غياهب الجهلِ والظلمِ

-بارت _الثلاثون-

رواية.. غياهب..الجهلِ والظلمِ..

...بقلمي ...نورس قاسم ...

----------------------------
ميرا :- هو مجاوبني اخذ امه وراح تخبلت تهسترت ماخليت شي بالغرفه مكسرته مريم ووسن حاولن يهدني بس نار وشابه بكلبي ...

ظليت افتر بالغرفه مثل المخبله وما اعرف شسوي اخر شي جريت الجنطه من الكنتور حطيت بيها ملابسي واخذتهن ورحت الاهلي ...

تلكاني بابا كال ... هلا حبيبتي شو جايه وحدج ...؟

حجيت بقهر .. مستحيل ارجع لهذاك البيت بابا طلكني منه ...

باوعلي بتساؤول وكال .. شبيج بابا شنو سوالج ضربج لو شنو سوا كوليلي ...

دا احجي اجت ماما بوستني وكامت تسأل بيه كعدت وسولفتلهم على كولشي سواه  كال بابا بعصبيه ...

... ظلي هنا بابا بعد مترجعين شنو ناقصج وتريد تزوجه والله لو ما مره الى كان الي كلام وياها ثانيه بس للأسف مرت اخوي واحترامي ما يسمحلي اتعارك وياها ...

ميرا ... ظليت يم اهلي ورا بكم ساعه اندكت الباب راحت اسيل فتحتهه دخل ادم يرعد ...

زمجر بغضب ... انتيييي شلووون تطلعييين وحدج ومنووو سمحلج تطلعين مندون علمي ...!!؟

دا اجاوبه اني بس بابا كاله بصياح ...

...لتصييييح ترا كله منك انت شكو تروح ورا هذيج البنيه  منو الاولى ميرا لو ضيوف امك ...؟

وبعدين شبيها بنتي وامك تريد تزوجك عليها ...؟

ترا بنتي الف واحد من عمرها يتمناها واني فضلتك على الي بعمرها كولهم وانطيتها الك ...

وهسه جايه امك تريد تزوجك  لا ادم تحلم اذا تتزوج واخلي بنتي عندك ...

جر نفس وزفره بقوه مبين ضاج من كلام بابا وبالذات اخر شي والي هو فارق العمر بينه رجع شعره لورا وكال بتبرير

... عمي ليش هو منو كال اني موافق اتزوج اساساً اني مقابل وبعدين اذا رحت للمستشفى فوديت امي لا اكثر حتى ما دخلت للمستشفى وشفتها ...

باوعلي وكال ... يلا ميوره كومي وياي خلي نرجع للبيت ..

درت وجهي وحجيت .. لا ما ارجع واني كلتلك اذا طلعت ورحت الها حتخسرني وانته مهتميت وطلعت فأني مستحيل ارجع وياك بعد...

حاول يقنعني بأي طريقه وبابا همين كان معصب وضايج فكاله ...
..خليها ترتاح عندي هالفتره والله كريم ...

هو كال البابا .. عمي خلي احجؤ وياها شويه ...

..بابا كاله .. ماشي براحتكم ... بابا كام وماما كامت وراه واسيل طلعت للمطبخ وهي تأشر بإيدها بمعنى لترجعين ...

كال ... ميوره لتكبرين السالفه حبيبتي تدريني ما اكدر بلياج يلا حبيبي كومي خلي نرجع للبيت ...