#زوجي_الكبير
#الحلقة_46
أما أنا ، فقطار مرتبك و وحيد ، خرج عن سكته
#آية
برمت ورائي وانا مندمجة و #ننصدم
طاح مني الموبايل بلا ما انحس .. بلعت ريقي بخوف من اللي انشوف فيه قدامي
وخرت بلا ما انحس ب الكرسي اللي ورائي و فجآة طحت علي الكرسي امقعمزة شهقت بخوف و رديت بهتت قدامي ... بلعت ريقي وحكيت : أن انت م من و و شن ا اد ادير ه هنا ؟؟ رفع حاجبه بهدؤ و قرب بخطوات بطيئة مني
انفجعت و وخرت لوراء علي الكرسي لصقت فيه و اطب عيني ع موبايلي جنب رجلي
خديته بسرعة و مافيش في بالي غير اني نتصل ب عمتي
رفعته و رفعت راسي و ننصعق بريحه العطر اللي ملتني و عيوني اللي تلقن مع اعيونه ... وجه اللي كان اقريب من وجهي بكل اقريب يلصق فيه وهو منحني عليا
بهتت في الوجه اللي قدامي واللي كان نص سليم و نص متشوه بكل تنفست بعمق وبهتت في السقف : اوكي تمام اهدي يا آية انتي اتخيلي اكيد يعني قصدي انا هبله كله من تفريجي ع المسلسلات
و الافلام الرعب .. اها اها كله منها .. تمام حا انغمض توا اعيوني و نتعوذ من ابليس و اكيد حا يختفي .. اها اها صح انا بس مرهقه بس
و تنفست بعمق وانا امغمضه اعيوني : اعوذ بالله من الشيطان الرجيم اعوذ بالله من الشيطان الرجيم يارب احميني يارب
و رديت فتحت اعيوني و نلقاه مازال قدامي طلعت من صرخه لا اراديا و معاش حسيت الا بيد ع فمي سكتتني : اسسسسسسس انتي طبيعيه
بهتت فيه وفي يده المتشوها و اللي علي فمي .. حسيت روحي بنبكي من كثرة الرعب
بهت في اعيوني زين و رفع حاجبه : علي اساس المحاميه الشجاعه و اللي ما اتخافش و اللي ما يهمها شي طلعتي فرخه اتخاف حتي من ظلها
انا عقدت حواجبي و قلبي ايدق
ضحك بهدؤ : اسمعيني انا وانتي عارفين ليش انا هنا مش حا انضيع وقتي اكثر .. القاضية يا سيدة المحامية الفاضلة حا تسيبيها فاهمه
وطلع شيك من جيب الجاكت امتاعه بيده التانية .. و بعد يده الاخري
من علي فمي و مسك بيها يدي فتحها وحط فيها ال شيك : و هذي ترضيه حلوه لك .. و صبى و هو ايبهت فيا و فجأة حسيت بيده تمسح علي شعري : و ما اتخليناش نزعلوا من بعضنا تمام
و التفت طلع
بلعت ريقي و حطيت يدي علي شعري مكان يده و نفطن للوشاح اللي طايح .. بهتت في الشيك و فجاة الدنيا تسود و معاش حسيت بشي ... #يتبع⬅
#منقولة من صفحة_Kholoud_novels_عل_الانستا
#اتفاعلوا
#As_ab
