غياهب الجهلِ والظلمِ

_البارت التاسع_

    رواية..غياهب..الجهلِ والظلمِ
  
        بقلمي...نورس_قاسم

           ....................

كُسرت مُجددًا
لا أبدو على ما يُرام
داخلي يُراق بين أرجاء مَلامحي
ليس لي مَنْ يحتوي أفكاري الوحيدة
أرجو أن ينتهي هذا الشعور بسرعة
أرجو أن تنتهي قصتي أمام الجميع
مثلما انتهت ورقدت بداخلي منذ أمدٍ بعيد من دون علم أحد

لكي لا أُلام مُجددًا ..

          ......................

اسيل:-كاعده اني والبنات بالصف ونسولف  شويه واجت ميرا كالت

...اسيل انطيني فلوس حتى اشتري ..

...ليش بابا ماانطاج فلوس اليوم؟؟

...انطاني واشتريت ضميتهن بالجنطه رحت للحمامات رجعت لكيت هند وصديقاتها ماخذاتهن من الجنطه...

من تجي المدرسه اكللها وهي تحاسبهن ...

...لالا ممنوع تكولين للمدرسه احنه حقنا ناخذه بإيدنه مونعتمد عالمدرسات ياخذنه لتهتمين اني اهتم بأمرهن وارجعلج حقج وزايد...

اسماء... روحي حبيبتي ميوره حقج انرجعه بإيدنه واله انخليهن ينفصلن من المدرسه لان الظاهر هند متبطل سوالفها

اسيل..انطيت الميرا افلوس راحت تشتري ووصيتها متجيب طاري للمدرسات...

اسيل... شوفن بنات اريد تشترلي باكيت جكاير حاولن اذا تكدرن بالفرصه الثانيه تدبرنه الي..

..زينه... عزااا  ولج اسيل بقت بس الجكاير مشربتيها بس اتشربيها تكتمل رجولتج ...

اسيل... اكلي نعل ثوله .. اريد الجكايره لهذني الغبيات نحطهن بجنطهن ونكول للمديره عليهن..

اسماء.. اي والله وعاد المديره شلون تتخبل من هايه السالفه وهي ملتزمه كولش بسرعه توقع فصلهن والله ...

اسيل.. ابتسمت ابتسامه خبيثه وكلتلهن .. يلا يبنات خلي انفذ المهمه ...

..زينه انتي عليج اتدبريلي الجكاير ..

..اوك خلي اروح اشوف الحانوت البرى بلكي يخلوني اطلع ..

اسيل.. لالا ولج اوكفي اذا اشترينه من الحانوت الخارجي اكيد حننعرف ويكول للمديره علينه ...

...لعد منين نجيب مستحيل تخلينه المعاونه نطلع للمحلات الثانيه؟

...بعد تفكير طويل كلتلهن ...خلنها االخطه على باجر ....

..باوعت لزينه وكلت... انتي جيبي وياج من تجين وهاا دربالج ضميه زين ليشوفه احد ونروح احنه الي ننفصل ...

...اوك

...ثاني يوم اشتريت جكاير ورحت للمدرسه كولشي يصير يمكن هايه الغبيه تنسه...