#زوجي_الكبير
#الحلقة_44
" انني علي متن الحزن .. أمكث "
#آية
تنهدت بضيق و بهتت في الساعة اللي كانت 10:30ص " طولت بكل "
و فجآة حسيت بيد ع كتفي التفتت و نلقاها عمتي
ابتسمت و صبيت حضنتها : اعميمة أسيل
ضحكت أسيل و بدلتني الحضن : يا روح اعميمة الحمدلله علي سلامتك
انا مازلت مبتسمه و حاضنتها : الله ايسلمك .. بعدت و بسرعة كشرت : اعميمة انتي عندك علم كم ليا نستني فيك
اسيل تنهدت :كان عندي شغل
انا تكتفت و برفعة حاجب : شنو هالشغل
قلبت اسيل اعيونها و ضربتني علي راسي بشويا و سحبت شنطتي امتاع العجل و قعدت تمشي : لما تقعدي محامية توا تعرفي شن هالشغل
انا تحركت بسرعة و لحقتها : من قال نبي نقعد محامية
اسيل وهي اتكمل في طريقها شور باب الخروج و تلبس في نظرتها السودة : مش علي اساس من انتي و صغيرة بتقعدي محامية و صدعتي روسنا بيه شن اللي تغير توا
انا بلعت ريقي و تنهدت : تغيرن حاجات واااجد
حسيت بنظرات اسيل عليا .. التفتت بهتت فيها :كنك
اسيل : هممم لا شي
و ردت بهتت قدام .. ومدتلي يدها : جيبي موبايلك
انا بإستغراب : عليش ؟؟ اسيل : جيبي بس
انا طلعته و مديته لها
خداته اسيل و حطاته في شنطتها و طلعت من باب الخروج وانا وراها و مشت شور السيارة
بلعت ريقي وانا انبهت حولي و صوت الزحمة و الناس و السيارات
و قفت اعميمة جنب سيارة سودة عاليه و ضغطت علي بطمة اللي في الجهاز : هيا اركبي
و لفت فتحت صندوق السيارة و رفعت الشنطة اتحط فيها
ركبت و اتكيت علي الكرسي وانا حاسه بصداع .. دقايق و ركبت اعميمة و هي دهشانة : يا ساتر شن حاطة انتي في الشنطة؟؟ انا ضحكت : دبشي وحاجاتي يعني شن بنكون حاطة
اسيل وهي اتمثل في الصدمة : معقولة هذا كله بس دبشك و حاجاتك
انا قلبت اعيوني : اعميمة بلا اوفرة
اسيل و هي اتولع في السيارة و اتحرك بيها من قدام المطار : خلاص خلاص اهو سكتنا
انا ابتسمت و التفتت علي الروشن ... #وصال
فتحت اعيوني و بهتت حوليا و ننتبه لساعة اللي كانت 7:30م
قعمزت في السرير و تثاوبت و نفطن لستاير اللي امسكرة و الضي الوناسه اللي شغال جنبي
عقدت حواجبي بإستغراب رغم ان ماولعتش وناسه قبل ما نرقد ولا سكرت الستاير و بهتت في الغطاء اللي محطوط فوقي ولا تغطيت
دق قلبي هزيت راسي و حولت نبعد الأفكار
صبيت مشيت لدولاب .. فتحته طلعت دبش سروال توته توب اسود و فنيله توته بطربوش رماديه و خديت منشف و خشيت
درت شوار بمياه دافيه و لبست جوا الحمام طلعت و انا انشف في شعري بيدي السليمه .. نبي اندير اي شي يبعد تفكيري عن الوضع بأي طريقة لاني فعلا تعبت 💔
رفعت اعيوني و انا انتنهد واطب علي شوق حن ايهم
رعشت في مكاني و حطيت يدي علي قلبي
شوق وهي اتصبي من الكرسي : بسم الله عليك يا بنتي
قربت مني : سامحيني فجعتك بس قلت نستناك نين تطلعي
انا خديت نفس و انهدي في روحي و هزيت راسي
شوق ابتسمت : تعالي قعمزي جنبي
بلعت ريقي و قلبي ايدق .. ومشيت امعاها
قعمزت شوق علي الكرسي و قعمزت انا امقابلها و بينا طاولة
شوق : كيف حالك توا ؟؟ وداد بعد فحصاتك قالت ان وضعك اكويس انتي و اللي في بطنك بس لازم تتغذي اكويس لان هبوط اللي صارلك بكري
انا هزيت راسي و نا نمسح علي جبيرت يدي
شوق : احم احم وصال يا بنتي .. وسكتت
رفعت اعيوني لها نستنا في كلامها اللي عندي احساس حا انكون عارفته
شوق ابتسمت : هيا تعالي امعاي تحت تتعشي انتي رايحه ماتاكليش
انا بهدؤ : ماعنديش نية
