غياهب الجهلِ والظلمِ

47

... رواية .. غياهب ..الجهل والظلم ...
           بقلمي .. Nawras
_____________________

اسيل ... گعدت من النوم احس جسمي مكسر .. باوعت للساعه ب10ونص بليل ..؟

شهكت وگعدت مخروعه ساعه عشره لعد شوكت نطلع اني وفراس ..!!

گمت من السرير ادور عليه ما هو مموجود لبست روب فوگ ملابسي وطلعت ادور عليه كولهم گاعدين بالصاله بس هو مموجود ..!

كولش انقهرت هذا وينه ..؟
مو گال حيجي ونطلعونسهر مع بعض ..!؟
جريت نفس بقوه فاراتي گامن يلعبن براسي ويحذرني من خطر محتم وقريب عليه ...

صعدت لغرفتي جريت الموبايل طلعت رقمه اتصلت عليه ماكو ميرد ..!
رجعت اتصلت مره ثانيه واني اروح وارجع بالغرفه والتوتر اكلني اكل ...

هم ماكو ميرد ...!
دزيتله رساله وگتله ... ليش مترد على اتصالاتي فراس رد لان تنرفزت وهالشي ميبشر بخير ..!

وينك ليش متجاوب ..؟

ماكو جواب منه ابد ...

ضليت گاعده مثل المخبله والتوتر اكلني مو مهم هو بس فلوسي وين وداهن ..؟

ضليت گاعده للفجر وهو ماكو گوه مفتحه عيوني من النعاس تالي حطيت راسي عالمخده ونمت ...

سمعت الباب انفتحت وشخص دخل وسدها وراه رفعت راسي فتحت تك عين باوعتله واگف دا ينزع بالساعه .. درت وجهي باوعت للساعه حتصير ال10 و ثلث  ... ؟

گمت من فراشي وگفت گتفت اديه وحجيت بقهر ... وين كنت ..؟

جر نفس باوعلي ابتسم وگال ... سهران ويه اصدقائي ليش ..؟

فتحت عيوني بعصبيه حجيت ... شنو سهران ويه اصدقائك مو عالاساس البارحه نطلع نسهر مع بعض ..!

گال وهو يحك راسه ويغمض عيونه ..

... نسيت والله ضليت سهران ويه الشله ونسيت فدنوب ..

غمضت عيوني بصبر  رحت عليه مدت ايدي وحجيت ... انطيني فلوسي البارحه الاخذتهن مني  بطلت ماعاد اريد اطلع وياك ...

گال بأبتسامه ... الفلوس صرفت وضل منهن بس 50 ..!

فتحت عيوني بدهشه عطت ... شنوووووووو ..؟

____________________

ميرا :- ادم وخاله گاعدين بالمطبخ اني صبحت على خاله ورحت شغلت الطباخ وبلشت اسوي ريوگ  شويه ودخل فراس صبح علينا وصعد لغرفته ..

... طگيت البيض وطلعت الجبن وحضرت الخبز والاستكاين دا اجيب الجاي اصبه اسمعت عيطه قويه ...

رگضنه اني وادم وخالتي للصاله نزلت اسيل وهي تصيح و تتعارك ويه فراس وشايله جنطت ملابسها  وهو نزل وراها هي تگولها

اسيل ... هسه تطلگني دقيقه ما اضل وياك بعد انييييي الي عمري كوله انصب عليهن واقط بيهن تجي انته تنصب عليه وتقط بيه ..!!!