#زُوجـﻲــﭐلـكـبـُيـر
#ﭑلـحًـلـقـﺔ_8
قعدنا نأكلوا و انهدرزو نين خش
هادي بصوت عالي : صبايا اخوتي العزيزات
جميلة : وين كنت ؟
هادي : كنت في الجامعة مع راجلك بس طردني عنده اجتماع
هندا : وانت شن ماشك تصيع عند راجلي هااا
هادي بطفولية : خيرك كنت ماشي انشوف في الحب
انا انصدمت " شكلهم دلالة بكل"
جميلة : عطك جرب ، كم حب عندك انت بس ؟؟ هادي : الحمدلله واااجد ربي يحفظهن وايدومهن و ايزيدهن
هندا : طيح والله سعدك و مازلت تبيهن ايزيدن
هادي : خيركم ،مدام القلب كبير و يستحمل الله ايزيدهم
انا شرقت في العصير
و جميلة انفجرت ضحك
هندا وهي اتمدلي في المياه واتخبط علي ظهري : بشويا بشويا ، خودي اشربي
شربت و اتحمحمت
جميلة : ما تنفجعيش يا وصال ه̷̷َـَْـُذآ هكي راه ؟
هادي كشر : ما انفجعتش مني الا مـڼـڱ
جميلة : خيرني اني
هادي : كيف الكره
رفعت جميلة الكشيك و عزقته فِيَھ
طبس هادي وهو يضحك : خلاص خيرك توا تقتليني
هندا ابتسمت : تعودي راهم ديمه هكي
انا ابتسمت و قعدت ناكل
صبينا بعد كملنا و قعمزنا في الصالة نشربوا في قهوة
هادي : وباهي عندك خوت
انا : لٱ وحيدة
جميلة : معنها دلوعة امك
انا ابتسمت و لمعن اعيوني : احم ماما متوفيه
جميلة : اا واللهي اسفة
انا : عُاَدّيَےّ
هادي : •اللّـہ̣̥ يرحمها كيف توفت
هندا فنصت فِيَھ
انا بلعت ريقي : لما ولدتني جسمها ما تحملش لان كانت تعاني م̷ـــِْن القلب
هادي هز راسه وسكت
هندا حطت يدها ظهري : •اللّـہ̣̥ يرحمها ، م̷ـــِْن يوم و غادي اعتبريني امك و اختك و كل حاجة
جميلة : حتي انا
انا ابتسمت
هادي : وحتي
جميلة قاطعاته : عليك الا زاقب في كل حاجة
هادي : وانتي خيرك امعاي?
زراتني الضحكة و كملنا هدرزه نين صبت جميلة ترقد و صبي هادي لجناحه
و مشت هندا لجناحها تشتغل علي اوراق تبي اتكملهن قبل ما تنتهي اجازتها
خشيت لجناح بعد وصلتني الشغالة
خشيت لدار و وقفت قدام القزاز و انا انبهت في الجنان برا
مسكت موبايلي ورديت اتصلت بي بابا
ما ايردش حاولت اخرا نين رد
الو
انا ابتسمت : بابا كيف حالك
بابا : اهلين يا وصال كيف حالك انتي
انا : الحمدلله وانت شن داير
بابا : الحمدلله
انا عقدت حواجبي : بابا انت اكويس كنه صوتك تُعباُنٌ
بابا : هااا لا غير م̷ـــِْن الشغل ، لآزٍمٍ انسكر يا بنتي
انا : باه
و سمعت تسكيرة الخط
تنهدت و طحت علي السرير " اكيد شغله واجد "
#يتبع ⬅
#منقولة_من صفحة_kholoud_novels_على الانستا
#تفاعلوا
#As_ab
