غياهب الجهلِ والظلمِ

بارت الثاني _والثلاثون

  رواية... غياهب الجهلِ والظلمِ..
    ...بقلمي... نورس قاسم ...

        (بارت مفاجئ لعيونكم)

      --------------------------
:-  كعدت على صياح قوي من سمعت صوته وصياحه جسمي رجف والخوف تملكني صوته ميبشر بخير...

كمت من الفراش رجعت شعري ورا اذني ونزلت وكفت يم الدرج هو شافني اجه عليه وكال بصياح. ..

:- اني مو كتلج لتطلعين شلون تتجاهليني وتطلعين ...؟

اني سكتت بابا كله ... لتصيح عليها ادم ترا تصرفك كولش غلط .. وبعدين اني راح اتخبل من تصرفاتك انته وامك ميرا كالتلك مااريدها تجي للبيت ليش كل يوم والثاني وعازميها لبيتكم ..؟

هو مسح وجهه بكفوف اديه باوع لبابا وكال

..اني ماعليه بسيماف تجي متجي ماعليه بيها والمشاكل الي دا تصير سببها ميرا مو احد غيرها ..

...ماتسمع كلام وصايره وكحه وتصيح واقل شي وعزلت فراشها بعدين انته تقبل تطلع من دون اذني ..

بابا هز راسه جر نفس وكاله .. خليها هنا اليوم وباجر تعال عليها واني احلها بينكم ...

هز راسه باوعلي خزرني وخله وطلع ..

..جريت نفس حزين ورجعت لغرفتي مددت عالسرير وبلشت الافكار تقتحم راسي ..

  بعدها موجوده لو راحت ..؟
زين شافها حجه وياها اكيد اذا هو محاجها هي تتحركش بيه. ...ضليت اني وافكاري الى ان صار الليل ونزلت اتعشى ...

ثاني يوم الصبح اجت اسيل كعدت يمي  كالت .. رتيل بنت خالتي من البارحه لليوم تخابرني تريدني اروحلها علمود احفلهن ..

باوعت لماما وكالت ...وهم فرصه البس الفستان الي جابه فراس لان ملبسته خلي بنات خالتي يتفاجئن تركني رجال ومن رجعتلهن صرت انثى ...

ميرا ..ضحكنه اني وماما  بعدين ماما كالت ... اني هم حاروح وياج بس لازم ميرا تروحين ويانه مترهم تبقين وحدج بالبيت ...

اني باوعتلها هم صح محتاجه اطلع واغير جو باوعت الاسيل وحجيت .. انطيني موبايلج اشوف ادم يقبل اروح لبيت خالتي لو لا...

اسيل كالت ...وشكو بيها عيوني خالتج واذا رحتي شنو ميقبل لتخليه يخنكج فدنوب ليش تصيرين جبانه الى متى ابقى اعلم بيج ..؟

ماما صاحت بيها و كالتلها ... كافي لغوه اسيل شهالكلام انطي الموبايل لاختج خلي تخابر زوجها ميصير تطلع من دون علمه ...

ماما كامت راحت تجهز نفسها اني اخذت الموبايل واسيل كاعده وتدردم اتصلت على ادم ..

فتح خط كال .. الوو ..

...حجيت .. شلونك ..

ضحك .. هامج وتسألين شلونك ...؟

حجيت .. لا مهامني المهم اني حاروح ويه ماما واسيل لبيت خالتي ام رتيل ...