غياهب الجهلِ والظلمِ

_البارت السادس_

رواية..غياهب..الجهلِ. والظلمِ
بقلمي..نورس_قاسم
________________

#اعاتب وجه #المراية

#واكلهه الشيب #مو عمري
.
.
.#ولاتحجي ....؟

.#تكتلني من اسأل

.وتصفن بوجهي..
_____________

:- ميرا...

.. ماكنت ادري انو الموضوع لهالدرجه كبير ...

..وانو اله عقوبات قاسيه...كول الي اعرفه او احس بيه انو هالشي خطأ واخويه ملازم يسوي ويايه هيج...

كان احساس وشعور مقزز ومحلو فشلون عادي ويصير بين كول الاخو هيج؟؟ ...

انو اخ الج وتعتبريه سندج بالحياة يجيج ويتلمس بجسمج لو يطلب منج اشياء مقرفه تسويها اله...

..من كنت امانع ومااقبل واكوله هذا الشي محلو واحسه عيب ..

يكولي حتى ويه اخواتي يسوي هيج ...

وهذا الشي عادي بين اي اخ واخته ويصير دائماً...

..واذا مقبلت يشد ويايه ويكوم على اقل شي يضرب يتحجج الي ..

...كل مره يتحرش بيه واني مكنت اعرف انو التحرش هيج يكون ولاكانت عندي معلومه عن التحرش..

..والسبب مني ماكنت اختلط ويه البنات اذا اصادق بنيه من ثاني يوم نتعارك ونترك بعض ..

..فالذالك ماعندي صديقات و اسيل عمرها مقارب العمري وكولش شرسه وقويه ...

..بس مكنت اسولف الها شي ماعدنه شي اسمه سوالف بنات اوخوات ونكعد مثل اي خوات نسولف البعض ...

..لا كول البينه مشاكل ياانتعارك اني وياها يا وحده تضربني وتروح اسيل تهد وتاخذلي حقي ...

..مكنه مقربات من بعض وشذر اكبر مني ومااكدر اسولفلها شي اله بحاله وحده مرارتي تطك وبعد مكدر اتحمل يلا التجئ لشذر ...

...بكل مره يصير بيها التحرش نفسيتي تتعب واصير انطوائيه اكثر ..

اكوم احب اختلي بنفسي اكعد لوحدي والتجأ لدموعي الي تريح شويه من همي...

..بكول مره نفسيتي تتأذه اكثر بكول مره اكره الشباب وجميع الرجال ...

..تجيني مرات حتى بابا اكرهه اكول معقوله بابا هيج كان يسوي ويه عمه؟؟؟