غياهب الجهلِ والظلمِ

بارت الثاني_والعشرون

رواية.. غياهب..الجهلِ و الظلمِ...
..بقلمي..نورس قاسم...
~~~~~~~~~~~~~

‏"فَإن تَسأَلني كَيفَ أنتِ فإنَّني
‏صَبوره على رَيبِ الزّمانِ صَعيبُ
‏حَرِيصه على أن لا يُرى بي كَآبة
‏فَيشمتَ عادٍ أو يُساءَ حَبِيب"

~~~~~~~~~~
ميرا:- اني كمت اخذت المنشفه وطلعت رحتله لكيته فاتح ماي الحار والبخار يطلع منه ..

ابتسمت انطيته المنشفه بس

ماحسيت عليه غير وجار كف ايدي مكان الحلقه لازمها بكف ايده ومدخلها جوه الماي الحار ...

حسيت روحي شاغت وألم الحروق سره بقلبي مو بإيدي...

...نزلن دموعي وانيت بوجع كلتله بترجي ..

...اااااخ اااخ فدوه اتركني ايدي احتركت ..

ولاكأم احجي وياه اباوع مو بس ايدي جو الماي الحار حتى ايده حاولت اجرها منه مكدرت ..

باوعلي وهو عاقد النونه كال.. كم مره نبهتج ماتنزعيها وتبقين لابستها لو تحبين العناد انتي..؟

ميرا.. والله نسيتها بعد ماانزعها والله بس عوفي ايدي تجوت ..

..احجي ودموعي انفتحن جر نفس وسد الماي اخذني من ايدي وفوتني من المطبخ ..

صعدنه للغرفه بعدنه بالممر شافني امين عقج حاجبه وكال بخوف..

امين.. شبيج ميوره ليش هيج تبجين شنو صايرلج..؟

رجع باوع الايدي وايد ادم وكال بأستغراب..

امين.. احد يفهمني شبيكم واديكم ليش هيج حمر ..؟

ميرا.. ادم ساكت اني كلتله .. نجويت بالماي الحار من دا اغسل ..

هستوه دايحجي ادم جرني ودخلني للغرفه كعدني عالسرير وراح فتح الجرار طلع منه ظرف ..

اجه ثنى بالكاع كبالي وجر ايدي وبلش يحطلي مرهم وهو ساكت وعاقج حاجبه ..

كمل كام رد الدهن وكال ..ممنوع اتطلعين ابقي هنا لبين مايرحون ..

ميرا.. سكتت محاجيته خله وطلع واني انهديت بالبجي حضنت مخدتي وكمت ابجي ...

...يربي هذا واحد مجنون اي مجنون وملازم ابقى وياه لازم اروح واخبر بابا عليه ..

كعدت مسحت دموعي وقررت اول ميطلع العصر اروح لاهلي واخبر بابا يطلكني منه ومرجع اله بعد لو يموت...