غياهب الجهلِ والظلمِ

بارت الخامس - و الثلاثون

    رواية ... غياهب الجهل والظلم .
     ...بقلمي ...نورس قاسم
    ---------------------------

انفتحن ابواب السياره ونزلو منها ...نزل ادم وعمتي وسيماف نزلو وراه ...

ضليت واگفه بمكاني اجو فتحو باب الصاله ودخلو الصاله ضلمه وميبين منها شي ...

عمتي مشافتني گالت ... تعالي يمه وراي خلي نرتاح بغرفتي تعبنه من گعدت المستشفى ...

راحت عمتي لغرفتها وسيماف واختها الصغيره راحن وراها .. اني محجيت. ادم خله وصعد للغرفه ...

گعدت واني دمي يغلي ويفور اباوع جسمي يرجف قهر ليش جابتها لهنا ليش مراحت لبيتها ...

گعدت عالتخم.واني گوه لازمه دموعي ولازمه روحي لا انفجر سمعت واحد ينزل ع الدرج رفعت راسي ...

شفته ينزل ويتلفت نزل للصاله راح لدگمة الضوه وفتحها التفت مرتين مثل الي يدور ع شي ...

باوع لمكاني شافني گاعده جر نفس وزفره بهدوء اجه گعد يمي حط اطراف اصابعه ع خدي ومشاهن بهدوء گال ...

...ليش لسه گاعده وليش گاعده هنا مو بغرفتج ...

جريت نفس اصبر نفسي بيه غمضت عيوني ثواني وحجيت ... ليش جبتوها لهنا ليش موديتوها على بيتها ...

ابتسم وگال ... ماترهم بنيه تضل وحدها ببيتها وماكو احد يبات يمها. وامي گالت خلي تضل يمنه بين ماخالها يطيب ويرجع وياهن بالبيت ...

حجيت بقهر ... ساس البله امك تعرفني ما اطيقها جابتها عله ع گلبي يعني جان تگدر هي تروح وتبات يمهن مو شرط تيجيبهن وتجي ...

جر نفس بتعب وگال ... تحملي هال كم يوم وان شاءالله خالها يتحسن وترجع لبيتها لخاطري تحملي حبيبتي ماطول اني وياج لتهتمين الاي شي ...

سكتت واني گلبي مهموم وممرتاح وگأنو حاس انو هالايام مو خير عليه ...
ضليت.ساكته.وصافنه بالفراغ حسيت بإيده لامست ايدي باوعتله ابتسم وگال ...

...گومي خلي انام تعبان حيل يلا حبيبي...

..جرني من.ايدي وگومني صعدنه للغرفه شافني مهمومه وضايجه گعد يتغزل بيه ويگولي ...

...مستحيل تحلى وحده بعيني غيرج ما ابدلج بالدنيا گولها...

سكتت جرني لحضنه حضني حيل ونمت.للصبح.گعدت مفزوعه باوعت لفراشه مموجود گمزت من فراشي لميت شعري ونزلت ارگض بتراك النوم ...

باوعت للمطبخ شفته گاعد ع الكرسي يم الطاوله سيماف واكفه يم الطباخ وعمتي دا تگلي بيض. حطت البيض بالماعون وگالت السيماف ...

..هاج يمه حطي هذا الماعون يم ادم ...

...اني من گالت هيج حسيت نار وشبت بگلبي رحت بسرعه.وجريت الماعون.من.سيماف هي وكفت تباوعلي بذهول ...