#زُوجـﻲــﭐلـكـبـُيـر
#ﭑلـحًـلـقـﺔ_21
وابتسموا و عدوا
بهتت و نلقي حاجة غريبة في التبسي امتاعي
بلعت ريقي و في بالي " كيف حا ناكله توا ؟؟ "
رفعت اعيوني لي ايهم اللي كان ماسك كيف المفك بس خاص بالاكل و ايحاول في الايدين و في شوكه اخره
انا زرتني الضحكة : سوري يعني قبل ما تبدا في شغلك هدا شنوووو ؟؟؟ و اشرت علي اللي في التبسي
ايهم برفعة حاجب : صلطاعون
انا كشرت : يعني اختفن الاطباق البحرية ما لقيت الا ه̷̷َـَْـُذآ
ايهم بهدؤ : سمح غير مش ذايقتيه
انا قلبت اعيوني : ولا حا انذوقه جيب شي تاني
ايهم تنهد : غير ذوقي بس ولو ما عجبكش حا نطلبلك شي تاني
انا جيت نبي نحكي
ايهم قاطعني بعناد : غير ذوقي بس انَـỲǑŲـْتي
انا تنهدت بإستسلام مسكت الحاجة اللي تشبه المفك هاذي و الشوكه بعصابيه نبي انقلد ايهم
لاني ما نعرفش كيف يوتكلن و ايهم عنيد و مستحيل ايغيره بدون ما انذوقه
قربت شبيه المفك و الشوكه بعصابيه نبي نغرسهن في هالصلطاعون
و بقدرة لٱ اله الا •اللّـہ̣̥ طار اللي في تبسي و ماطبش الا راس راجل امقعمز مع مراته
انا شهقت
و ايهم شرق في اللي ياكل فيه و عيونه فنصن قربن يطلعن م̷ـــِْن مكانهن
اللي في المطعم كلهم وقفوا و اتفتوا للي صار منصدمين
انا وجهي انحمر و طبست و نا نلعن في روحي
جا القرسون و صبي ايهم لما صبي الراجل ايحول في الصلطاعون و يمسح في دبشه
وقعد ايهم يعتذر و يصلح في الموقف
و الحمدلله الراجل طلع هادي مش م̷ـــِْن امتاع مشكلة علي سبله
و انتهي الموقف
و انا مازلت امطبسة و زارتني الضحكة في نفس الوقت رغم اني سمعت بعض الضحكات في المطعم الا اني ماقدرتش نضحك وانا اللي دايره هالمصيبه
ايهم : ارفعي راسك
انا رفعت راسي و طبت عيني في عينه
كان حاط ايديه فوق الطاولة و عاقدهن في بعضهن و حاط احنكه عليهن و ايبهت فيا ومبتسم بهدؤ
شكله فتني و نساني الموقف و قعدت انبهت فيه
نين غمزلي وفطنت لروحي
التفتت علي الروشن وحاسه الدنيا قلبت حمووو رغم المكيفات الشغاله و اخدودي يحرقن فيا م̷ـــِْن الحمره
التفتت عليه بتعصيب عشان انداري احراجي م̷ـــِْن الموقف ڱڵـه : شفت توا ڱڵـه بسببك
ايهم برفعة حاجب : و انا شن دخلني ؟؟ انا : قتلك غيره بس انت عندت
ايهم : وشن دخلني انا لْـۆ كنتي انَـỲǑŲـْتي كيف الاطفال ماتعرفيش تاكلي
انا جيت نبي نحكي ماعرفتش شن انقووول
التفتت علي روشن وانا رقالي منه
ايهم بهدؤ : طيب حا نطلبك شي تاني
انا : معاش نبي ، نبي انروح
ايهم تنهد : موضوع تافه مافيش داعي اتكبري الموضوع يا وصااااال
انا : انا مش امكبره الموضوع بس جد تعبت ونبي انروح و انت عارف كنت في المدرسة و حصص راسي دايخ بكل
ايهم غمض اعيونه وباين انه عصب
فتحهن واشر للقرسون علي الحساب
جاب الشاب المبلغ طلع ايهم محفظته ودفع
و طلعنا
ركبنا السيارة وكانت هدؤ
غرقت في افكاري لما خطر عليا اللي صار امس لما نضت في الليل
زعمك نحكي امعاه و نساله ؟؟ بلكي قالي تتوهمي !! او
اااااه وخلاص
المشكلة اني لما انوض عقبات الليل نقعد بين اليقضة والنوم مانقعدش صاحيه
تاففت في سري و انا حاسه روحي مخنوقة
هو قال ان كان و مازال ايحبها
مستحيل اتكون انا نحنا مالناش فترة بسيطة متزوجين ، ممكن ايكون عنده حبيبة م̷ـــِْن قبل ما يتزوجني ، وممكن يقصدها هي بس
و قطع شرودي يده ايهم اللي مسكت يدي
