رواية ... غياهب ...الجهل والظلم ...
...بقلمي ... نورس _Nawras
__________________
ميرا :- ... اگولج انتي ليش متشترين جهاز وتفتحين الماسنجر بيه شنو فاتحته بجهازي ؟؟؟
ميرا ... باوعتلها مصدومه ما متوقعه هالشي منها ابد .. گالت هذا الكلام وخلت وطلعت ...
باوعت لادم شفت عيونه مو براسه دا اشرحله وافسرله الكلام بس من شفته اجه عليه وگف نبض گلبي من الخوف احس رجليه بعد ميحملني ...
لزمني من شعري وجره بكل قوته وصاح بغضب طاغي ...
... ووووولججججج شنووووو هالكلااااااااام ..
... نزلت دموعي من الم راسي حسيت شعري گله راح بأيده گمت ابجي واگوله ...
... والله ما عندي شي بس عوف راسي واني حسولفلك كولشي والله ...
... ترك راسي ضربني راشدي حسيت اذني وشت منه حطيت ايدي على خدي وضليت صافنه عليه ...
عيونه دم ووجه احمررر كولش يخوف صار گال من بين اسنانه ...
... ماعندي صبر طويل اگدر اتحملج بيه احجي بسررررررعه ...
ميرا ... طلعت شهگه قويه مني ... حجيت بألم .. والله العظيم ما عندي اي شي صح اني گلتلها تسويلي ماسنجر بموبايلها بس والله ما استخدمته ابد والله ...
نفخ بعصبيه وگال .. وانتي شلج بيه ليش گتيلها تنزله الج بموبايلها ويه منو تريد تحجين ..؟ احجي لا اكسر عضامج هسه ..
... ما احجي ويه احد ردت اگول الشذر تقنعك نروح لدكتوره نفسيه واذا انته ما قتنعت ردتها تشوفلي دكتوره وتاخذني عليها من دون علمك ...
...عقج حاجبه وضل صافن عليه گال ...
وليش ما گتيلها من دا تخابرج او تحاجيها من جهازي ليش اله من اسيل ومن دون علمي ...
وشلون راح تقبل انته اگوللها هيج وما اگدر اگوللها من جهازك لان اختي وماما من يتصلن عليه لازم انته موجود واذنك بالسماعه ويايه شلون حگوللها بعد ...
جر نفس وزفره بهدوء .. مسح وجهه بكفوف اديه وگال ... استغفرالله العلي العظيم ...
حطيت كفوف اديه على وجهي وگمت ابجي .. فعلا بجيت بقهر نايم بگلبي ومتعبني حيل ...
حسيت بيه اخذني الحضنه وباسني براسي ... دفعته عني وحجيت بعصبيه ...
...تعرف طلع وياك حق اني ما احتاج العلاج نفسي لا ابد اني مابيه شي بس انته
انته الي محتاج دكتور نفسي لانك شخص مو طبيعي .. ابد مجنت متصورتك بهالنذاله ..
.اضحكت بإستهزاء ...
بس الحق مو عليك الحق على بابا الي شالني وانطاني الك بكول سهوله .. والله شنو بتنه نفضحت بالمنطقه وبعد محد يدگ بابنه بمكان ميحتويني ويعالجني انطاني الواحد ماكو شي براسه غير الشك وفوگ ضيمي عيشني بسجن ومخليني الشهواته وبس ...
أنت تقرأ
غياهب الجهلِ والظلمِ
General Fictionقصة ثلاث أخوات ... إحداهما رقيقه كــ جنحٍ الفراشة تتعرض للتحرش من اقرب الناس ِ إليها لتهدم شخصيتها قبل أن تُبنى فَتقع ضَحية افعال اشخاص ٍ لها حقدٍ كــ حقد ابليسُ على آدم ،،، والاخرى كــ لبوة ٍ جُرحت لــ تتمرد على واقعها الاليم وتحاول اجتيازهُ بقوه...
