#زوجي_الكبير
#الحلقة_36
مهما كان الرجل قوياً .. تبقى نقطة ضعفة
الفتاة التي يحبها ~🌸
هندا بسرعة و بتوتر : مانبيش انشيل ذنب حد ولا نظلم حد الدنيا
دواره وربي على كرسي العدل
وداد:طيب قولي
هندا بهتت في هادي وبعدها فينا : رندا
انا قعدت حواجبي وبنحكي ويفجعني صوت هادي
هادي وهو امصبي وبصوت عالي وهو راقيله :نعم ؛ هندا انتي
شن قاعدة اتقولي ؛ مستحيل اختي ادير هكي
انا بهتت فيه بسرعة "اخته"
وداد وهي تبلع في ريقها : وسع بالك يا هادي هندا مش
بقصدها شي
انا بدون شعور: انت عليش رقيلك هك ؛ لو واثق فيها خليك
هادي وخلينا نتاكدو ان مالهاش يد في الموضوع الا اذا كان انت خايف من حاجة
هادي لف عليا واعيونه حمر وحط يده قدامي بمعني اس وببرود : رجاءً ماتدخليش؛هذينا امور عائليه نعرفوا انحلوهن ابروحنا
انا انصدمت وحسيت بقلبي وجعني بقوة من كلامه ؛ صبيت ومسكت شنطتي : دام هذينا امور عائلية ماكنش في داعي تحكي امعيا من الاول اتخليني ؛ وشديت ع كلامي : انخش في اموركم العائلية يا استاذ هادي
والتفتت طلعت بسرعة
هندا بسرعة : دارين استني بس
وجت ورائي
فتحت الباب ومشيت نزلت من الدروج ونا انحس في ادموعي بدان يجمعن وايشوشن في رؤية قدامي
بديت نسرع في خطواتي ونا نسمع في صوت هندا اللي بدا يتلاشي وينخفض
طلعت من الباب الخراجي للمزرعة وكملت مشي على الطريق
ماكنتش واعية لروحي بكل في هذاك الوقت
شن كنتي متوقعة منه يا دارين اكيدة بيقول هكي وبعدين ليش كلامه وجعك لهدرجة مش انتي ما اتحبيش معنها مش لازم يوجعك كلامه ؛ اصحي لروحك ؛ انتي ما اتحبيش
وقفت وبصوت مخنوق واعيوني ايدمعن : انا انحبه .. وشهقت بقوة وقعمزت عل المادة : انا انحبه
وغطيت وجهي وقعدت نبكي بقوة
تصرفاتي كانن بلا وعي مني يمكن لانه الحمل ثقل زاد عليا مش عارفة في شن انفكر وشن المشكلة اللي بنحلها من كومة المشاكل
اخخخ يا دنيا
...
وداد: بصراحة يا هادي ماكنش لازم ادير هكي عيب في حق البنت وانت اللي امكلمها فوق هذا كله وتاعبه
هادي تنهد وطلع باكيت الدخان وخاد واحد وحطه في فمه و ولعه تحت نظرات وداد المصدومة
وداد: من امتى ادخن
هادي التفت عليها وقلب اعيونه وصبى طلع من باب الجنان وسيبها
واتخش هندا وهي تلهث واتقعمز : وين هادي ؟؟
وداد: بسم الله غير خودي نفس
وصبت اتصب من الكاس اللي ع الطاولة ومدته ل هندا
هندا خداته وشربته ولحظات وهدت
وداد: كنك داهشة؟؟
هندا: كنت نجري وراء دارين بس اختفت
وداد اتنهدت بضيق : استغفر الله وخلاص كلا هادي هدا
هندا: وين طلع هو؟
وداد: لجنان يدخن
هندا شهقت : نعم ايدخن
وداد هزت راسها
هندا: من امتى؟
وداد: مش عارفة : وكشرت : سالته فاتني وطلع
هندا: لا العيل هدا لازم نحكي مع ........ ايشوفه شن صايرله
وداد: حتى نا رائي هك بس خلي ننهوا قصة ايهم و وصال قبل على خير
هندا تنهدت وهي اتهز في راسها
....
#وصال
كنت متمددة على السرير وادموعي ينزلن عل خدي : فرجها من عندك ياربي حساها ضايقت بيا
وشهقت والتفتت دفنت راسي في المخدة
....
فتح باب الحوش واتلاقيه الشغالة
الشغالة: حمدالله عل السلامة بابا
.......:الله يسلمك :وين العيال ؟؟
الشغالة: مراد يدرس بغرفته ومرام في الدرس الخصوصي
هز راسه: و.............
الشغالة:المدام بغرفتها
تنهد وركب من الدروج لفوق : مشى شور داره قرب من الباب ويلقاه مردود جا يبي يدفه ويخش
ويجمد في مكانه من الكلام اللي سمعه😨
...
#آية
فتحت اعيوني وانا حاسة جسمي متكسر ونفطن لروحي راقدة وانا مقعمزة عل الارض ومتكية عل الباب
صبيت وانا حاسة كل عضلة في جسمي مدششة
تنهدت وقعمزت على السرير
بهتت حوليا وعقلي ايرد ايعيدلي في كل شي صاار
غمضت اعيوني وشديت بقوة على يدي مديت يدي بسرعة مع انه داري كانت في عز الظلمة اندور في الموبايل ولعت الوناسة اللي على الكومود ونلقاه جنبها
مسكته بلا تفكير
ضغطت الارقام وحطيته على وذني
لحظات وينفتح الخط
وبسرعة وبلا تفكير مني: ..................................................................................................
مرت لحظات صمت بينا
.............: .................................................................................
#انصدمت ابدا ما توقعت هالرد😨
وفجاة .......................................................................................................................................😨😱
#يتبع
#رايكم_يهمني
#اتفاعلوا_ووصلوا_الصفحة_ل5000متابع❤️
#منقولة_من_صفحة_kholod_novels_عل_الانستا
#As_ab
