غياهب الجهلِ والظلمِ

البارت الاول

   
   رواية... غياهب..الجهلِ والظلمِ..
           
         بقلمي...نورس_قاسم
      
     🌺🌺🌺🌺🌺🌺🌺🌺
         كم أودُ أن أهربُ
      بعيداً في رحلة طويلة
     ‏أنامُ فيها على كتف امي
  ‏.  وحينها لأول مرة لن
     يُفزِعـني الإستيقاظ💔
      
      💔💔💔💔💔💔💔
     
     ٢٠١٤...بغداد...١٠ ونص..ص..

                ... ميرا ....

طلعت من البيت اتمشه للمحل اريد اشتري...
متعلمه يوميه لازم اشتري اجباس واندومي وككويات  لان بلاهن ميحلى يومي...

اشتري هوايه علمود يكفني لليل..

..اباوع لروحي لابسه اتراك وردي ابو الكبوس ولابسه نعال ابو الاصبع بيه كركوشه واقدام امهات الاصبع بيض ولابسه طوك لام كفشتي ...

..فو اني داامشي حوصل للمحل  تلكتني بنت بصفي اسمها ضمياء بس هي ضخمه ومن نفس منطقتنه ...

كول متشوفني تضربني لو تكفشني من شعري واني مااكدرلها لان اضخم مني ...

عفتها ورحت اشتريت من داارجع ضمياء هي البنيه نفسها واكفه واثنين من صديقاتها وياها وقاطعات عليه الطريق...

اني الصراحه خفت وكفت ابمكاني هي اجت عليه وكفشتني من شعري وكالت

..انطيني البيدج

..ماردت انطيها ضليت اتلوى وياها اخر شي لزمتني من كفشتي وعتتها حيل وكالت ..

..ولج انطينياهن لااكتلج هسه ...وجرت الاجباسه والفلوس مني ودفعتني وراحت هي وصديقاتها لبيتهم...

رجعت للبيت واني ابجي تلكتني اسيل باوعتلي هزت ايدها وكالت ...

..اريد يوم يمر ومتبجين نذر عليه لو اذبحج لو اذبح خروف من الفرحه..

..شبيج ليش تبجين؟؟؟

...باوعتلها واني مبرطمه وسولفتلها كولشي ..شهكت وكالت..وهي تأشر على نفسها...

اسيل..انييي ياخذون فلوس اهلي واسكت؟؟
انيي هيج انهان واسكت؟؟بسيطه..

ميرااا..لبست جاكيتها اشو هايه راحت شويه ورجعت وكَفت بباب البيت واجوي صديقاتها من نفس المنطقه باوعتلنه وصاحت ..

..ميراااا حضروو الاسلحه وكَولو يالله ويلا ويااانه...

..اباوع للبنات صديقاتها وراها ويسوون 
..لو بلهدف لو بلنجف اليووم...

التتفتت عليهن ورافعه ايدها وتسويلهن  ..كَولجن فخر يابنات انتن  رفعت راسي والله الله يحيي البطن الي حملكن ....

..وهنه يصيحن.. كَولو الله يابنات ..وكولهن لازمات  الخشبه مال الماسحه ويهوسن ...

اسيل متأثره بباب الحاره كولش..