غياهب الجهلِ والظلمِ

بارت الثالث_والعشرون

رواية ..غياهب الجهلِ والظلمِ

بقلمي ..نورس قاسم ..
~~~~~~~~~~~~~~
عـابــرون والـدنـيـا ليـسـت لنا
سنمضي يومًا تاركين خلفنا كل شيء.سيء وجميل..
~~~~~~~~~~~~

ميرا :-نايمه واسمع صايح وعياط قوي كعدت من فراشي مفزوعه كمت ونزلت اركض اشوف شنو الصاير..؟

...شفته عمه كاعده بالكاع وتبجي وتصيح وتملخ بشعرها  اباوع تمارا واكفه على صفحه وهم تبجي ..

ثواني واني صافنه ممستوعبه شي انفتح الباب ودخل ادم بزيه العسكري ..

عيونه دم ويمشي طاير صعد للغرفه باوعت زوجة امين واكفه ودموعها تجري ..

رحت عليها كلتلها.. وسن شنو الصاير شبيها زوجة عمو ليش هيج تبجي وتعيط..؟

باوعتلي مسحت دموعها وكالت ... عمو علاء اغتالوه وانطاج عمره ..

...لحضة صمت مرت عليه وكأنو صاعقه كبيره ووكعت على راسي ممصدكه الكلام ..

...ولا اكدر اصدكه يعني شنو عمو ماااات.؟

بعد محااسمع صوته ولا كلمة الغاليه منه ..

حسيت اطرافي سرت بيهن رعشه وكأنو ميكدرن يحملني بعد اباوع للبيت انكلب والوادم كلها التمت بيه .

شفت عمامي كلهم مخبوصين وصياحهم كولش عالي وواحد داخل للبيت وواحد طالع ...

دخلت ماما سعاد واسيل ماما كابلت زوجة عمو وكامت تلطم وياها ..

...اجت اسيل عليه لزمتني باوعت لعيونها كولش حمر ودموعها نزلت كلتلها بألم ..

... اا اسس سيل ص صدوك عمو مااات ..!!!

هزت راسها بأي وحضنتني .. حسيت بسكين ونغرس بقلبي تمنيته حلم واكعد منه ..

..بس للأسف مو حلم هذا واقع ومجبورين نتحمله ...

...ثواني وحسيت رعشه سرت بجسمي ورجفه مو طبيعيه  باوعت لاسيل دا احجي وياها بس مكدرت انطق بشي محسيت غير بظلام حاوطني وروحي ستسلمت لهالظلام...

         ♡♡♡♡♡♡

اسيل... خبر استشهاد عمو علاء مثل صاعقه ووكعت على روسنه كولش تأذينه بخبر موته ..

...عمو انسان طيب وخير بمعنى الكلمه حنين مثل حنية بابا علينه ...

من اجه بابا وخبرنه بأستشهاد عمو بدلنه ملابسنه من الالوان للاسود ورحنه لبيت عمو الله يرحمه...

لكينه البيت مليان وكولها ملتمه بيه عيوني ظلت اتدور على العار وينه اريد اشوفها ...

...بس للأسف ملكيته مموجود دخلنه للداخل خطيه زوجة عمو موته نفسها تبجي وتصرخ .

شفت ميرا واكفه ومجه مصفر ومثل المصدومه رحت عليها ...

حضنتها ويه محضنتها حسيت جسمها رخى اعرف ميرا اكثر وحده بينه تحب عمو ..