شوق : يا بنتي عشان اللي في بطنك علي الاقل هاذي روح لازم اتغاذيها
انا : عارفة بس جد مازلت نعسانه و نبي نرقد
شوق ضحكت : شكله حفيدي الغالي امكسل بس مش مستغربة طالع لبوه في صغره .. وكملت كلامها : ام ايهم كوثر الله يرحمها لما حملت بايهم كانت بس نوم مافيش حاجة غير النوم و توا لما توحمت
حا تنصدمي لو انقولك ع شن توحمت
ان ابتسمت لا اراديا : شنو ؟؟ شوق : الفراولة كل حاجة تأكل فيها ب الفراوله قعدت
انا بهمس : فراوله حس خاطري فيها
شوق ابتسمت و صبت مسكتني من يدي السليمه : معنها تعالي
انت قعدت حواجبي : هااا
شوق : تعالي بس
و مشيت طلعنا من الدار و نا وراها
نزلنا الدروج و خدتني طول للمطبخ
خشينا و نلقوا وداد و جميلة و هندا
امقعمزات و الخدم ايديرو في العشاء
و طول بعد شافوني صبت جميلة مبتسمه و قربت مني حضنتني : وصال يا حياتي مبروك علي ال بيبي و الحمدلله علي سلامتك قالتلي هندا و وداد علي الحادث اللي صار امعاك انتي ورندا .. اه كلا الناس رايحه معاش اتشوف
انا عقدت حواجبي علي اسم رندا و رفعت اعيوني لهندا و وداد
شوق قربت : خليها اتقعمز وانتي برضوا قعمزي
جميلة هزت راسها : حاضر يا حناي
و قعمزتني شوق علي الكرسي
و مشت لتالجه .. فتحتها و طلعت لي صحن مليان فراوله .. سكرتها
قربت و حطتها قدامي
جميلة بإبتسامه : حي بديتي تتوحمي بكرى
انا حاولت نبتسم و انجاريها و انا مازلت مش فاهمه ولاشي
نين رن موبايل جميلة و اللي كان كيف طوق النجاة من ربي
جميلة : هاذي ماما توا انشوفها
وصبت بعدت
وداد : نحنا قلنالها ان صار امعاك حادث و خش فيك واحد وانتي مع السواق بعد روحتوا من برا
شوق بحنيه : بعيد السو عليك يا بنتي طبعا ما لقينا ما انقولوا
انا باستغراب : و رندا ؟
وطول تغيرن اوجوهم و بهتن في بعضهن و شوق طبست ... جيت نبي نحكي بعد طول صمت و اتجي جميلة
جميلة قعمزت جنبي : المهم قوليلي شن شعورك بعد عرفتي انك بتقعدي ام
انا بعفوية : شعور حلو مش عارفة .. وضحكت : بس قصدي يعني مش متخيله ان بيكون عندي بيبي
جميلة : اي بيبي و خصوصا من اللي اتحبيه
انا قلبي دق علي كلامها و سكتت
شوق : احم .. وقربت مني التبسي : تي خيرك خلي البنت تأكل .. وبهتت فيا : هيا كولي يا وصال يا بنتي
انا تنهدت و حسيت روحي متضايقة من كمية اللخبطه اللي ملت حياتي .. سبحان الله كيف كانت هادية و فجآة انقلبت هك
بلعت ريقي و صبيت : اممم توا ماعنديش نية بنرقد حاسه روحي تعبانه ..ممكن نأكل بعدين
جت هندا بتصبي
انا : خليك نقدر نمشي بروحي
والتفتت طلعت بدون ما نسمع رد من حد .. خديت نفس و وقفت عند بداية الدروج من تحت مسكت فيه زين و بديت نركب
اخخخ الوضع مرهق بكل متعب لدرجة مش طبيعية ايخلي الواحد ما يبي شي في الدنيا غير ان يرقد وبس بلكي ينسي
و صلت لدور التاني و التفتت بمنشي شور داري و انوقف #مصدومة
وانا انشوف فيه قاعد واقف قدامي و ما يفصلني عنه غير مسافة بسيطة جدا
طبت عيني في عينه .. بلعت ريقي وانا انشوف في نظراته الهادية و اللي كانت تلمع بحاجة ما فهمتهاش بكل
قرب مني و من دون تفكير وخرت ونا مش حاسه بان في دروج ورائي و فجآة فقدت توازني و .......................................
............................................................................
.......... ...............: وصال 😱
#يتبع ⬅
#منقولة من صفحة_Kholoud_novels_عل_الانستا
#اتفاعلوا
#As_ab
