#زوجي_الكبير
#الحلقة_51
#وصال
يا خوفي هالبصمة تمحي كل الحب اللي في قلبي يا خوفي اتغيرني و اتقسيني
كنت مشغولة في أفكاري و في حياتي المقلوبة من فوق ل تحت و فجآة حسيت بيد اتهز فيا
شهقت و بهتت جنبي وكانت جود ..تنهدت براحة : بسم الله خيرك ؟؟؟ جود بخوف بان في ملامحها : انتي اللي خيرك سرحتي خوفتيني عليك ؟؟ انا بلعت ريقي : لا شي بس كنت انفكر
جود وهي اتقعمز امقابلي : في شنوووو ؟؟ انا عقدت حواجبي بإستغراب و بهتت حولي : و ين أيهم ؟؟ جود بهدؤ : طلع من بكري معقولة ما حسيتش
انا ارتبكت : هااااا يمكن تفكيري خلاني ما ننتبهش للي حولي
جود ابحيره : مع ان باسك علي رأسك قبل ما يطلع لدرجة هاذي ما حسيتي بصراحة شوقتيني نعرف في شن كنتي اتفكري ؟؟ انا بتوتر : هااااا موضوع عادي يعني
جود بفضول : شن هالموضوع بنعرفه ؟
انا " وااااو عليك حظ .. حظي ما خلاني انطب إلا مع وحدة حشريه حظ جميل بصراحة " : هااااا ما تشغليش بالك .. و صبيت : وين أيهم ؟؟ جود صبت امعاي : طلع عشان ايسيبنا علي راحتنا
انا برفعة حاجب : عليش ؟؟ جود بهدؤ وهي ترفع في اكتوفها : عادي يعني دكتورة و مريضتها
انا #انصدمت : مريضة شنوووو
جود بهتت فيا بعد كانت اتبهت في الموبايل اللي ضوي فجآة :لحظة قصدك أيهم ما قلكش ؟؟ انا بضيقة و تعصيب : شن بيقولي ؟؟؟؟؟؟؟ جود : اني الدكتورة اللي حا انتابع امعاك حملك .. و ابتسمت : دكتورتك يعني
انا " ياربي ليش انحس فيها مستفزة " .. بهتت فيها و التفتت مشيت للباب
تحركت جود ورائي : لحظة وين ماشيه ؟
مسكت مقبض الباب فتحته و طلعت " و بصراحة اول مرة نتصرف بوقاحة زايدة عن الحد .. بس جد حسيتها مستفزة و ثقيله و بليدة بكلللللللل و ما حبيتهاش "
بهتت و نلقي أيهم امقعمز علي واحد من كراسي الممر : أيهم
رفع رأسه و طول صبي
قربت منه : بنروح
أيهم بهت في جود اللي وصلت و صبت ورائي و اللي عرفتها من ريحة عطرها المقززة 😒 اها يع بكل ريحة العطر 😑 : عليش شن صار؟؟ بهتت في أيهم اللي سأل السؤال .. و حكيت قبل جود : بنروح يا أيهم
أيهم مسك يدي : حبيبي وسعي بالك .. و بهت في جود و بنبرة بان فيها التعصيب: شن صار يا جود ؟
جود بخوف : والله ما
انا قاطعت كلامها بتسيبت يد ايهم و بعدت عنه : انا مش حا نقعد هنا اكتر من هك انا بنروح
و التفتت ماشيه شور مكان الاسانسير و سيبته
ملحوظة ماحد يسأل كني .. لأن ابروحي مصدومة من روحي .. مش عارفة شن صارلي بس انا امعصبه راقيلي و مش طايقة حد نهاااااائي
و قفت قدام الاسانسير لين فتح ركبت و التفتت و نلقى أيهم ركب ورائي و كان دهشان
انا بإستغراب : كنك ؟؟ أيهم و هو يتكي علي الساس إمتاع الاسانسير جنبي : مش ملاحظة انك كنتي تجري يا مدام
انا برفعة حاجب : نجري ؟؟؟ أيهم بلع ريقة الناشف وصبى قدامي : اها تجري و الحق مصدوم انك لكي القدرة تجري وانتي هكي
انا بصدمة وتعصيب : شن قصدك انا دبة ؟؟ أيهم لف يده علي خصري و قربني منه : موضوع دبة هذا توا نتفاهموا فيه بعدين و توا قوليلي كنه حبيبي امعصب همم... و حط جبهته علي جبهتي : من اللي
امزعل روحي بس ؟؟ انا حسيت وجهي انحمر من كلامه و قلبي دق و انا انحس ب أنفاسه عليا
طووول غطيت وجهي بحركة لا اراديه : مافيش شي
أيهم وهو يهمسلي : اممم باهي انا انحبك
انا سكتت حسيت اللساني ارتبط و سخنت " قليل أدب ؟؟ يحرج فيا "
حسيت ب يده فوق ايديا يبي ايحولهن بس شديتهن نبيش انشوفه عارفته توا ايدير حاجة قليلة الأدب قلبي حاس
فجآة حسيت بيه ايبوس في ايديا اللي علي وجهي حسيتهن ارتخين و حسيت بيه حرك يده و نزلهم
رفعت اعيوني له .. و نلقاه أقريب هلبه مني
ابتسم أيهم و قرب باسني
#انصدمت و انا مش عارفة شن اندير : احم احم !! وخرت من بين ايدين ايهم التفتت و نلقى الاسانسير انفتح و مرآة حامل و راجلها اموقفين و باين الإحراج في وجهم
بلعت ريقي و حسيت جسمي كله قلب حمر من الإحراج بهتت في أيهم
