غياهب الجهلِ والظلمِ

بارت ال41

رواية ..غياهب ..الجهل والظلم ..
بقلمي ... نورس _قاسم

__________________

ميرا :-
دگ ادم الباب ودخل دخلت وراه ابتسم و انطاها الاوراق وگعد اني رحت گعدت يمه وايدي على قلبي. ..

عيوني تترقب شفاها باوعت بالاوراق ثواني حسيت شكلها تغير او اني يتهيألي ما اعرف ...

...كل الي اريده تنطق وتگول شنو علتي واذا فعلا بعد ميصير عندي اطفال او لا يصير ...

... بعد معاينه طويله للتحاليل والسجلات رفعت راسها ركزت بعيونها عليه واني مركزه على شفاها گالت

الطبيبه ... حسب السونارات الرحم نضيف ومابيه شي يمنع الحمل وحسب التحاليل البويضات عندج قويه والطفل جاهز يتكون ...

يعني ما اكو شي يمنعج من الحمل عزيزتي. ...

ثواني صافنه عليها ممصدگه الي گالته يعني اني يصير عندي طفل ...؟

يعني الدكتورات البقيه خبلني وعيشني برعب وخوف بلا سبب ..؟

لو هايه رحمة ربي نزلت عليه وفتحت الامل القلبي الجريح...!!!

ابتسمت والدمعه وگعت من عيني باوعت الادم بفرح ابتسم وگال ...

... گتلج سابقا ماكو شي صعب على على ربِ العالمين ... رجع باوع للدكتوره وگال بشك ...

... دكتور لعد شنو السبب الي ميخليها تحمل لسه لو من تحمل يسقط الطفل ...

رجعت اديها لجسمها وحظنتهن گالت بشك ..

... اممم لازم اخذلها عينه للرحم علمود اعرف السبب هيج مراح نعرف ...

ادم گال .. وشگد راح تتأخر العينه يلا تطلع ..؟

گالت ... عينة الرحم 48 ساعه وتطلع متتأخر هوايه ...

ادم .. تمام وين ناخذ العينه ..؟

.. بمختبر خاص للعينات اكتبلك العنوان وحأكتبلك ورقه انطيها لدكتور المختبر وهو الي حياخذ العينه لزوجتك ...

ادم عقج حاجبه وگال بنفور ... عفوا دكتور ياخذ عينه من الرحم لزوجتي ...؟

ابتسم بإستهزاء وگال ... دكتوره اكتبيلنه ل دكتورة مختبر احسن ...

هزت راسها مثل الي مقابله على كلامه وگالت ... هوا ماكو حياء بالطب فعادي اذا اخذلها دكتور مو دكتوره

بس ولد الرافدين غيرتهم عابره لهذاك الصوب. ماشي راح اكتبلك ورقه وانطيك عنوان طبيبة مختبر افضل ...

ادم ابتسم واني صافنه بوجهم مثل الاطرش بالزفه شنو معنى العينه ...!!!

مدري شكتبت بورقه وختمتها ورجعت كبستها ويه التحاليل و السونارات وانطتها الادم ...

تشكر منها وطلع طلعت وراه واني ببالي الف حسبه شنو معنى عينه ..؟

ويا ترا شلون ياخذوها من الرحم...!!!