طرابلس نسكن في……… .. ، سبب تحويلتي م̷ـــِْن مدرستي الاولي
�انها خلاص لعند اولي ثانوي بس ، فا ماما بسمة اختارتلي هالمدرسة �انا عقدت حواجبي و جيت نبي نسال �و اتقاطعني : هي مرأة بابا في الاساس ماما ماتت بعد ولادتي بسنة و بعدها بفترة بابا تزوج ماما بسمة �انا : عظم الله اجرك ، •اللّـہ̣̥ يرحمها ويجعل مثواها الجنة �آية : اجرنا واجرك علي الله و خدت نفس : امين يارب ، وابتسمت : والمهم بابا يشتغل مدير مدرسة شباب �و ماما بسمة ربت بيت مع انها واخده شهاده �بس بابا ما يبيهاش تشتغل ، وعندي ثلاث خوات بس وكلهن متزوجات �انا : ما شاء الله �آية : وهاذي انا وانتي ؟؟ فتحنا بابا الكافتيريا وخشينا وكان في طلاب وااجد يعني �اللي امقعمزين ياكلوا او ايهدرزو و اللي اموقفين ياخدو في اكل��انا ابتسمت : انا وصال………………… .. عمري 16 بس قريبا بنكون في 17 ، اصلي م̷ـــِْن بنغازي شرقاويه �آية ضحكت : باللهي عرفتك انك شرقاوية م̷ـــِْن دوتك اللي اتهبللل !! انا ضحكت : باهي خلينا نختارو شن ناخدو ؟؟ آية : عليا �انا جيت نبي نحكي �آية : واللهي نا اللي حا ندفع مش انتي خليها عربون صداقة �انا ابتسمت : ماشي �قعدنا نختاروا ، نين قررت ناخدو قهوة سوداء و شكولا �وهي خدت همبرجر و كولا �قعمزنا علي وحدة م̷ـــِْن الطاولات �آية : هيا كملي يا ستي ؟؟ انا : جيت م̷ـــِْن بنغازي لطرابلس م̷ـــِْن فترة بسيطة بكل مع و خديت نفس نبي انكمل �آية وهي ترقص في حواجبها :…………………………… انا #انصدمت :……………………………… #يتبع
منقولة_من صفحة_kholoud_novels_على الانستا
#As_ab
