#زوجي_الكبير
#الحلقة_20
نضت في الصبح بهتت حوليا ونا انحك في اعيوني وبدان احداث امس
يرجعن لراسي وكانت الدار فاضية:اكيد حلم
بهتت في الكباية وكانت في مكانها:حلم بس
وسكتت"مش عارفة شن انقول،انخاف نعتبره واقع واندمر روحي ويطلع
حلم ونعتبره حلم ويطلع واقع"صبيت خشيت للحمام درت شوار وطلعت صليت وجففت شعري لبست،خديت شنطي وموبايلي ولبست الدبلة
والخاتم وساعتي
طلعت من الدار والجناح كله ونا عقلي مشغول
كنت حا ننزل من الدروج نين حسيت بحد مسكني وسحبني شوره ويد
لفت على خصري
رفعت اعيوني وتوا غير انتبهت لروحي ونلقاه
انا:كنك؟؟ايهم بعصبية:ليا ساعة انادي فيك من اجناحنا لهنا وانتي
ما اترديش
انا تنهدت وحاسة روحي تعبانة:معلش ما سمعتكش
ايهم فجاة هدئ ورخي يدي اللي كان ماسكها بقوة وقعد يمسح عليها:في
شن اتفكري،صاير معاك شي؟؟انا حكيت بجمود:لا لا
والتفتت نزلت وسيبته
خديت نفس عميق وخشيت على الصالة وابتسمت:صباح الخير
كلهم:صباح النور
قربت وقعمزت وقعدت نفطر،.دقايق وجا ايهم قعمز وحسيت نظراته عليا
بس تجاهلتهن
بهتت في الساعة وكانت 6:34am
حكيت من دون ما انبهت فيهـ:نمشوا؟؟ايهم من دون ما ايبهت لساعة:
مازال
انا عصبت بس مسكت روحي وحاولت نحكي بهدؤ:شن مازال6و34
دقيقة راه
ايهم:مازال بدري
انا سكتت ومابيتش نحكي ونا شادة عل اعصابي وكلهم امقعمزين مانبيش انقول حاجة غلط ونندم عليها
مع اني انسانة عصبية بكل بس مش عارفة كيف قدرت نمسك؟؟روحي
نين صبى ايهم وطلع
وصبيت انا وابتسمت:سلام
كلهم:سلامات
طلعت وركبت السيارة وربطت الحزام امتاع الامان وقعدت ساكته والسيارة تكشي شور المدرسة
وصلنا ونزلت بسرعة قبل ما يمسك يدي وركبت نجري من الدروج الحجري نين وصلت لباب القزاز فتحته وخشيت واتجي نسمة باردة في هالحموو من المكيفات اللي في الممرات
ركبت من الدروج لدور التاني ومشيت نين وصلت لصف،خشيت ونلقى
اية ودارين قربت منهم:صباح الخير
اية ودارين:صباح النور
صبت دارين وقعمزت عل الدرج فوق وقعمزت انا على الكرسي وسلحت الشنطة وحطيت راسي على الدرج
اية:كنك؟؟انا نثاوب:نعسانة امس ماقدرتش نرقد
دارين:اوووو شكله ايهم مش امريح
انا وجهي انحمر وقرصتها:مش هكي يا حيوانة
اية وهي تضحك:امالا كيف؟؟ انا:كوابيس بس
دارين:اها تعوذي من ابليس ربي ايبعد عنك الشر
اية:امين
انا:ان شاء الله،دارين:يابنات امس كان عندنا ولد عمي
انا سقمت تقعميزتي:اتحبيه؟؟اية:قصدك حبيبها
انا:اللـهـ ،دارين هزت راسها:اها
انا ابتسمت:باهي كم لكم؟
دارين:4 شهور
انا:مدة قصيرة
اية:حسبت ان لكم فترة طويلة بما ان ولد عمك
دارين:لـا هو انا كنت انحبه من فترة طويلة ومش حا اتصدقن لو انقوولكم من اول ما وعيت على الدنيا وعرفت شنو الحب حبيته بس هو كان يعني اممممم كيف انقولها
اية:عنده حبيبة؟؟دارين:ايوة بس خليها جمع حبيبات
انا شهقت:من جدك
دارين تنهدت:اها وكان اللي ايدير فيه يوجع فيا بس قعدت اندير في مواقف بيني وبينه نين طاح لي وخليته يمشي على الطريق المستقيم
اية:بلكي يلعب عليك؟؟ دارين:مستحيل انا متأكدة انا ايحبني و وااااجد لان اخته قالتلي انقلب واتغير من اول ما طاح لي وبعدين ولد عمي يعني مستحيل ايدير شي لان اللي اتضرني اتضره
