#زُوجـﻲــﭐلـكـبـُيـر��#ﭑلـحًـلـقـﺔ_19��انا بهتت ونلقي الدفتر فِيَھ الاجابة : اها المهم جاوبت �واذكرت اللي همسلي بالاجابة طول التفتت لوراء��و #ننصدم 😨😱 و التفتت قدام بدون ولا حرف �وصال قربت مني وبهمس : ه̷̷َـَْـُذآ الياس صح مش امشابهه ?? انا بهتت فيها و بلعت ريقي : هو �وصال تنهدت : باهي ركزي في الدرس وفوتي �انا هزيت راسي �كملت الحصة و جت الحصة اللي بعدها وانا عقلي في اللي داره الياس سماني الاجابة �طيب عليش ؟؟ اساسا امتي قعمز ورائي انا متاكدة ان بنت اللي كانت ورائي مش هو ؟؟ اففف ياربي شن هاليوم النحس ه̷̷َـَْـُذآ بس اكيد دار هكي عشان بس يلفت نظري و ايدير روحه بطل !! اها عشان هكي بس �طلعت م̷ـــِْن سرحاني علي صوت الجرس �وصال تنهدت : انتي اليوم عقلك مش امعاك بكل اكويس اللي ما نتبه لك الاستاذ ؟؟ انا : افففف يوم شين بكل يا وصال �وصال : عليش شن صار حتي اعيونك حمر ؟��انا جيت نبي نحكي و اتجي دارين : هيااااا نطلعوا �انا ابتسمت بزيف و صبيت : هياااا �وصال سكتت وصبت امعنا وطلعنا للكافتيريا �وصال : هااااا شن تبن ؟؟ دارين : عصير برتقال �وصال : شكلك اتموتي فِيَھ شربتيه في الصبح وتوا �دارين وهي اطلع في السانها : لمعلوماتك بس مازال صبح وبعدين هو عشقي و نبي امعاه مالتيزر �وصال : وانتي ويه ؟؟ انا : امريكانو �وصال : وشنو اخرة ؟��انا : بس �وصال : لا توا انجيبلك حاجة تانية امعاه �ومشت �دارين : باهي وكنهن اعيونك حمر ؟��انا هدا اللي كنت خايفة منه : عادي بس ضايقت اشوية �دارين : م̷ـــِْن حبيبك صح صدقيني غير انشوفه توا نمسح بيه الوطا كيف ايزعلك �انا ضحكت �واتجي وصال حطت الحاجات و كانت جيبتلي ببلي �قعدنا ناكلوا بهدؤ غير عالعادة �دارين وهي اتفتش في اجيوبها : حي انسيت موبايلي توا انجيبه وانجي �وصال : شن تبي فِيَھ توا ؟؟ دارين : عشان ناخد ارقامكن ؟؟�وصبت عدت �وصال تنهدت : هياااا احكي ؟��انا هزيت اكتوفي : اه اللي انحبه خاطب و شكله حا يتزوج قريبا �وصال #انصدمت : انتي م̷ـــِْن جدك تحكي مع حد خاطب و عارفة ان خاطب �انا : مش هكي��وصال : هاااا املا �انا : تعرفي اياد ولد ماما بسمة اللي قتلك عليه �وصال وهي تشرب في قهوتها وهزت راسها �انا : هو اللي انحبه �وصال شرقت وقعدت اتكح �صبيت طول عطيتها امياه وقعد نضرب علي ظهرها �وصال بعد شربت المياه : احم احم خلاص خلاص �انا رديت قعمزت مكاني : عليك ردة فعل�وصال كشرت : طيب يعني .. و خدت نفس : اه كملي �انا : امممم حبيته وتقربت منه و كانت علاقتنا صداقاء بس نا ظنتها حب لان اهتمامه خوفه حسسني ان مشاعري متبادله ، الكل قالي ان مهووس فيا ،، نين جا الًيَوُمًِ اللي قالي فِيَھ علي حبيبته �ادمرت انصدمت ،، انك اتشوفي الانسان اللي اتحبيه ايحب حد تاني لٱ ويحكيلك عليه وعلي احلامه امعاه . صّـْْ(☑)ـْْحّ تفرحي لان اللي اتحبيه سعيد بس تنكسري واتحطمي الف جرح في قِلًبُكً♥ وانتي اتشوفيه مع غيرك يوم خطبته اسوء يوم في حياتي وانا انشوف فِيَھ ايخش ايلبس فيها الخاتم بس في نفس الوقت حلو لانه… وابتسمت لذكري اللي جت في بالي فجاة : قرب باس جبهتي قبل ما يطلع �صدمهم بالحركة و اسعدني .. كلامه كل شي فِيَھ ايقول العكس بس هو خاطب و يبي فرحه باسرع وقت وهدا بس �وصال قربت قعمزت جنبي و اضبطتني : اشششششش خلاص وسعي بالك ما ايصير الا اللي كاتبه رَبّـ❤ـيٌ ، نصيب •اللّـہ̣̥ غالب �انا خديت نفس ومسحت دمعة نزلت م̷ـــِْن عيني وهزيت راسي : خلاص ردي لمكانك توا اتجي دارين �وصال صبت ردت لمكانها : عليك بخت حتي انتي ماحبيتي الا ولد مراة بوك شن قلتيلي اسمه ؟؟ انا : اياد �وصال : المهم عليش ماحكيتش قدامها ؟؟ انا ; مازلت مانعرفهاش اكويس �وصال بهزو : علي اساس نحنا اللي معرفتنا اسنين �انا : اي حاسه هكي انا ان لياااا زمان نعرفك �وصال ضحكت �انا : والله نحكي جد ..و بعدين انتي صادقة و وثقتي فيا وجاوبتي بصدق علي سؤالي ومش اي وحدة اتجاوب عليه في اللي اتخاف واتقول لٱ شن نحكيلها ، يعني انَـỲǑŲـْتي واثقة فيا وانا بادتلك هالثقة �وصال مسكت يدي م̷ـــِْن فوق الطاولة : يا نعلوشي ان شاء •اللّـہ̣̥ تقوي وتقوي اكتر صداقتنا �انا ضحكت : صداقتنا الا كملتش اسبوع و قعدنا نشكوا لبعضنا �وصال ضحكت … �#دارين �حسيت بأنهن يبن يحكن لبعضهن و في نفس الوقت كنت نبي موبايلي .. مشيت و خشيت للفصل .. ونلقاه امقعمز مع واحد وايهدرزو .. قربت م̷ـــِْن شنطتي فتحتها وخديت موبايلي �و فجاة وقفت وجت في بالي �مشيت شور درجه وبهت فيا وصاحبه لف عليا : ممكن نحكي امعاك لْـۆ سمحت ؟؟ الياس اشر علي روحه : انا ؟؟ انا : اها .. و سكتت و فجاة حكيت قبل ما ايقول شي : ولا انقولك خلينا نحكوا حتي هنا ؟؟ الصف كان فاضي مافيش الا نا وهو وصاحبه�انا : انت انسان تافه وقليل الادب و ماعندكش ذوق و مافيش اي دم باي حق اتزعل اية هاااااا .. هي نعمة ربي رزقك بيها و باهي اللي حصلت كيفها محترمة ومؤدبة و حلوة وانسانة ذوق �اتجي اتزعلها هكي و اتخليها تبكي الليل ڱڵـه البُـنًتٍ قاعدة اعيونها جمر .. بجد ما تستحي انسان بيئة و مش عارفة شن شايفة فْيَگ .. حا تعدي و اتصالحها ونهارك احرف لْـۆ اتزعلها حتي لو �بكلمة �والتفتت طلعت و سيبتهم في صدمتهم �وقفت في الممر و حطيت يدي علي قلبي " انا كنت علي اساس حا نحكي بهدؤ بس مش عارفة ليش انفجرت " �نزلت الدرج وطلعت م̷ـــِْن المبني و مشيت للكافتيريا كانت طاولتنا جنب شجرة �كنت جايه م̷ـــِْن لورا ونمشي نبي نفجعهن و انشوف وصال ردت لمكانها وقربت ونسمع �وصال : عليك بخت حتي انتي ماحبيتي الا ولد مراة بوك شن قلتيلي اسمه ؟؟ اية : اياد �انا انصعقت و وقفت " اياد بس هذاكي امعنا في الفصل ومتاكدة اسمه الياس ، لا هي قالت ولد امها معقولة انا لخبطت طيح سعدي " �والتفتت مشيت نجري للفصل �وصلت و نلقا صاحبه متكي علي الباب اللي كان امسكر بهت فيا برفعة حاجب : نيستي حاجة بتقوليها ؟��انا وجهي انحمر وبتوتر : اسفة يعني هو و اللهي ماكنت عارفة �الشاب : وباه ؟؟ انا رقالي : وانت شن دخلك؟؟ ودفيته وفتحت الباب ونلقي الفصل فاضي �انا التفتت عليه : وين الياس يا… �و حطيت يدي علي ذقني بحركة عفوية وانا انفكر : ايوه يا ثامر �وبهتت و مانلقاش قدامي �انا : اخخخخخ وين راح بس ؟؟ و تنهدت والتفتت رادة للبنات وانا ندعي ان ما ايصير شي م̷ـــِْن غبائي �اها نا غبية وااااااجد … �#وصال �ودعت البُـنًتٍ في نهاية الدوام بعد جا اوس �وركبت السيارة و طوووول طلع للقصر �وصلنا ونزلنا وعطاها للبواب ايدرسها �انا وانخش وامعيا اوس : شكرا وااااجد يا اوس واسفة تعبتك �اوس : ما اتقوليش هكي راهووو نزعل وبعدين انتي كيف بنتي �انا عقدت حواجبي ; لمعلوماتك خليت روحك شايب توا �اوس ضحك �وانا ابتسمت ركبنا وهو عدا لجناحه وانا مشيت لجناحي �خشيت و كان مافيش صوت سكرت الباب ومشيت لدار �بدلت و غسلت وصليت �شفت موبايلي ونلقاها رسالة فتحت الرمز و نلقاها م̷ـــِْن بابا �ابتسمت و خشيت عليها | اهلين وصال الحمدلله بخير وانتي كيف حالك وحال ايهم وشن جو دارستك سمعت منه ان المدرسة بدات وسجلتي .. والفترة هادي مٍشًغوٍلً ان شاء •اللّـہ̣̥ نفضي نتصل بيك | �انا زادت ابتسامتي رغم ان وجعني يحكي مع ايهم ونا لا
علي الاقل رد عليا و ماكسرنيش او رفض ان ايرد �فتحت الكيبور نكتب ✏ | بابا حبيبي الحمدلله انا اكويسة… و ايهم اكويس وحتي القراية اكويسة وهنا كلهم اكويسين و ردبالك م̷ـــِْن روحك انحبككك 💙 | �دزيت الرسالة ورديت قريتها وضحكت حسيت اكتر كلمه كتبتها ( اكويس اكويسة اكويسيين ) �حطيت الموبايل علي الكومود و راسي علي المخدة و معاش حسيت بشي م̷ـــِْن التعب … �#اية �نضت علي صوت فتحت اعيوني ونلقاها هي انصدمت وقعمزت في السرير : براء �براء ابتسمت : يا مسائوووو �انا : امتي جيتي ؟؟ براء : قبل اشوي وهيا صلي والبسي خواتك القردات يبن ايجن ايهدرزن �انا : مش غرب انتوا �براء قلبت اعيونها : مستحيل اتقولي باهي �انا ضحكت و بهتت في الساعة ونشهق 5:00 : او ماي قاد �وصبيت للحمام �براء وهي تطلع : بسرعة ما اطوليش �خشيت للحمام غسلت و توضيت وطلعت صليت .. و لفيت شعري وطلعت بتوتي اللي كانت سروال توب اسود و تي شرت ابيض فِيَھ كتيبه سوده �ولقيت الصالة فاضيه مافيش صوت : وينككم ؟؟ شفت في المطبخ وكان الباب مفتوح امقعمزين برا �انا : انتو هنا !!�قعمزت وماما بسمة مبتسمه و براء و عهود باين عليهن زارتهن الضحكة �ومابتش نسال و خديت فنحان قهوة نشرب : لٱ حشم لاشي طالعه هكي �انا شرقت وبهتت جنبي وكان اياد وايبهت ورافع حاجبة �انا بلعت ريقي و حطيت الفنجان و خشيت جري �وانا نسمع صوت ضحكته اللي باينه م̷ـــِْن ضحكاتهم كلهم و قَلبـ♡ــيے بس ايدق بقوة �خشيت لدار وانا نشتم في روحي و طول وقفت قدام المرآية و كان شكلي عُاَدّيَےّ يعني مش سمحة �قعمزت علي : اخخخخ علي حظي توا ايشوفني شينة .. وسكتت فجاة : هه اساسا مش حا ايشوفني بكل �و تنهدت و رديت طحت علي السرير انبهت في السقف … �#دارين �حطيت موبايلي في الشحن ونبي انخش لفراشي ونرقد و ايندق الباب �انا : تفضل��وايخش نادر خوي الكبير �انا ابتسمت : نادور خيرك ؟؟ نادر : كنتي بترقدي ؟��انا : هاااا علاش ؟��نادر وهو يبي يطلع : خلاص ارقدي �انا مشيت شوره : لا استني وقولي خيرك ؟�نادر : جاي صاحبي و عزام ولد عمي و نبيك اديرلنا سفرة هك م̷ـــِْن ايداياتك الحلوة �انا قلبي دق بسرعة لما قال عزام و ابتسمت بقوة : م̷ـــِْن اعيوني �نادر : طيب اتوتي قولي لواحد م̷ـــِْن البقر خوتك ولا ديرلي رنة �انا : تموم �و طلعنا مشي للمربوعة وخشيت للمطبخ �حطيت الشاهي علي النار و طلعت جبنه وتن و هريسة خديت بكرج وطبخت فيه دحي مربي و كريمة و قرضت طماطم وخيار �استنيت ربع ساعة نين طاب الدحي و الشاهي و طول حطيت في السفرة بعد حطيت المفرش عليها �حطيت خبزة بعد قاطعتها و حطيت افتات �و مشيت شور دار خوتي الاتنين التؤم الاصغر م̷ـــِْن عزام بس اكبر مِڼـّي �دقيت وخشيت : غيث ليث م̷ـــِْن ايطلع السفرة لنادر في المربوعة ؟؟ ولا كأني نحكي مع حد��غيث متمدد علي السرير و يقرا في اكتاب وجنبه قهوة و ليث حاط راسه علي بطن غيث اللي يلعب بشعره و في وذنه السماعات وصوت عالي و يتصفح موبايله �تنهدت وانا عارفة مهما حكيت حا يتجاهلوني �طلعت م̷ـــِْن الدار و فجاة ابتسمت •اللّـہ̣̥ لْـۆ كان عِنـ.