#زوجي_الكبير �#الحلقة_40 ~
و في لحظة يغير الله كل شي💜�شغلتني حياتي و قراري .. ان عمتي قريبة ليا واختلقت كذبة عشان اتجيبني لها .. بس بعد ساعتين من مكالمتي لقت حجز و نظمت لي اموري كلها �عمتي هاذي أرملة.. ماعندهاش غير بنتين ( اوراس و استنار ) و تلات شباب ( كيان و بحر و سند ) �يا ترا كيف بتكون حياتي غادي ؟؟ و فجآة حسيت بضربة ع كتفي �رفعت اعيوني و نلقاها عهود : كنك ???? عهود بتعصيب: ليا ساعة نحكي و حضرتك مش امركزة �انا و نسمح علي كتفي : مش بقصدي بس امور واااجد شغلتني �عهود تنهدت و بحنان : خليها علي ربك و ان شاء الله كله بيكون تمام �انا بهتت فيها و ابتسمت و هزيت راسي اكتر شي هون عليا هو علاقتي بعهود رغم كل اللي صار الا انها كيف ماهي و احسن حتي هز ما انهزتش كانت ديمه امعيا في كل شي هي وماما بسمه الحمد لله عليهم ، لو كانت حد تاني كانت اكيد بتكون ضدي و تكرهني هي وامها ، الحمد لله رغم المصايب الا ان في حاجات حلوة اتخليني نبتسم 💙 �و بهتت فيها و حاولت ننسي كل شي و انركز علي كلامها و انشاركها ، من يدري يمكن بتكون آخر مرة بنقعمزو فيها هكي و نحكو ؟! .... شوق : اخخخخخخ يستر الله وخلاص �اوس : اه شن بنديرو ؟؟ شوق : ما باليد حيله هو مايبش يحكي و نا مش حا نضغط عليه هو راجل اش كبره يقدر يتحكم في حياته ابروحه �اوس عقد حواجبه: بس يا حني �و ايقاطعهم أيهم اللي نزل من الدروج ب البدلة و ماسك أوراقه في يده وكان باين عليه طالع �شوق بصوت عالي : أيهم �و قف أيهم و لف عليهم وقرب لعندهم و وجه باين عليه البرود �شوق تنهدت و بتحكي �أيهم ببرود : لو بتفتحي نفس الموضوع ياريت ما نحكوش �شوق بتعصيب وهي اتصبي بالعكوز: أيهم مش هكي الامور تنحل بعدين انت لازم تسمعني شن بنقول قبل �أيهم وهو يضغط علي الأوراق بين ايديه و اعروق ايديه و رقبته باينات و اعيونه انحمرن : للمره الآخيرة انقوللكم �شوق قاطعاته: ما تظلمش بنت الناس تأكد قبل �أيهم فتح فمه و كان الغضب متمكن منه و بيصرخ بصوت عالي �و فجآة يسمعوا : حني امعاها حق ما تظلمهاش يا أيهم�و يلتفتوا بصدمة لصوت��عماد قرب : مرأتك ما خنتكش يا أيهم الصور امزوره �اوس بصدمة : كيف انت شن اتقول ؟؟؟؟؟؟ عماد بلع ريقه و بخيبه ملت صوته : كيف و القصة بتفصيل ... ولف عليها : رندا هي اللي حا تحكيلنا بالتفصيل الموضوع كله و كيف دارت هي ورتاج كل حاجة �ونزل كلام عماد كيف الصاعقة عليهم كلهم �و خصوصا أيهم اللي بلع ريقه مصدوم �أيهم " معقولة ظالمها بس شفت الصور بعيوني و تحاليل حملها " �و اعيونهم بالواحد كانت ع رندا اللي واقفه و عماد ماسكها من مرفقها بالقوة و هي تبكي و ترعش مكانها
#يتبع
#منقولة_من_صفحة_Kholoud_novels_عل_الانستا
#اتفاعلوا
#As_ab
