غياهب الجهلِ والظلمِ

Note

مرحباا..

مسااء النور والسرور فراشات قلبي ..شلونكم اخباركم واخيرا بعد مده كولش طويله گدرت ارجع واتواصل وياكم مشتاقه الكم هوااايه. ..

صدقاً من تمرضت وقطعت النشر والتواصل وياكم لليوم احس فراغ كولش كبير بحياتي ..

والمرض بعدني عنكم والواتباد كان محذوف من جهازي والله وبس الفيس مفتوح عندي وهم بالاسبوع مره ادخل اتصفح بيه عائلتي وزوجي بعدو عني الموبايل نهائيا لان الدكتور منعني ايضا منه لان شك بيه الورم والحمدلله طلعت اكياس حميده والصداع والالم بسببها بس متسوي اورام خبيثه مجرد اذا كبرت تنشال وهاهيه

اول شي ابدي بيه هوا اقدم اعتذاري الكم كولش اعتذر عن انقطاعي وعدم تواصلي وياكم واعتذر عن توقف القصه بشكل مفاجئ بس والله الضروف ومرضي حالاً لهيج شي والى اني كنت مستمتعا وياكم وفرحانه بنشري الكم للقصص ...

الحمدلله الفتره السيئه بحياتي مرت وانتهت وان شاءالله بأرادت الله متنعاد ولا حتى تنذكر لان ذكرها مر بالنسبه الي ...

ومره ثانيه اعتذر من ابطال قصصي العزيزين على قلبي عن تأخير قصصهم وتوقفها اني اسفه كولش حبايب قلبي ..

اشكر كول شخص سأل عني وعن حالي بهايه الفتره كولها قبل ليسأل عن القصص صدقا فترت مرضي رغم كانت مكروها الي كولش بس حبيت بيها شي انو ضهرتلي اشخاص  مااعرفهم واقعياً ولاشايفتهم بس مكلمتهم بالاكتروني كولش خلوقين وجميلين وفعلا حبيتهم من كول وقلبي واحتسبتهم عائلتي  من طيبة قلبهم وحبهم الي ...

واشكركم لصبركم وتفهمكم الي واشكركم لسوؤالكم عني وحبكم وشغفكم لتكملة القصه ...

حرجع ان شاءالله للقصه وابلش بيها بس مو من اليوم لا ان شاءالله اكمل البارتات الموجوده عندي وتكمل القصه واختمها وابلش بتنزيلها الكم بشكل يومي ...

احنه وصلنه بارت 40 بس بعد عدنه هوايه بارتات وبالذات اسيل الها بعد قصه طويله يعني مو بارت ولا ثنين ونختم لا كولش هوايه واريد انطي القصه حقها ومااظلمها ...

وانتم كالعاده حطلب دعمكم الي وتشجيعكم لان وروح المالكي وخشم العبادي بسبب مرضي واهسي قل للقصه من رغم من ادخل عالفيس وبالصدفه اشوف قصه منشوره كولش انقهر وبودي ارجع اكمل قصتي بس يمنعوني ميخلوني (زوجي وامي🤦🏻‍♀️)

منو منكم مشتاق الاسيل وصفاء وراح تضهرلنه شخصيه اضرب من الاثنين بعد 🤦🏻‍♀️😁

يلا حبايب خلي انشوف تشوقكم وشغفكم للقصه ومنو منتظرها ومنو ناسيه بهايه المده كولها ...

تردوني ارجع نشر البارتات هسه لحد وين ماوصلنه واتوقف بين مااكمل او تنتظروني اكملها كولها وابلش بنشرها القرار راجع الكم ...

دمتم بخير وصحه وعافيه 😍😍

نورس✍️