̷̷̸̷̐ـديّ تؤم حتي نا كيف ليث وغيث ، اتحس علاقة التؤم عميقة بكل ، لدرجة ان غيث وليث اقراب م̷ـــِْن بعضهن بكل مستحيل تلقي حد فيهم يقعد بعيد عن الثاني �واللي صدمنا كلنا يوم غيث رجله انكسرت وليث قعد ايعيط م̷ـــِْن رجله اللي اتوجع فِيَھ وايقول ان ايحس بوجع فيها اقوي �ولما سالنا الدكتور طلع ان في نوع م̷ـــِْن التؤم ايحسوا بكل شي في بعضهم ، لْـۆ حد فيهم انجرح اصعبه نفس الوجع ايحسه تؤمه �و بكون غيث هو اللي اكبر م̷ـــِْن ليث ب 6 دقايق فكان هادي واااجد و منعزل و غامض ما تفهماش عكس ليث الصاخب و الاجتماعي بكل و صوته عالي �و لمعلوماتكم نحنا ما اندوش ليث .. ليث لا انقولوله دلوع غيث لان ديمه يحتمي فِيَھ و اللي يبيها حاضر و يتوسطله عند بابا لان غيث قريب بكل م̷ـــِْن بابا ايشوف فيه الراكز والعاقل �وهو فعلا هكي �درت رنة لنادر و خش لمطبخ : وين لميس و يحي ؟؟ انا ضحكت : هههههههههههه حرام عليك كنك امعاهم ؟��نادر قلب اعيونه وخاد السفرة : دواهم عِنـ.̷̷̸̷̐ـديّ غير يطلعوا اللي في المربوعة �هو طلع طول وانا طول دزيت رسالة لعزام | لفتات م̷ـــِْن صنع ايديا وحياة عينايا .. انستنا حبيبي 💓 | �و مشيت لدار طول طحت رقدت م̷ـــِْن التعب … �#وصال �فتحت اعيوني وبهتت في الساعة وكانت 3:00 الصبح ، خديت الكباية علي الكومود وكانت فاضيه�تنهدت وصبيت ونا عين مفتوحه وعين امغمضه و طلعت م̷ـــِْن الدار �ونلقي ايهم في نص الصالة و امعطيني بظهره وشكله يحكي بالموبايل �ايهم : كنت ومازلت انحبهاا �انا اجمدت في مكاني وبلعت ريقي و كلمته تتردد في عقلي بدا يتحرك خفت ايلف وخرت وسكرت الباب رديت قعمزت علي �السرير و مازلت الكباية في يدي �كلمته خلتني نستك و ما نعرفش انفكر اجمد عقلي بالاحري �فجاة انفتح الباب �رفعت راسي واطب عيني في عينه �قرب مني و هو عاقد حواجبه ; عليش واعيه ؟؟ انا مش عارفة كيف طلعت الكذبة بس هكي لٱ اردايا م̷ـــِْن فمي بلا تفكير : شي بس حلمت بكابوس شين بكل و ماقدرتش نرقد �ايهم فجاة قعمز علي الارض و مسك يدي الفاضيه بين ايديه و قعد يمسح عليه وبحنان : هو كابوس واكيد بس مجرد هلوسة مش اكتر مافيش داعي اتفكري حبي �انا صدمتني كلمته و رديت بهتت في الارض " يعني هو كان و مازال ايحبها و ايقولي حبي ؟؟ عليش النفاق واللعب ؟؟ "��حسيت كلمته جرحتني اكتر ما فرحتني �مافطنتش لروحي الا وهو ايحط فيا في وسط السرير وبصوت هادي : ما اتفكريش واااجد نا امعاك حبيبي استرخي وارقدي �انا التفتت و عطيته بظهري و دفنت روحي في السرير راقدة علي بطني �حسيت بالسرير نزل جنبي و يد تمسح علي ظهري و تلمس في شعري " شن صار لَيــِْ♡̷̴̬̩̃̊ـِْش حاسه روحي لخبطت ، الدنيا كلها لخبطت ، حياتي لخبطة " �كان ٱڅڑ شي سمعته قبل ما نرقد " استرخي حبيبتي استرخي يا قلبي " �حلم هو بس حلم ياربي ايكون حلم مش علم 💔��#يتبع ⬅
#منقولة من_صفحة_kholoud_novels_عل الانستا
#As_ab
