غياهب الجهلِ والظلمِ

بارت ال42

رواية ... غياهب ...الجهال والظلم ...

بقلمي .... نورس _Nawrad

ميرا:-حاطه ايدي على خدي وگاعده عالسرير وبإيدي كتاب كوله انگليزي وما افهم عليه شي مجرد اباوع للصور الي بداخله وبس ...

انفتح الباب رفعت راسي باوعت عليه باوعلي سد الباب واجه تقرب مني شايل بإيده شي مثل الفايل حجيت بتساؤول ...

...شنو هذا ..؟؟!

گال ... العينه طلعت اتصلو عليه گالو بعثناها بالبريد واني رحت استلمتها ...

حسيت رجفه بشفافي بلعت ريگ بخوف وحجيت بصوت مخنوگ ...

..وشنو طلعت العينه سلبي ايجابي عندي شي بالرحم ..؟

جر نفس قوي وزفره بهدوء گال .. اخذته للدكتوره تشوفه والحمدلله گالت الرحم نضيف و مابيه اي شي ...

فتحت عيوني على وسعهن رمشت مرتين ابتسمت حسيت فرحه تسللت الاعماق قلبي ...

الف الحمدلله يعني مبيه اي شي والطفل يصير عندي لعد ليش ورا مطرحت تأخرت وبعد مصار طفل ...؟

باوعت بعيونه دا اسأله بس هوا سبقني بالاجابه وكأنو قِراء كلام عيوني ...

.ادم.. سألت الدكتوره ليش بعد ما صار عندج طفل وشنو السبب الاسقاطات الصارت سابقاً گالت ما كو سبب يأخر الحمل الرحم نضيف بس الله ما شاء يصير الطفل هسه ...

وبالنسبه للاسقاطات احتمال وراد عندج جرثومه تبدي ويه الحمل وتقتل الطفل فگالت ان شاءالله اول ماتحملين اخذج لطبيبه وصفتها الي زينه تاخذلج تحليل واخذلها السونارات والعينه الاخذتيهن هنا وانشوف شنو تگول ...

ميرا ... جريت نفس بأرتياح الحمدلله اهم شي اني مبيه شي ... باوعت الادم وگف گبال المرايه نزع ساعته وحطها عالميز التواليت وبلش يفتح ازرار قميصه عمود يبدل ...

...لوهله فكرت ليش ربي العالمين خلاني اطرح وما ثبت الطفل ابطني وليش لحد الان ما رزقني ...؟

يگولون بهايه الحياة كل تأخيره بيها خيره وحكمه مدبره من رب الكون ...

يمكن رب العالمين يعرفني مطايقه العيشه ويه ادم وممرتاحه فالذالك مدا يرزقني يمكن على ساعه يجي فرجه وتنزل رحمته عليه وتخلصني من ادم ...

اتطلگ منه وارتاح ....

وارجع الدراستي وحياتي السابقه اعيشها من دون خوف ومن دون ندم عالفاتني ...

بس لحضه ...!!

اني احبه واريد اعيش وياه وبنفس الوقت كارهه وجوده ويايه ...!!

شلون هيج وشنو السبب..؟!

من فكرت بفكرة الطلاگ واني اتخيل الموقف حيست قلبي انقبض وانلجم معناها قلبي يحبه ...