#زُوجـﻲــﭐلـكـبـُيـر
#ﭑلـحًـلـقـﺔ_25
آية وهي تتنهد : لـٍهآ يومين غايبه موبايلها مقفل مانعرفوش عليها شي حسني خايفة يا دارين
دارين و هي اتهز في اكتوفها : وسعي بالك ان شاء •اللّـہ̣̥ خير نحنا نستنوا لعند بكرا كان جينا و مالقينهاش جايه حا نمشوا لمكتب مرشدة الطلاب نحكو امعاه عشان تعرف شن فيها ؟؟ و بعدين ما اتخاليش عقلك يمشي شور الحاجات السلبية ان حاجة كبيرة صايرتلها ممكن واخدة اشوية برد عندها مناسبة عائلية صارت فجاة
آية هزت راسها و سكتت و هي حاسه بقلبها ينغز فيها
دارين : مش حا اتقوليلي كنك رايحه هادية ؟؟ آية : عادي !
دارين : لا مش عادي هدا شن اسمه ايوه اياد دارلك شي يعني
آية : وهو في اكتر م̷ـــِْن اللي داره
دارين : ما اتحطيش الحق عليه لْـۆ هو ما بادلك الحب هدا وعنده وحدة تانية في حياته خلاص ما اتوقفيش حياتك عليه و انسيه صعب حا ايكون في البداية
بس بعدها يا تنسي يا حا اتاقلمي علي الوضع و بعدها عندك الياس بهدلتي الاوليد في جرتك لَيــِْ♡̷̴̬̩̃̊ـِْش ما تعطيه فرصه
آية : الكلام ساهل بس الفعل صعب راهووو
دارين وهي تقلب في اعيونها : لا مش صعب لما تقعد عندك عزيمة و ارادة علي شي مش حا يقعد صعب
آية : لْـۆ ماكنش صعب كيف ما اتقولي ماكنتش جيتي ني قبل يومين و انفجرتي فيا تبكي و تحكيلي علي اللي صار بينك وبين عزام ، تكذبي علي روحك اللي صار
حرقك بدليل انك قفلتي موبايلك و ماتبيش تحكي مع حد حتي هبه بنت عمك لما تتصل بي موبايل امك هي اللي اترد و اتقول اي عذر مش قادرة اتواجهي و صعب تنسي
بس تكذبي علي روحك واتقولي ان معاش همك ، انتي حبيته بجد عشان هكي صعب ، صعب بكل انك تنسيه بين ليلة و ضحاها
دارين بلعت صغتها و اعيونها يحرقن فيها م̷ـــِْن الدموع اللي حبستهن و يلمعن و سكتت و هي اتبهت بعيد
و اطب عينها في عينه وهو يضحك ويحكي مع اللي امعاه قعدت لحظات اتبهت فِيَھ وهو ركز في اعيونها ، فطنت لروحها و بعدت اعيونها ، اتبهت في اي مكان …
#وصال
فتحت اعيوني و انا انحس بشي ثقيل علي راسي
رفعت يدي بهدؤ نلمس شن في علي راسي ، و فجاة انتبهت لضي اللي ايخش م̷ـــِْن الستاير اللي علي جنب و كان واضح ان ضي النهار
بلعت ريقي و حاولت انوض ، و حسيت بيد ردتني و صوت اخترق وذني " ردي ارقدي انتي مازلتي تُعباُنٌهْـ و حرارتك مرتفعه "
ميزت الصوت وكان صوت هندا
بهتت فيها بعدها غمضت اعيوني بقوة و فتحتهن و شفتها بوضوح و ردن كل الاحداث اللي صارن في راسي فجاة
بسرعة قعمزت في السرير و اعيوني يلمعن و خنقتني العبرة حكيت و طلع صوتي مبحوح : هندا .. وشهقت : بابا نبي بابا بالله عليك
قربت هندا و اضبطتني : اششششششش خلاص خلاص وسعي بالك
انا بعدتها و جيت نبي انصبي
وتمسكني م̷ـــِْن يدي : وين ماشيه قعمزي ؟؟ بعدت يدها و حكيت وانا نبكي بقوة وصوت شهقاتي المبحوحه بدا يرتفع : لالا نبي بابا نبي نمشيله
هندا : وصال وسعي بالك
انا: لالا حولي نبي بابا لٱ نبي بابا
هندا مسكت التلفون الارضي اللي جنبي و هي مازلت ماسكه يدي بقوة : ايهم تَعاّإاّإلّ بسرعة ناضت ومش قادرة انسيطر عليها و قول لوحدة م̷ـــِْن الشغالات
اتجيبلي شنطتي الطبية م̷ـــِْن اجناحي
سكرت التلفون و حولت تمسكني
انا بعدت عندها و نحكي وصوتي دوبه يطلع م̷ـــِْن التعب و البحه القوية : كنتي تعرفي حتي انَــْتي ان مريض كلكم كنتوا عارفين كان ايعاني ابروحه وانا بعيدة لصراحة حسيت بوجع كبير وانا نحكي يعني بابا كان ايعاني ابروحه يتعالج كيماوي والله يعلم مرحلة مرض شنوووو و انا كنت بعيدة عنه وهو ايعاني ابروحه لوحده م̷ـــِْن انيس ولا ونيس ، بابا ايعاني وانا نضحك هنا ولا داريه ، يتوجع وانا مش امعاه بيش انطبطب عليه
