#زُوجـﻲــﭐلـكـبـُيـر
#ﭑلـحًـلـقـﺔ_32
مر الأسبوع اللي قبل الامتحانات
علي وصال اللي كان الهدؤ امسيطر عليها من بعد ما ناضت وبكت معاش نزلت لها دمعة، خدتها شوق و رديت بيها لطرابلس للمزرعة امتاعها
كانت اتحاول بكل مجهودها تغير من نفسية وصال اللي كانت معزوله عن العالم، بعد ما عرفت شوق ان آيهم في الشاليه و اوس امعاه
تكتمت علي الموضوع للباقي بأنهم سافروا مع بو وصال في رحلة علاجه
آما
آية اللي كانت عايشه اسبوع من التوتر الخوف القلق و الحزن من ناحية وصال اللي معاش قدرت لا هي ولا دارين يوصلولها و الياس اللي متجاهلها
و هو مش فاهم شن قصدها؟؟ و ايحقله اياد اللي فرحه قرب خلاص.. كان أسوء اسبوع 💔
بالنسبة
لدارين كانت الوحيدة اللي حياتها هادية بروتين ممل مع شوق خفي لشخص معين ❤
كملن الإمتحانات و بدات عطلة نص السنة ⚫
ناضت في الصبح وهي اتحس بمغص قوي في بطنها و دوخه، حطت يدها علي فمها و صبت بسرعة للحمام، خشت فتحاته و فتحت غطا
كرسي الحمام و قعدت ترجع.. حطت يدها علي قلبها و فجآة حست بحد يمسح علي ظهرها
بهتت وتلقاها شوق
شوق بخوف وهي تصبي في وصال بشويا : شن فيك شن اتحسي؟؟ وصال غسلت وجها بمياه متلجه و فمها و ماردتش
مسحت وجها و طلعت من الحمام تمشي بشويا وهي حاسه الدنيا ادور
نين وصلت لسرير قعمزت
شوق وهي امصبيه اقبالها : توا نتصل بي وداد باهي؟؟ تمددت وصال و عطت شوق بظهرها و هي اتبهت في البرندة و الضي الصبح اللي مخترق الستاير
و هي لافه يدها السليمه علي يدها المجبره
تنهدت شوق بحزن و طلعت ... #آية
فتحت اعيوني علي صوت بهتت ونلقاها براء ماسكه ولدها
انا : كنك يا صبح يا فتاح؟؟ براء : هيا نوضي وتي روحك اشوي بيبدوا الاقارب و الجيران والناس اتجي وتمشي امعانا
عهود وهي اتخش : يا صبااااحو
انا نثاوب : صباح النور
و اعتدلت : نا مش ماشيه راهووو
بهتت عهود و براء فيا
انا كملت : توا نقعد مع اماني نضيف اللي ايجوا و ناخد الحاجات المهمة و انحطهن في دار ماما بسمة بما ان في ناس بتبدا اتبات
براء ابتسمت : براحتك
انا ابتسمت
و بهتت بإستغراب في عهود اللي التفتت وطلعت من دون ولا كلمة
انا : كنها
براء خدت نفس : وية فاهمه انك مجروحه
انا جيت نبي نحكي
براء قاطعتني ; خليني انكمل فاهمه انك موجوعه بس ماتنسيش ان اياد هو خو عهود الوحيد و عهود اتعزك كيف اختها و اكتر و اتحبك جد
اوكي بس في نفس الوقت حرام اتنكدي عليها في فرح خوها و اتخليها بين نارين و فرحتها ناقصه، فكري في كلامي وراه كل شي في الدنيا اذ كان حب او زواج كل شي
صداقة كل شي قسمة ونصيب
و صبت طلعت
طحت لورا و نا حاطه يدي علي وجهي وتنهدت بقوة ياربي شن بيمشي هالفترة 💔 ... #وصال ( كلكم تستنوا فيها😗 عالفه 😄) كنت متمدده و امغمضه اعيوني نين سمعت فتحت الباب
شوق : وصال
بهتت فيها ونلقي امعاها وداد
وداد ابتسمت : صباح الخير وصال
انا نزلت اعيوني و مارديتش
شوق تنهدت
وداد و هي اتقرب قعمزت جنبي : طيب تمددي علي ظهرك عشان نفحصك
تمددت علي ظهري بهدؤ