و كان حط يده في شعره و مبتسم بهت فيا و حرك اكتوفه " ياربي اسواء موقف " غطيت وجهي وطلعت بسرعة من الاسانسير و قلبي ايدق " تفوووو عليك يا وصال لو وقفتيه قبل ما ايديرها احرجتي روحك ابروحك "
معاش حسيت إلا بيد مسكت يدي
رعشت وبهتت لمن وكان أيهم
أيهم وهو ياخد نفس : يا شيخة قطعتي نفسي حرام عليكي
انا زراتني الضحكة منه بس مابتيش حتي نبتسم وكشرت و انا انفك في يدي : بعد يا أيهم انت احرجتني
أيهم وقف و برفعة حاجب : اممم كنتي تقدري اتوقفني قبل ما اندير ها بس .. و بهت بخبث : في حد كان يبي الموضوع
انا شهقت : يا سخيف شن قصدك علي فكرة انت .. و سكتت
ايهم قربني : انا ؟؟ هممم كملي انا شنو
انا توترت و معاش عرفت شن انقول : انا قصدي انت
أيهم : خليني انكملها انا .. انا لو ما كنا في الشارع وربي كنت تهورت فيك
انا حسيت قلبي بيطلع و قريب نطربق من الإحراج " ما يتحشمش الحيوان "
مسكني من يدي و سحبني ل سيارة : وتوا يلا يا مدام
مشيت وراه وانا انهوي علي روحي منه المنحرف هذا بجد حاسه روحي قاعدة ننحرق 🔥🔥 ... #آية
فتحت اعيوني و أنا نسمع في صوت اعميمة اتناديلي : وية وية .. آية نوضي.. ي آية
فتحت اعيوني و نلقاها قدامي امطبسة عليا : أخيرا ليا ساعة انوعي فيك هيا نوضي اغسلي وجهك و تعالي نتغدوا برا و البسي حجابك نور الدين امعايا
و طلعت و سكرت الباب وراها من دون ما تسمع ردي
صبيت و التفتت حولي و عقلي ايردلي في كل شي صار طول حسيت جسمي رعش " ياربي كيف انا مازلت في داري .. قصدي هو خش و " و انربط الساني
حطيت يدي علي جبهتي و نلقي روحي عرقانه بكل " معقولة كنت نحلم .. بس كيف و ليش نحلم بيه هو بذات يعني ..مستحيل ايكون هذا كله حلم .. بس انا ليا فترة انفكر فيه ممكن من كترة الخوف و التفكير حلمت بس .. بس ليش حاسه أن اللي صار كان واقع وربي " و تنهدت بيأس و فجأة اتناديلي
اعميمة : آية هيا تعالي تغدي
رديت بسرعة و انا نبي انصبي : اهوووو جاية
نزلت رجليا و حسيت رجلي لمست حاجة .. بهتت و أنا انبعد في رجلي و نلقاها اسواره فيها خيط و فيها شكل حلقة وفي وسطها أحصان
عقدت حواجبي ورفعتها نلمس فيها و اطب عيني علي الكتيبة اللي من لوراء في الحلقة و مزخرفة ( كرم يوسف السيوفي )
شهقت و بسرعة غطيت فمي و انا عيني علي كلمتين ( يوسف السيوفي ) " هو ياربي هو يعني ما كنتش نحلم " : آية
و نسمع صوت اعميمة وهو أيقرب عرفتها جاية لدار
طول التفتت حطيت الاسواره تحت المخدة و غطيتها بيها
و صبيت فتحت الدولاب و خديت وشاح اللي قدامي لفيته بسرعة و قربت من الباب فتحته و اتجي قدامي اعميمة
أسيل عقدت حواجبها : كنك تاخرتي ؟؟ انا ارتبكت : كنت اندور في الوشاح بس
أسيل هزت رأسها : هيا تعالي الوكال حا يبرد
انا بلعت ريقي : تمام
و مشت سكرت الباب و لحقتها
طلعنا ل صالة و نلقى نور الدين علي السفرة .. طول ابتسمت
نور الدين رفع رأسه : أستاذة اية
انا ضحكت : أستاذة شنوووو انا اصغر منك راهووو قولي آية بس و أهلا بيك نورت الشقة
نور الدين ضحك : منور بيك و يا آية
انا ابتسمت بهدؤ و قعمزت
أسيل و هي ترفع في الكشيك : هي سمو بالله و ابدؤ
انا و نورالدين : بسم الله
و قعدنا ناكلو .. قصدي قعدو يأكلوا و انا عقلي في مكان تاني "هو قدر ايخش لشقة .. اففف.. من دون خوف ياربي .. يعني يقدر ايكررها.. و انا بنت و
ابروحي زعمك انقول ل اعميمة ولا لا .. اخخخخخخخ اقطع جيتي ل بنغازي..آه مش لو قعدتي في حوشكم خيرلك يا منحوسة يا آية " ... #دارين
فتحت اعيوني و اتقابلني هبة اللي كانت مازلت راقدة حركت رقبتي يمين ويسار و سقمت تقعميزتي " اخخخخخخخ جسمي ايوجع فيا " بهتت ل ساعة وكانت
9:00م " اففف رقدت لتوا .. استغفر الله ياربي فتتني الصلاة " و طول صبيت مشيت للباب طلعت
و سكرته وطوووووول ينفتح باب تاني
شفت وكان الحمام .. بهتت لل طالع منه
و اطب عيني في عينه تجمدت مكاني و سؤال واحد في بالي "هذا شن ايدير هنا ؟؟ " .
.
.
#ننصدم
#لايك+كومنت ❤
#منقولة من صفحة_Kholoud_novels_عل_الانستا
#اتفاعلوا
#As_ab
