#زُوجـﻲــﭐلـكـبـُيـر
#ﭑلـحًـلـقـﺔ_23
#آية
بهتت في الساعة اللي جنبي و كانت 7:00
غمضت اعيوني ونا نسمع في صوت ضحكته اللي رايفت عليها وصوت تهدرزيه ، شكله رايفت علي كل شي فيه
قلت اني حا ننساه و نتخطاه؟؟ هو كلام بس الفعل صعب ، صعب بكل
رفعت روحي م̷ـــِْن السرير بعد قررت اني
لآزٍمٍ انشوفه حتي لْـۆ كانت لمحة بسيطة مش مشكلة المهم نروي روحي اشوي م̷ـــِْن بحر اريافي عليه
زحفت ونا فوق السرير لروشن اللي فوق راسي و ايطل برا علي الجنان وين ماهم امقعمزين ، بعدت الستارة اشوي نبي انشوفه
واطب عيني في عينه
انا #انصدمت و م̷ـــِْن الفجعة طحت م̷ـــِْن فوق السرير علي ظهري : آية 😳 انَـỲǑŲـْتي اكويسة ؟؟ انا التفتت علي فتحت الباب وكانت عهود
سقمت تقعميزتي علي الارض وانا مبتسمه بتوتر : هاااا اها اكويسة
عهود عقدت حواجبها: كنت ماره م̷ـــِْن جنب الدار وسمعت حاجة طاحت
انا : لاشي بس كنت اندور علي موبايلي في المفرش و وخرت بلغلط وطحت م̷ـــِْن فوق السرير
عهود هزت راسها و فجاة سكتت و رفعت حواجبها بخبث : اها بس موبايلك اهووو
بهتت وين ماهي اتاشر و كان طالع م̷ـــِْن جيب سروال التوته اللي لابسته
لعنت روحي لف مرة و رفعت راسي وانا نضحك : ينعلي اهوووو
خديته و رديت صبيت قعمزت علي السرير : تبي حاجة نبي نرقد
عهود وهي اتبهت في الدار تبي تتاكد ان مافي شي : هاااا لٱ سلامتك
عطتني نظرة " توا نعرف !! " وطلعت عهود
تنهدت وقعمزت علي السرير و طوووول ارتسمت الابتسامة علي شفايفي و انا نذكر لماطبت عيني في عينه
و شفت اعيونه اللي كنت حا انموت م̷ـــِْن الرياف عليهن
بس شن حا انقوله عاد توا لْـۆ سالني ؟؟ وقالي كنك ما طلعتي اتسلمي علي الاقل
تأففت و انا اندور علي اجابة لها السؤال لعند ما خدني النوم بلا ما انحس …
#وصال
نضت علي صوت دقت الباب و كانت الدار ضلمة
غمضت اعيوني ورديت فتحتهن و نلمح ضي م̷ـــِْن ☟تٌَحَـتْ☟ الباب ، مديت يدي شور الكومود
نين لقيت موبايلي ولعته عشان نقدر انحق و صبيت م̷ـــِْن السرير و قعدت نمشي لعند الباب
فتحته بعد كان امقفل بالمفتاح و انشوف اللي
كان ايدق يبي ايلف لْـۆلا فتحتي اللي خلاته يلتفت وماكنتش غير الشغالة
ولعت ضي الدار و طفيت موبايلي وبهتت فيها : كنك ؟؟ الشغالة : اتقول ماما هندا ان العشاء جاهز و ينزل انت يتعشي معاهم ماما وصال
انا انصدمت لما قالت عشاء و بهتت في ساعة موبايلي وكانت 9:00pm استغفرت ربي و تنهدت وبهتت : قوليلها ماعنديش نية يتعاشوا هم صحة
الشغالة هزت راسها ومشت تطلع م̷ـــِْن الجناح
التفتت بعد سكرت باب داري مشيت للكومود حطيت الموبايل فوقها و بعدها مشيت للحمام
خشيت سلحت دبشي و فكيت المساكه
خشيت ☟تٌَحَـتْ☟ الدوش بعد فتحت المياه المسقعة و قعمزت و كل اللي صار مازال في بالي
خلونا صريحين
انا مانقدرش انلومه هاذي حياته بس لَيــِْ♡̷̴̬̩̃̊ـِْش تزوجني كان مايبينش عليش ؟؟ كان عنده وحدة ايحبهاا لَيــِْ♡̷̴̬̩̃̊ـِْش
خشاني لحياته و خش هو لحياتي و خلاني نتلقي فِيَھ. و خلا قلبي يبدا ايحبه
نزلن ادموعي وقعدت نشهق
فضيت خاطري م̷ـــِْن كل شي كان في قلبي
تنهدت و مسحت ادموعي اللي اختلطن بالمياه المتلجه
كملت دورت الشوار غسلت شعري بشامبووو و جسمي بشامبووو الجسم و طلعت م̷ـــِْن للحمام وانا لابسه الديشمبر وعلي راسي المنشفة
مشيت لعند الزيانة ونا عقلي مشغول وقلبي واجعني الدنيا حايسه معاش فهمت شي في حياتي هاذي ڱڵـه : كنك مانزلتيش علي العشاء ؟؟ انا انفجعت والتفتت بسرعة ونا حاطه يدي علي قلبي و نلقاه امقعمز علي الكنبة اللي قدام السرير وحاط رجل علي رجل ومتكي علي وحدة
م̷ـــِْن المخدات
بلعت ريقي : خيرك ، قصدي كنك ؟؟ وغمضت اعيوني عشان حسيت روحي بديت انفترش و فتحتهن ونلقاه قدامي بضبط
انا وخرت خطوتين بس لان كانت الزيانة ورائي
ايهم بصوت هادي : كنتي تبكي؟؟ انا درت روحي انحك في اعيوني : هاااا لالا بس الشامبووو خش في اعيوني
ايهم سكت واعيونه يتفحصن فيا : تبي اتقوليلي حاجة ؟؟ انا بسرعة وبلا تفكير : لالا
مش عارفة لَيــِْ♡̷̴̬̩̃̊ـِْش ماحكيتش بس في قررة نفسي مانبيش يعرف اني نعرف ان هو وكلهم عارفين ان مايرقدش هنا مانبيش ننجرح بزيادة
ايهم تنهد و جا يبي يحكي ورن موبايله
بهت في الموبايل بعدها فيا : باه
والتفت طلع
