#زُوجـﻲــﭐلـكـبـُيـر
#ﭑلـحًـلـقـﺔ_22 - أتُےـعَےـرفُ مِےـٱ ٱلَوٌجَےـع ؟؟ - أنٌ أشّےـتُےـٱقَےـك وٌلَٱ أجَےـدِ حًےـتُےـى فُےـتُےـٱتُ رٱئحًےـتُےـگ عَےـلَى وٌسًےـٱدِتُيّ 💔 .
.
.
.
سروال امريكي ابلوزه دميه طويلة و وشاح دمي
طلعت م̷ـــِْن الجناح و انا في يدي امتاعت القهوة نبي ناخد م̷ـــِْن المطبخ الرئيسي نزلت الدروج
ونسمع صوت م̷ـــِْن الممر اللي جنبي : خيرك يا اوس ?? اوس : انت اللي خيرك امسكر علي روحك اجناحك هكي
تجاهلت الموضوع ونبي ننزل و
اوس :علي كلا مش مهم توا وتي روحك باش تمشي اتصلي امعنا الجمعة
هادي : مانبيش
اوس تنهد : هادي
هادي قاطعه : ما تحكيش يا اوس ولا تعتذر بداله هو اللي احرجني قدام اصحابي مش انت و هاذي مش اول مرة
اوس : انت عارف ان
هادي : ما ايهمنيش رآيه فيهم هم اصحابي نا مش هو ماطلبتش رايه بكل وبجد مانبيش نحكي امعاه
اوس : اسكت ولا اتقاطعني انت عارف ان هو له فترة تُعباُنٌ و منزعج م̷ـــِْن هداك الموضوع و اكيد بس جت فيك انت
انا عقدت حواجبي شنوو هذاك الموضوع بس مع ذالك سحبت روحي ونزلت مانبيش انوقف اكتر و نقعد انقصقص في موضوع ما ايخصنيش
كملت نزل الدروج وصلت للمطبخ و خشيت
و اتقابلني وحدة م̷ـــِْن الشغالات
انا : ممكن اتحطيلي فِيَھ قهوة ؟؟ الشغالة : يأمر ماما
وقفت و الشغالة اتحط في القهوة نين كملت و عطاته ليا ، خديته و طلعت مشيت شور الدروج نبي نركب
وايقابلني اوس نازال ابروحه
انا ابتسمت : صباح الخير جمعتك مباركة
اوس : صباح النور ايبارك فْيَگ ، شن اخبار القرآية ؟؟ انا : عادي ماشيه
و ايرن موبايل اوس : ان شاء •اللّـہ̣̥ بالتوفيق
انا : ان شاء •اللّـہ̣̥ و نزل اوس اخر درجة و طلع يحكي بموبايله
ركبت م̷ـــِْن الدروج وصلت عند الممر الجانبي اللي في اجناح هادي و نلمح م̷ـــِْن عند الباب ورقة امعلقه عليه ( ممنوع الازعاج و مش ماشي )
ضحكت ، عنيد بكل هالهادي
تنهدت و مش عارفة ليش شالاني رجليا لشور داره دقيت و ايوصلني صوته
هادي : لْـۆ كنت اوس او ادريس راهووو مش ماشي و لْـۆ كنت ايهم ما اتخشش بكل
انا زرتني الضحكة بس مسكت روحي : ولو كنت وصال ؟؟ دقايق و يفتح باب الجناح و شعره خاش في بعضه والنوم باين في اعيونه
هادي رمش : وصال
انا : صباح الخير جمعتك مباركة
هادي ابتسم : صباح النور ايبارك فْيَگ
انا : كنك امزعل خوتك هااا عليش ماتبيش اتصلي ؟؟ هادي حرك ايديه بسرعة : لٱ مش هكي الحمدلله انصلي واللهي بس
انا : بس ؟
هادي تنهد : امس كنت جايب اصحابي في المجلس الخارجي امتاع الرجالة و ايهم كان راقيله هو اساسا مش بالع اصحابي م̷ـــِْن يومه
و احرجني قدامهم لما قال ان يبيني واني مٍشًغوٍلً و ايجوا وقت تاني