انا هزيت راسي:فعلاً
وايخش الاستاذ،ردت دارين مكانها وبدات الحصة
#اية
صبيت نطلب للبنات بعد قعمزنا في الكافتيريا،وقفت في الطابور وفجاة حسيت بحد حط في يدي حاجة بالقوة وعدا
بهتت ونلقاه يمشي وامعطيني بظهره وماعرفتش من؟؟بهتت حواليا
والكل كان مشغول ماحد انتبه
بهتت قدامي كان مازال 3بيش نوصل لدوري،فتحت الورقة وكان مكتوب فيها|نبي نحكي امعاك،مستنيك في الفصل!|:لو سمحتي
بهتت ونلقاه دوري،قربت
انا:احم نبي عصير برتقال وبان كيك وقهوة سودة وبريوش وموكا مثلجة مع سندوتش برقر حجم متوسط
مدلي الورقة
خديتها بعد حطيت الورقة التانية في جيبي ومشيت لجيهة اللي نستلموا منـهـ🌸ـاْ الطلبات خديتهن في سفرة ومشيت لطاولة بعد دفعت الحساب
حطيتها:تفضلن
كل وحدة اخدت اللي لها
قعمزت وعقلي لتوا مازال ايفكر في شي واحد"من هذا وشن يبي؟؟"
كنت ناكل في البرجر والفضول قتلني
انا ولا الفضول؟
انا ولا الفضول؟؟في النهاية ربح الفضول وصبيت وبهتن فيا البنات:كنك وين ماشية؟؟انا:نسيت حاجة في شنطتي ونبيها ضروري توا
انجيبها وانجي خليكن
وعديت من دون ما نسمع شي---خشيت للفصل ونلقاه ايبهت من
روشن الفصل لبرا وامتكي على الدرج
انا:عفوا
التفت عليا ونلقاه #الياس�تنهدت " غبية كان لازم نعرف ان هووو مافيش غيره اساسا " التفتت عشان نطلع و حسيت بيه مسك يدي �طول بعدته ابسرعة و وخرت : رجاء الياس ما اتخطاش احدودك �الياس رفع ايديه : تمام بس نبي نحكي امعاك ؟��انا : شن تبي خلصني ؟��الياس ابتسم : عليش قلتي لصاحبتك اني نا حبيبك؟ �انا #انصدمت : نعم؟ �الياس عقد حواجبه : خيرك ؟��انا : شن قلت م̷ـــِْن اللي قلتلها انك انت حبيبي ؟��الياس : دارين جتني امس وهزبتني لَيــِْ♡̷̴̬̩̃̊ـِْش امزعلها و لَيــِْ♡̷̴̬̩̃̊ـِْش اعيونها حمر بسببك �انا فجاة مر علي بالي كلامها امس " م̷ـــِْن حبيبك صح صدقيني غير انشوفه توا نمسح بيه الوطا كيف ايزعلك" �انا شي في داخلي فرح �بطبعي ان لما حد ايدير شي عشاني نفرح واااجد �و في نفس الوقت رقالي لانها حطتني في هالموقف �ومع م̷ـــِْن ؟؟ مع الياس : انا اسفة هي بس فهمت الموضوع غلط تحسابك انت حبيبي مش هو .. وسكتت : صدقني سوء تفاهم �واسفة مرة تانية �والتفتت نبي نطلع �الياس : يعني انتي عندك حبيب ؟؟ ونا التفتت عليه ومش عارفة لَيــِْ♡̷̴̬̩̃̊ـِْش ؟�بس حسيت قَلبـ♡ــيے واجعني ونا انشوف في لمعة الحزن في اعيونه �قربت وخليت بينه مسافة : اسمعني يا الياس انت انسان اكويس �اكو يس بكل و مثالي جد جد مافيش كيفك الف بنت تتمناك مش مجاملة لٱ نحكي م̷ـــِْن جدي واللهي بس انا مش حا ننفعك �لاني مش حا انزيدك غير وجع .. الشخص فينا ما يقدرش ايحب حد وقلبه متعلق في شخص ثاني .. انا اسفة ان شاء •اللّـہ̣̥ تلقي اللي احسن مِڼـّي �و التفتت نبي نطلع و ايواقفني كلامه �الياس : گلآمَگ هدا مش حا ايخليني نيأس بكل بلعكس الا ايزيد فيا قوة باش نمتلكك �انا قلبي دق والتفتت #منصدمة م̷ـــِْن كلامه �بلعت ريقي وطلعت م̷ـــِْن دون و لٱ حرف … �#وصال �كنا امصبيين في نهاية الدوام بعد ما روحت دارين مع خوها نادر �انا : ههههههههه قصدك هزابته ؟؟ اية : هههههههه اها �انا : ينعلي والله صبايه تاريتها �اية ابتسمت : كانت تحسابه حبيبي ؟