وشوق صبت بعيد
قعدت وداد تفحص فيا قريب نص ساعة
بعدها بعدت و نزلت السماعة و ملامح وجها غريبة، طلعت ابرة و انبوبة مختبر عقمت يدي مكان الوريد و سحبت دم و نا عاضه شفتي
ردت مسحت و حطت لاصق طبي
شوق : شن فيها يا وداد؟؟ واداد : ارتاحي يا وصال مافيك الا كل خير
و ابتسمتلي و طلعت و وراها شوق و سكرن الباب
خديت نفس وغمضت اعيوني و معاش حسيت بشي ... شوق بصدمة : انتي متأكدة؟؟ وداد تنهدت : اهووو خديت عينة دم منها وتوا نتاكد اكتر
شوق بلعت ريقها : ماشي يطلعن النتائج اتصلي فيا
وداد : ان شاء الله يا حني
و التفتت طلعت
قعمزت شوق علي الكرسي و هي حاطه يدها علي راسها
الشغالة : ماما انت اكويس
شوق ; اها كملي شغلك
هزت الشغالة راسها و مشت اتكمل في شغلها ... #دارين
بعد العصر طللعنا نا وماما لخالتي و صلنا غادي و خدت خالتي ماما ايهدرزن في المنور و قعدت انهدرز نا و بنات خالتي ( جنة و جيداء)
جنة : شن رايكم نطلعوا السوق ملل الحوش
نا: ياريت بس ماما
جيداء: توا نقنعها نا اصلا المول قريب منا مش بعيد دايم نمشيله نا و جنة او وحدة من صحباتي
نا: باه ياريت
صبت جيداء
جنة : علي ما تقنع خالتي نا توا نلبس
انا هزيت راسي و صبت من جنبي
فتحت موبايلي علي صوت رسالة علي واتس
يويو 💕 : دارينوووو
فتحت الكيبورد و بديت نكتب : هممممم
يويو 💕 : مشيت اليوم امعاهن لشقة اياد عشان انسيقوها و تقعد واتيه لتفريش 💔
انا عقدت حواجبي ; مش قلتي مش حا تمشي
يويو 💕 :كنت بس ما حبيتش انكد علي عهود حرام فرح خوها الوحيد
انا : طيب انتي وسعي بالك واذكري لو كان خير كان ربي قربه و خلاص فوتي قصه وانتهت و حا تنسيه
جيداء : هيااااا يا ستي امك وافقت
انا سكرت الموبايل و رفعت راسي لها : تحكي جد
جيداء: والله جد
جنة و هي اتخش : هاااا شن صار
جيداء : خويلة اقتنعت نلبس عبايتي و انجي
انا صبيت : باه
و طلعت نا و جنة نستنوا في الجنان نين جتنا جيداء
فتحنا الباب و مشينا شور المول و نحنا انهدرزو
وصلنا غادي قعدنا ندهوروا في المحلات
جنة : اففف رجليا طاحن خلانا انقعمزو في الكافي
جيداء: حرام عليك اشويا المحلات اللي خشينا لهن
انا بصدمة: تحكي جد انتي 20 محل و اشوي
جيداء: باهي خلاص انقعمزو اشوي و انكملوا و انتي يا همي اشري راه امك عطتني افلوس عشان اللي تبيها
انا هزيت راسي: تم
خشينا للكافي قعمزنا
جنة : من اللي اتصبي تطلب
جيداء: حتي التصبايه في هاذي غلبتك
انا ضحكت: توا انصبي شن تبن
جيداء ; بما ان اشتاء جيبيلي هوت شوكلت
جنة : اختارلي علي ذوقك
انا هزيت راسي
و صبيت مشيت وقفت قدام المكان اللي نطلبوا منه : احم لو سمحت
رفع العامل راسه و ابتسم :تفضلي
انا جيت نبي نحكي
و ايجي حد من ورائي و حط يد علي الطاولة و نسمع نبرة صوته الهادية خلت قلبي ايدق بقوة و ريحة عطره و عقلي " مستحيل ايكون هو" : شن اخبار الشغل عبود
التفتت بهتت فيه و اطب عيني في عينه و #ننصدم 😱
#يتبع
#منقولة_من صفحة_kholoud_novels_على الانستا
#تفاعلوا
#As_ab