و رفع راسه وبهت فيا وهو قاعد حواجبه : توا بالله عليك يا وصال مش عيب توا انا راجل عمري 20 سنة ايحطني في موقف هكي قدامهم و ايصغرني
انا : في هاذي امعاك الحق غلط اللي داره بس اكيد كان امعصب وجت فْيَگ بس عُاَدّيَےّ ومهما كان هو خوك الكبير ايجي بعد مقام الاب
هادي : عارف بس وصال واللهي ماهي اول مرة هو م̷ـــِْن يومه مش قابلهم هكي ايحب ايسيطر عليا بس
انا : باهي عرفت السبب ان مش قابلهم ؟؟ هادي بهت و سكت
انا : شوف توا حتي انت غلطان لان ما سالتش ليش مش قابلهم و مش حابهم خذيتها طول بعدواة… و خديت نفس وكملت : لٱ لآزٍمٍ اتعدي و اتقعمز امعاه وتساله
ولو كان كلامه صح و حسيت اصحابك هذوم مش تمام معناها جد يا هادي انت لآزٍمٍ اتسيبهم لانهم رفاقة سوء و صدقني ياهادي مافيش
حد في الدنيا هاذي كلها حا ايحبك و ايخاف عليك اكتر م̷ـــِْن روحه غير خوك هو سندك و عزوتك في دنيتك و ما تاخذهاش بطريقة هو بس يبي ايسيطر
عليا لٱ خودها بطريقة خوي ايحبني و يبي لي الخير
هادي خد نفس : باهي لَيــِْ♡̷̴̬̩̃̊ـِْش ما جا حكي بوضوح كنت نفهمه مش ضروري الاحرجات و الصوت العالي
انا : وفي هاذي اخرة امعاك الحق بس يمكن هو ما يعرفش ايعبر عن محبته لك و خوفه عليك الا بطريقة هاذي
كل انسان و طريقته في الدنيا ايعبر فيها عن اي شي وهو يمكن ايكون منحرج ان ايقولها لكي بطريقة و دية فا خلها ببرود
و بعدين يا شاطر مش مهم الطريقة المهم المضمون و الخلاصة ان هو ايحبك لانك خوه الصغير اللي روحه امعلقه فْيَگ
هادي ضحك : ذكرتيني بشيف حسن اهم حاجة المضمون مش مهم الطريقة
انا ضحكت : توا انا قاعدة انعبرلك و نحكيلك و واخدة فيها جو مستشارة اجتماعية و انت عقلك في الاوكال
هادي ابتسم : اي الواحد جوعان
انا : باهي سيب الجوع اشوي وقول شن قررت ؟؟ هادي خد نفس : خلاص توا اندير شوار بسرعة و ننزل و بعد الغدا توا نحكي امعاه في مكتبه
انا : نجك ليا يالي تسمع في الكلام
هادي قلب اعيونه : اصغر اعيالك انا
انا : لٱ اكبر
هادي : هاهاهاهاهاهاهاهاها
انا ضحكت : باهي يا حانط نتلقو
هادي ضحك : قعد فندوق هو اللي نتلقو
انا ضحكت و مشيت لجناحي …
#آية
انا بصدمة وقلبي دق بقوة : نعم ؟؟؟؟ عهود : صوتك يا همي
انا بلعت ريقي : باهي لَيــِْ♡̷̴̬̩̃̊ـِْش ما قتيلي ان حا ايجي يتغدا امعنا
عهود قلبت اعيونها : علي اساس انشوفوا فْيَگ ، كملتي هالشهر وانتي في دارك و ماتحكيش مع حد و وجهك في الكتابات
انا : انتي قلتيها وجهي في الكتاب
عهود : سوري قصدي دايره روحك وجهك في الكتاب واتهربي
انا تنهدت ومارديتش و رديت الملح لمكانه و قعدت انقلب في البطاطا و بعدها حطيتها في القلايه