��انا : الًيَوُمًِ طلعنا وروحت طووول بكرا لآزٍمٍ اتصلحي سوء التفاهم و اتقوليلها خير ما المرة الجايه ادير مصبيه في الياس �اية ضحكت �انا جيت نبي نحكي و نلمح سيارة اللي خشت : امممم طيب يا ويه اهوووو ايهم جا باي �اية : بايات �و نزلت م̷ـــِْن الدروج و مشيت شور سيارته ، فتحت الباب وركبت بسرعة �ولع السيارة وطلعنا �وكانت السيارة هدؤ نين فطنت ان هاذي مش طريق للقصر ، لٱ اراديا التفتت عليه : هاذي مش الطريق ؟��ايهم : عارف �انا : باهي وين ماشيين ؟؟
ايهم : توا تعرفي �انا تنهدت ورديت اتكيت علي الباب انبهت برا �عنيدة صّـْْ(☑)ـْْحّ !!�بس مع ايهم مستحيل اكتشفت ان ضعف اعنادي هووو و مستحيل حا يتنازل وايقولي فا الافضل نختصر النقاش ونسكت �غمضت اعيوني حاسه بتعب بس ما رقدتش !! حسيت بسيارة وقفت ، فتحت اعيوني و ايقابلني البحر �التفتت علي ايهم اللي نزل م̷ـــِْن السيارة و جا م̷ـــِْن جيهة بابي �فتحلي الباب �نزلت : خليها الشنطة �انا هزيت راسي و سلحتها خليتها �سكر ايهم باب السيارة و مسك يدي و مشينا شور المطعم اللي كان علي البحر و يفصل بينهن طريق رائيسة و علي دورين و قزاز الجدار امتاعه �خشينا �مشى ايهم شور الدروج .. ركب ونا امعاه و مشي شور طاولة في الزاوية بعيدة اشوي عن الانظار �قعمزنا و كان المطعم فيه ناس اشوية �و انا الساني منربط مش عارفة شن انقول ؟؟ يعني مستكه هو جابني هنا .. طيب عليش ؟؟ بهتت في البحر �لونه الازرق اللي ايذكر فيا بي لون و التفتت و ننصدم لما نلقي ايهم ايبهت فيا طبت عيني في عينه ، لٱ اراديا ركزت في لون اعيونه ، بعدها التفتت علي البحر ورديت بهتت في اعيونه م̷ـــِْن جديد " نفس اللون " �لحظات و وقف جنبنا شاب ( قرسون ) �الشاب : اهلا بيكم تحبوا ، تشربوا شي قبل ولا تطلبوا الغدا علي طول ؟؟ ايهم بهت فيا �انا هزيت اكتوفي �ايهم : حا نطلبوا علي طول !��الشاب هز راسه و مد لايهم القائمة و مدلي وحدة كيفها �خديتها وفتحتها و قعدت نقرا و معرفتش شن نختار �لان الحق !! الاغلبيه مش سامعه بيهن في عمري ڱڵـه ، يعني جدد عليا و نطقهن صعب �تحشمت ومانبيش نحرج روحي !! تأففت بصوت عالي �خلا ايهم و الشاب ايبهتوا فيا �بلعت ريقي ورديت بهتت للقائمة بإحراج �ايهم : لحظات و رد علينا �هز راسه وعدا �ايهم : شن تبي تطلبي ؟��انا : احم امممم شن رايك تختار انت ؟؟ ايهم بهت فيا اشوي بعدها حكي : ممكن ما يعجبكش اللي نطلبه �انا : لٱ حا يعجبني �ايهم : انا ذوقي غريب الافضل تطلبي ابروحك��انا خديت نفس عميق مانبيش انعصب و لا اراديا طلعت م̷ـــِْن فمي بلا تفكير : حبيبي اطلب انت �و فجاة سكتت لما فطنت اللي طلع م̷ـــِْن فمي �غطيت وجهي بالقائمة م̷ـــِْن الاحراج �و اللي خلاني نتمني الارض تنشق وتبلعني ضحكة ايهم �ايهم سحب وحدة م̷ـــِْن ايديا و باسها وقعد يمسح عليها بإبهامه : طيب حبيبتي �انا بلعت ريقي وقلبي يدق بقوة .. رديت اعيوني للورقة و حاسه وجهي انفجر باللون الاحمر … �#دارين �نزلنا م̷ـــِْن السيارة نا و نادر