و شهقت ابقوة و معاش شالاني رجليا و قبل ما نوصل للارض حسيت بيدين حاوطن خصري قبل ما نوصل للارض و ريحة عطره اللي غبقتني و همسه اللي وصلني
ايهم : اشششش خلاص هدي كل شي بيكون بخير
التفتت عليه طول مسكت في التي شرت امتاعه و انا نبكي : ايهم نبي بابا بالله ايهم نبي نمشيله لْـۆ سمحت
ايهم : حا نمشوله ما اتخافيش بس هدي
انا بهذيان : كيف انصدقك بلكي تكذب و ممكن ما تاخدنيش
ايهم عقد حواجبه و حسيته انصدم م̷ـــِْن گلآمَيےّ و بنبرة حده : وصال
انا : انت كذاب مش حا تاخدني بس اتسكت فيا
هندا : وصال امقدرة وضعك بس وسعي بالك وعيب هدا راجلك لآزٍمٍ توثقي فِيَھ
انا بهتت في اعيون ايهم : بس انا مش واثقة فِيَھ كل شي عرفته خالا ثقتي تنهد
حسيت بيديه اشتدن حولي و قعدت اقريبة منه وااجد لما كنت حا انطيح
و فجاة عم الصمت علي الدار و ما بعدتش اعيوني م̷ـــِْن اعيون ايهم اللي ايبهت فيا بنظرة ما فهمتهاش
هندا : احم انا توا انشوف ليش ما جبوش شنطتي
ايهم : مافيش داعي اتجيبها الشغالة عشان تعطي مخدر لـٍهآ هي اصلا لآزٍمٍ توعي لروحها
هندا : ايهم بس
ايهم ; شكرا يا هندا لانك اهتميتي فيها اكويس في هاليومين اكيد اوس يبيك توا
هندا هزت راسها
وطلعت م̷ـــِْن الدار بعدها الجناح ڱڵـه
انحني ايهم و رفعني بين ايديه و مع اني مافهمتش شن يقصد بهل يومين بس ما دققتش لاني جد تُعباُنٌهْـ
جسمي متكسر و حاسه روحي امتلجه و اعيوني يبن يسكرن و حتي الكلام صعب بكل
حطني ايهم علي السرير في الوسط وهو فوقي
كنت نبي انبعده و خايفة ان ايدير شي وانا في هالوضع والضعف
حسيته بيديه اشتدن اكتر حولي : اششش ما اتخافيش مش حا انديرلك شي
واعتدل وقعد امقعمز جنب راسي و خاد المنشفه و حطها في امياه كانت مليانه مكعبات تلج و رد حطها علي جبهتي
انا : اه
تأوهت وانا انحس بالمياه تنزل م̷ـــِْن الجوانب م̷ـــِْن الكمادات
بلعت ريقي و بهتت حولي لدار ورديت بهتت في ايهم لما حسيت بيديه ايحولن في شعري : نبي نمشي لبابا
ايهم مسك يدي يمسح عليها بمنشفه مبلوله بالمياه امتلجه : حا نمشوله حجزت و طيارتنا بكرا
انا : عليش مش الًيَوُمًِ ؟؟ ايهم : ه̷̷َـَْـُذآ اقرب حجز
انا تنهدت و بهتت في السقف لحظات و حسيت بدموعي ينزلن و بيد ايهم تمسح فيهن : هدي اعصابك عشان تنزل حرارتك و تقدري اتسافري
انا شهقت و قعمزت بسرعة و انا حاطه يدي علي فمي لما شرقت في ريقي وقعدت انكح
مسح ايهم علي ظهري ومدلي طاسة امياه
شربتها و خليتها بين ايديا و انا امقعمزة و متكيه بظهري علي ظهر السرير : شن مرضه ؟؟ ايهم تنهد : سرطان
انا #انصدمت و ردن ادموعي ينزلن بقوة. : م̷ـــِْن امتي
ايهم : وصال
انا : جاوبني ايهم
ايهم : م̷ـــِْن سنة و نص اكتشف مرضه
انا شهقت : يعني هو بابا ما كرهنيش ولا تغير عشان هو ايلوم فيا ولا مايبنش و ندمان علي جيبتي لدنيا هو بس كان مّرَيَـضّ وانا كنت حا انصدق كل هالشكوك
ايهم قرب يمسك يدي
بعدت يدي و بهتت فِيَھ و اعيوني ادموووع : عليش ما قاليش ليش قالك انت ؟؟ ايهم تنهد و غمض اعيونه زين
انا بتعصيب : احكي
ايهم بهت فيا
انا : قووول
ايهم : انتي صغيرة كنتي حا تنفجعي يا وصال مش حا تفهمي الموضوع كانت محتاج يضمنلك حياتك مايقدرش ايأمن عليك عند خوالك و خالاتك وهو وحيد ماعنداش
