غياهب الجهلِ والظلمِ

.. مشهدمن المستقبل ..

رواية ..غياهب...الجهلِ والظلمِ...
      
         بقلمي...نورس_قاسم

  🌺🌺🌺🌺🌺🌺🌺🌺🌺

                  - مزاج معكر، مشاعر باهتة، حياة رمادية، خفقان غير منتظم، شعور مضطرب، ونفس لاترغب بشيء، وأحاسيس خاملة، وروح صاخبة وتباً لكل شيء.

...ضل بالي يمها صوت انينها قطع قلبي  تقطع ...

اخذتني الغفوه صارلي كم يوم منايمه زين ونعسانه كولش ...

نايمه وحسيت مثل الشخص فززني من نومي...

عبالي ماما كعدتني  اباوع ماكو احد كعدت اباوع لفراشها مموجوده ؟؟؟

دورت عليها بلحمام بغرفة اسيل ماكو رجعت نزلت ليجوه هم ماكو ...

طلعت للحديقه شفتها تفتر برعب وخوف كبير لازمه راسها بألم ووجع...

تنحب بأنين يقطع القلب مثل انين الطير الي انكسرت جناحاته وبعد ميكدر يطير...

لازمته ومثل الي تريد تضربه بحايط البيت ..

تقربت منها  حجيت بغصه وألم .. شبيج حبيبتي ...

باوعتلي بعيون لمعت الدموع بيها ..حجت بصوت مبحوح وغصه ويكسوه الالم .. حيقتلونيي حيقتلوني

طلعت لباب البيت الخارجي فتحتها والتفتت عليه وكالت ببكاء ...

حيقتلوني ساعدييني ارجووج حيقتلونيي...

حجتها وطلعت للشارع تصرخ بنحيب طلعت وراها واني اصرخ  عليها ..

ركضت وركضت وراها واني اصرخ بلكي ابويه يسمعنه ويجي ...

الجو بارد والدنيا غبشه بعده الظلام دامس والشمس على وشك الطلوع خيط صفارهه ستوه ظاهر...

هي تركض وتصرخ ساعدوني حيقتلوني واني اصرخ وراها ...

اجه بابا شافها تخبل ركض وراها يريد يلزمها بس هي مثل الطير المذبوح ويصارع الحياة ...

طلعت اسيل على صوتنه ومن شافتنه كامت تصرخ برعب وألم...

واني هم اصرخ بخوف و صوت عالي ...

التمو الجوارين وطلعو كولهم على صريخنه عبالهم وحده منه احتركت ..

بابا حضنهه وكام يبجي بصوت عالي من بعيد شفت عموو اجه يركض بيته قريب علينه فسمع صوت صريخنه  ....

اجه يركض وكف يمهه انحنه عليها وحضنهه حيييل كأنو يطمنها وهيه تصرخ بصوت يرجف وتأن....

..اعرفكم كولكم تردوني اموووت حتقتلوني..

حضنه حييل وكال .. اهدي بنيتي اهدي محد يقتلج مالج ذنب بلي صار الذنب ذنب هذاك العااااار!!!

ااااااااخ الله لو الزمه الى طلع حليب امه من خشمه... يتبع...💔

مرحبا فراشات قلبي ...

نشرت المشهد علمود يتثبت وكم يوم ان شاءالله ابلش بتنزيل البارتات...

..التنزيل حيكون يومي وانتو اتركولي الوقت الحابين انشر بيه ...

القصه حتنشر ببيج عالانستا اسمه قصص وروايات عراقيه

وحتنشر ببيج عالفيس بوك

وحتنشر عالتليگرام همين وهذا المعرف  https://t.me/Nawras1124

الي معندهم واتباد يگدرون يتابعوها من كل البرامج ..

والتنزيل حيكون نفس الواتباد وبنفس الوقت ينزل البارت عند الكل الانستا والفيس والتلي

واخيرا انضمو لگروبي خاص للنساء فقط اسمه گروب فراشات العراق وموجود الرابط بالوصف تلگوه

مشاهده ممتعه ..

احبكم..❤