�نادر : ټمـٱمـ كيف ما قتلك اوكي �وسكر الموبايل �وقرب حط يده علي كتفي �انا كشرت : اخيرا سكرته لك ساعة تحكي �نادر : مكالمة مهمة كانت المهم البنات اللي كانن امعاك هذين صحباتك��انا هزيت راسي : اها �فتحلي نادر باب الاسانسير : و القصيرة اشوي هديك��قاطعته وانا انخش : متزوجة �نادر خش و ضغط علي بطمة الدور السابع : عليك بخت و اللي �انا : مخطوبة �نادر بهت فيا برفعة حاجب �انا ضحكت : خيرك دورلك علي عروس تانية مش ضروري صحباتي �نادر قلب اعيونه : ماهو نا منعرفش حد و لْـۆ مالقيتش امي قالتلي طووول نخطبلك م̷ـــِْن عِنـ.̷̷̸̷̐ـديّ �انا : و عليش هدا ڱڵـه �نادر : خايفتني انماطل و انوفت الموضوع و يقعد غير العمر يجري بيا ونا عزابي �انا ; تي خيرك مازلت اصغير �نادر وهو يفتح باب الاسانسير : قوليها لامي بالله بلكي تقتنع �انا : اممم باه شن رايك في نوال بنت بنت خالة ماما �نادر وقف في مكانه متجمد : نوال مش اصغيرة �انا هزيت راسي : عهدك عهد اكبر مني بسنة. هي واخر سنة في التانوية و الحق البُـنًتٍ جمال و اخلاق و ما عمره حد جاب عليها كلمة شينة �نادر هز راسه و فتح باب الشقة �خشينا و مشيت طوووول لدراي ، غيرت و توضيت صليت ، قعمزت علي السرير و طووووول خشيت جهات الاتصال �ودرت اتصال | الرقم المطلوب مقفل ، الرقم المطلوب مقفل | �تنهدت ورديت الموبايل علي الكومود " زعمك وينه ؟؟ " �و فجاة نسمع صوت �ماما : دارين تعالي تغدي �صبيت بسرعة طلعت م̷ـــِْن الدار نتغدا لان جد ميته جوووووع … �#آية �خشيت للحوش بعد وصلني بابا وعدا لشغله ، سكرت باب الحوش و نسمع عهود : جيتي �انا نسلح في السبيدرو : اها �خشيت و شفتهم في المطبخ و عميمه تحكي بالموبايل �عقدت حواجبي و اشرت لعهود �عهود بهمس : اياد �بسمة ; غير قولي انت عليش مستعجل بس �انا هزيت راسي بضيق و مشيت لدار �خشيت غيرت دبشي و غسلت ، توضيت و صليت ، طلعت الدار و نلقي اعميمه مازلت تحكي بالموبايل وهي امقعمزة علي الطاولة �و امقابلها عهود تلعب بالموبايل �قربت قعمزت جنب عهود �بسمة : اياد اعقل يا اوليدي شنووو شهر كيف حا انوتوا ارواحنا �انا نزلت الكشيك و بلعت غصتي و بدا يرقالي �بسمة : اياد الموضوع مش لعب اعيال �انا خلاص حسيت اعصابي يبن ينفجرن " لهدرجة مستعجل " ولا اراديا كرت الموبايل م̷ـــِْن ماما بسمة �و حطيتها علي وذني : شن فيها يعني لْـۆ صبرت هاااا ولا مش قادر تصبر مستعجل علي هالبلا هاذي مش قادر ميت عشان تقعد عندك
�فطنت لروحي م̷ـــِْن نظرات ماما بسمة و عهود المنصدمات �بلعت ريقي و حطيت الموبايل علي الطاولة وصبيت �خشيت لدار وسكرت الباب و طحت علي السرير انبهت في السقف " عليك بخت وغباء فيا كلا نا " و دفنت راسي في المخدة و عيطت �فجاة سمعت دق علي الباب �طول التفتت : تعبانه توا يا عهود نحكو بعدين �و تنهدت اخر كلامي و انا نسمع في خطواتها يبتعدن …��#وصال �مرن 15 دقيقة و جابوا الغداء �وزعوه علي الطاولة و كانوا بنت و شاب و هالشي صدمني بنت ، بس لحظة اذكرت اني في طرابلس �بلد العجايب 😍 �خيركم ؟؟ جد في حاجات صدمني في بنغازي عندنا مافيش بكل 😰 �وابتسموا و عدوا �بهتت و نلقي حاجة غريبة في التبسي امتاعي �بلعت ريقي و في بالي " كيف حا ناكله توا ؟؟ " �#يتبع
#منقولة من_صفحة_kholoud_novels_عل الانستا
#As_ab
